Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 33:1-33

33  “Hambiswiritano, sweswi ndza ku kombela leswaku u yingisa marito ya mina, Wena Yobo, Yingisela hinkwaswo leswi ndzi nga ta swi vula.   Waswivo, ndzi kombela ku pfula nomu wa mina; Ririmi ra mina ri boheka ku vulavula hi malaka+ ya mina.   Marito ya mina i ku lulama ka mbilu yanga,+ Naswona nomu wa mina wu swi vula hi ku tshembeka leswi ndzi swi tivaka.+   Moya wa Xikwembu hi wona wu ndzi endleke,+ Ni ku hefemula ka Lowa Matimba Hinkwawo hi kona ku endleke leswaku ndzi hanya.+   Loko u swi kota, ndzi angule, Longoloxa marito emahlweni ka mina; yimeka.   Waswivo! Na mina ndzi fana na wena emahlweni ka Xikwembu xa ntiyiso;+ Na mina ndzi vumbiwile+ hi misava.   Waswivo! Ku hava ku chavisa ko karhi loku nga eka mina loku nga ku chavisaka, Naswona ku hava xilo lexi tshikilelaka+ eka mina lexi nga ku tikelaka.   Hikwalaho ka leswi ntsena u swi vuleke etindleveni ta mina, Ndzi tshamela ku twa mpfumawulo wa marito ya wena,   ‘Ndzi tengile, a ndzi tluli nawu;+ Ndzi basile, a ndzi na xidyoho.+ 10  Waswivo! Xi ndzi vona nandzu, Xi ndzi teka ndzi ri nala wa xona.+ 11  Xi nghenisa milenge ya mina etingoleni,+ Xi languta tindlela ta mina hinkwato.’+ 12  Waswivo! Eka leswi, a wu lulamanga,+ ndza ku hlamula; Hikuva Xikwembu xi n’wi tlula swinene munhu wa nyama.+ 13  Hikwalaho ka yini u kanetana na xona,+ Hileswi xi nga ma hlamuriki marito ya wena hinkwawo?+ 14  Phela Xikwembu xi vulavula kan’we, Na kambirhi+—hambileswi munhu a nga swi xiximiki— 15  Enorhweni,+ exivonweni+ xa vusiku Loko vurhongo lebyikulu byi khoma vanhu, Hi nkarhi wa ku etlela esangweni.+ 16  Hi kona laha xi pfalulaka tindleve ta vanhu,+ Naswona xi lemela xikhongotelo xa vona, 17  Ku hambukisa munhu exiendlweni xakwe,+ Leswaku xi ta funengeta ku tinyungubyisa+ ka munhu la tiyeke emirini. 18  Xi tlhentlhisa moya-xiviri wakwe emugodini+ Ni vutomi byakwe leswaku byi nga hundzisiwi hi nseve.+ 19  Entiyisweni u tshinyiwa hi xitlhavi esangweni rakwe, Naswona ku holova ka marhambu yakwe ku ya emahlweni. 20  Vutomi byakwe byi endla leswaku xinkwa xi nyenyetsa hakunene,+ Ni moya-xiviri wakwe wu endla tano hi swakudya leswi navelekaka. 21  Nyama yakwe yi vonaka yi hlakala, Marhambu yakwe lawa a ma nga vonaki kunene ma humela ehandle. 22  Moya-xiviri wakwe wu tshinela emugodini,+ Ni vutomi byakwe eka lava va dlayaka. 23  Loko a ri ni murhumiwa, Muvulavuleri, a ri un’we eka vanhu va 1 000, Ku byela munhu vululami byakwe, 24  Kutani wa n’wi tsakela ivi a ku, ‘N’wi suseni a nga rheleli emugodini!+ Ndzi kume nkutsulo!+ 25  Nyama yakwe a yi ve yintshwa ku tlula evuntshweni;+ A a vuyele emasikwini ya matimba yakwe ya vuntshwa.’+ 26  U ta kombela Xikwembu leswaku xi n’wi tsakela,+ Kutani yena u ta vona xikandza xa xona hi ku huwelela ka ku tsaka, Naswona xi ta vuyisela ku lulama ka xona eka munhu wa nyama. 27  U ta yimbelelela vanhu a ku, ‘Ndzi dyohile;+ naswona ndzi soholote leswi lulameke, Kunene a ku nga ri nchumu lowu faneleke eka mina. 28  Xi kutsule moya-xiviri wa mina leswaku wu nga hundzeli emugodini,+ Ni vutomi bya mina byi ta vona ku vonakala.’ 29  Waswivo! Swilo leswi hinkwaswo swi endliwa hi Xikwembu, Kambirhi, kanharhu, eka munhu la tiyeke emirini, 30  Ku tlherisa moya-xiviri wakwe emugodini,+ Leswaku a ta voningeriwa hi ku vonakala ka lava hanyaka.+ 31  Wena Yobo, nyikela nyingiso! Ndzi yingise! Miyela, mina ndzi ta ya emahlweni ndzi vulavula. 32  Loko ku ri ni marito yo ma vula, ndzi angule; Vulavula, hikuva ndzi tsakela ku lulama ka wena. 33  Loko ma nga ri kona, ndzi yingise;+ Miyela, ndzi ta ku dyondzisa vutlhari.”

Tinhlamuselo ta le hansi