Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 35:1-16

35  Kutani Elihu a ya emahlweni a hlamula a ku:   “Xana leswi u swi teka swi lulamile? U te, ‘Ku lulama ka mina ku tlula ka Xikwembu.’+   Hikuva u ri, ‘Ku ku pfuna ha yini?+ Ndzi pfuneka ha yini loko ndzi nga dyohi?’+   Mina ndzi ta ku angula Ndzi ta angula wena ni vanakuloni.+   Languta ehenhla etilweni,+ u vona, Vona mapapa,+ leswaku hakunene ma tlakukile ku ku tlula.   Entiyisweni loko u dyoha, u xi onhela yini?+ Entiyisweni loko u ya emahlweni u xi pfukela, u xi endla yini?   Loko u lulamile hakunene, u xi nyika yini, Kumbe xi amukela yini leswi humaka evokweni ra wena?+   Vuhomboloki bya wena byi nga ha lwa ni munhu wo fana na wena,+ Ni ku lulama ka wena ku nga va ku lwa ni munhu wa la misaveni.+   Va hambeta va kombela mpfuno+ hikwalaho ka mintshikilelo yo tala; Va hambeta va kombela mpfuno hikwalaho ka voko ra lavakulu.+ 10  Kambe a nga kona la vuleke a ku, ‘Xi kwihi Xikwembu, Muendli wa mina Lonkulu,+ Lexi twarisaka miloti nivusiku?’+ 11  Hi xona lexi hi dyondzisaka+ ku tlula swiharhi swa misava,+ Naswona xi hi endlaka hi tlhariha ku tlula ni swivumbiwa leswi hahaka swa matilo. 12  Va tshama va huwelela kwalaho, kambe a xi hlamuli,+ Hikwalaho ka ku tinyungubyisa+ ka lavo biha. 13  I swilo ntsena leswi nga riki ntiyiso leswi Xikwembu xi nga swi twiki,+ Lowa Matimba Hinkwawo a nga swi voni.+ 14  Ku ta endleka yini loko u ku, a wu xi voni!+ Nandzu wu le mahlweni ka xona, xisweswo u fanele u xi rindza hi mahlongati.+ 15  Leswi ku hlundzuka ka xona ku nga tisangiki vuavanyisi sweswi,+ A xi vanga na mhaka ni vuphukuphuku bya wena lebyikulu.+ 16  Yobo u wu ahlamisela swa hava nomu wakwe; U vula marito yo tala handle ka vutivi.”+

Tinhlamuselo ta le hansi