Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 32:1-22

32  Kutani vavanuna lava vanharhu va tshika ku hlamula Yobo, hikuva a a lulamile ematihlweni yakwe.+  Kambe ku hlundzuka ka Elihu n’wana Barakele lowa le Buzu,+ wa ndyangu wa Rhamu ku pfurha. Ku hlundzuka kakwe ku pfurhela Yobo hikwalaho ko vula leswaku moya-xiviri wakwe wu lulamile ematshan’weni ya Xikwembu.+  Ku hlundzuka kakwe ku pfurhela ni vanakulobye vanharhu hikuva a va kumanga nhlamulo kambe va ye emahlweni va vula leswaku Xikwembu xi hombolokile.+  Elihu a a yimele leswaku Yobo a vulavula ku sungula, hikuva a va ri vakulu eka yena.+  Hakatsongo-tsongo Elihu a vona leswaku a ku nga ri na nhlamulo enon’wini+ wa vavanuna lava vanharhu, ku hlundzuka kakwe a ku ya ku hisa swinene.  Kutani Elihu n’wana wa Barakele lowa le Buzu a hlamula a ku: “Ndzi ntsongo hi masiku N’wina mi vakulu.+ Hi swona leswi endleke leswaku ndzi tlhentlha naswona ndzi chava Ku mi byela leswi ndzi swi tivaka.   Ndzi te, ‘Masiku hi wona ma faneleke ma vulavula, Naswona malembe lamanyingi hi wona ma faneleke ma endla vutlhari byi tiviwa.’+   Hakunene i moya lowu nga eka vanhu va nyama Ni ku hefemula ka Lowa Matimba Hinkwawo loku va nyikaka ku twisisa.+   A hi lava nga ni masiku yo tala lava va tlhariheke,+ Ni lava nga vakulu lava twisisaka vuavanyisi.+ 10  Hikwalaho ndzi te, ‘Ndzi yingiseni. Na mina ndzi ta vula leswi ndzi swi tivaka.’ 11  Maswivo! Ndzi rindze marito ya n’wina, Ndzi hambeta ndzi yingisa mianakanyo ya n’wina,+ Ku fikela loko mi lavisisa marito lawa mi nga ta ma vula. 12  Ndzi yise nyingiso wa mina eka n’wina, Ndzi kuma leswaku a nga kona la tshinyaka Yobo, A nga kona eka n’wina la hlamulaka marito yakwe, 13  Leswaku mi nga vuli mi ku, ‘Hi kume vutlhari;+ I Xikwembu lexi n’wi hlongolaka, a hi vanhu.’ 14  Leswi a nga longoloxangiki marito ku kanetana na mina, Kutani a ndzi nge n’wi anguli hi marito ya n’wina. 15  Va chavisiwile, a va ha hlamulanga; Marito ma sukile eka vona. 16  Naswona ndzi rindzile, kambe a va ha yanga emahlweni va vulavula; Va miyerile, a va ha hlamulanga. 17  Loko ku ri mina, ndzi ta hlamula xiphemu xa mina; Na mina ndzi ta vula leswi ndzi swi tivaka; 18  Hikuva ndzi taleriwe hi marito; Moya wu ndzi tshikilerile+ ekhwirini ra mina. 19  Waswivo! Khwiri ra mina ri fana ni vhinyo leyi nga pfuriwangiki; Ku fana ni magula ya dzovo lamantshwa, ri lava ku boxeka.+ 20  Inge ndzi vulavula leswaku ndzi ta ntshunxeka. Ndzi ta pfula nomu wa mina leswaku ndzi hlamula.+ 21  Ndzi kombela leswaku ndzi nga vi na xihlawuhlawu eka munhu;+ Ndzi nga tshuki ndzi thopa munhu wa la misaveni;+ 22  Kunene a ndzi swi tivi leswaku ndzi nga thopisa ku yini; Muendli+ wa mina u ta ndzi susa hi ku olova.

Tinhlamuselo ta le hansi