Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 34:1-37

34  Elihu a ya emahlweni a hlamula a ku:   “Yingisani marito ya mina, n’wina lavo tlhariha;Na n’wina mi tivaka, ndzi yingiseni.   Hikuva ndleve yi ringa marito,+Hilaha malaka ma nantswaka hakona loko ku dyiwa.+   A hi tihlawuleleni vuavanyisi;Hina vini hi tiva leswinene.   Hikuva Yobo u te, ‘Kunene ndzi lulamile,+Kambe Xikwembu xi soholote vuavanyisi bya mina.+   Xana ndzi hembela vuavanyisi bya mina?Mbanga ya mina a yi tshunguleki hambileswi ndzi nga wu tlulangiki nawu.’+   Xana i mani wanuna la tiyeke emirini la fanaka na Yobo,+La nwaka ku hlekula ku fana niloko a nwa mati?+   Kunene u le ndleleni yo endla vunakulobye ni vanhu lava hanyaka hi swo bihaNi ku famba ni vanhu vo homboloka.+   Hikuva u te, ‘Munhu la tiyeke emirini a nga vuyeriwi+Hi ku tsakela Xikwembu.’ 10  Hikwalaho, n’wina vanhu va mbilu leyi nga ni ku twisisa,+ ndzi yingiseni.A swi ve ekule swinene ni Xikwembu xa ntiyiso leswaku xi endla hilaha ku hombolokeke,+Ni Lowa Matimba Hinkwawo ku endla hilaha ku nga lulamangiki!+ 11  Hikuva xi ta hakela+ munhu wa la misaveni hi ku ya hilaha a endlaka hakona,Naswona xi ta khoma munhu hi ku ya hi ndlela yakwe. 12  Ina, entiyisweni Xikwembu a xi endli hilaha ku hombolokeke,+Ni Lowa Matimba Hinkwawo a nga byi soholoti vuavanyisi.+ 13  I mani la n’wi nyikeke misava,I mani la n’wi nyikeke tiko ro nona, hinkwaro ka rona? 14  Loko a veka mbilu yakwe eka munhu wo karhi,Loko moya wa yoloye ni ku hefemula a swi hlengeleta eka yena,+ 15  Nyama hinkwayo yi ta timeka swin’we,Naswona munhu wa la misaveni u ta vuyela entshurini wunene.+ 16  Kutani loko u ri ni ku twisisa, yingisa leswi;Yingisa mpfumawulo wa marito ya mina. 17  Xana la vengaka vululami a nga lawula kunene,+Niloko la nga ni matimba a lulamile, xana u nga n’wi vula la hombolokeke?+ 18  Xana munhu a nga byela hosi a ku, ‘A wu pfuni nchumu’?Eka lowa xiyimo xa le henhla a ku, ‘U hombolokile’?+ 19  U kona La nga kombisangiki xihlawuhlawu eka tihosanaNaswona a nga n’wi khathalelanga wa xiyimo xa le henhla ku tlula xisiwana,+Hikuva hinkwavo ka vona i ntirho wa mavoko yakwe.+ 20  Va fa hi nkarhinyana,+ hambi ku ri exikarhi ka vusiku;+Vanhu va tsekatseka kutani va hundza,Lava matimba a va susiwi hi voko ra munhu.+ 21  Hikuva mahlo yakwe ma le henhla ka tindlela ta munhu,+Naswona u vona mikondzo yakwe hinkwayo. 22  Munyama ni ndzhuti lowukulu a swi konaLeswaku lava va hanyaka hi swo biha va tumbela kona.+ 23  Hikuva a nga vekeli munhu nkarhiWa ku va Xikwembu xi n’wi avanyisa. 24  U tshova lava matimba+ handle ko va kambisisa,Naswona u veka van’wana ematshan’weni ya vona.+ 25  Hikwalaho u tiva mintirho ya vona,+Naswona wa va hlula nivusiku, kutani va pfotloseka.+ 26  U va makala ku fana ni lavo homboloka,Endhawini ya vahlaleri;+ 27  Hikwalaho ka leswi va hambukeke eku n’wi landzeleni,+Naswona a va yi xiyisisanga ni yin’we ya tindlela ta yena,+ 28  Leswaku va tisa xirilo xa xisiwana eka yena;Kutani u yingisa xirilo xa lava xanisekaka.+ 29  Loko yena a miyela, kutani i mani la nga gwevaka?Loko a tumbeta xikandza xakwe,+ i mani la nga n’wi vonaka,Ku nga khathariseki leswaku i tiko+ kumbe i munhu, xana swa fana? 30  Leswaku munhu la nga mugwinehi a nga fumi,+Kumbe ku va ni mintlhamu+ evanhwini. 31  Xana u kona entiyisweni la nga byelaka Xikwembu a ku,‘Ndzi swi byarhile, hambileswi ndzi nga endliki hi vuhunguki;+ 32  Hambileswi ndzi nga voniki nchumu, ndzi letele;Loko ndzi endle nchumu lowu nga lulamangiki,A ndzi nge he wu endli nakambe’?+ 33  Xana xi nga endla leswinene eka wona hi ku ya hi wena, hikuva u ala ku avanyisiwa,Hikuva hi wena u hlawulaka, a hi mina?Ni leswi u swi tivaka kahle, swi vule.2 34  Vanhu va mbilu leyi nga ni ku twisisa+ va ta ku eka mina—Hambi ku ri munhu wo tlhariha la tiyeke emirini la ndzi yingisaka, 35  ‘Yobo u vulavula a nga ri na vutivi,+Naswona marito yakwe ma kombisa leswaku a nga na ku twisisa.’ 36  Tatana, pfumelela Yobo a ringiwa a kondza a nga ha swi kotiHikwalaho ka ndlela leyi a hlamulaka vanhu vo biha ha yona.+ 37  Hikuva u dyoha a tlhela a tlula nawu;+U phokotela mavoko exikarhi ka hina kutani a engetela marito yakwe yo sandza Xikwembu xa ntiyiso!”+

Tinhlamuselo ta le hansi