Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 31:1-40

31  “Ndzi endle ntwanano ni mahlo ya mina.+ Xana ndzi nga n’wi langutisisa ku yini nhwana?+   Naswona hi xihi xiphemu lexi humaka le henhla ka Xikwembu,+ Kumbe ndzhaka leyi humaka eka Lowa Matimba Hinkwawo la nga le henhla?   Xana a ri kona khombo eka la endlaka leswi hoxeke,+ Ni mhangu eka lava hanyaka hi leswo biha?   Xana xona a xi ti voni tindlela ta mina+ Xi hlaya ni mikondzo ya mina hinkwayo?   Loko ndzi fambe ni vanhu lava nga riki na ntiyiso,+ Ni milenge ya mina yi anghwetlela evuxisini,+   Xi ta ndzi kala eswikalweni leswi pakanisaka+ Kutani Xikwembu xi ta tiva ku tshembeka+ ka mina.   Loko milenge ya mina yi hambuka endleleni,+ Kumbe mbilu ya mina yi fambe hi ku landza mahlo ya mina ntsena,+ Kumbe ku kayivela ko karhi ku namarhele xandla xa mina,+   Ndzi ta byala mbewu, un’wana a dya,+ Ni vatukulu va mina a va tsuvuriwe.   Loko mbilu ya mina yi yengiwe hi wansati,+ Naswona ndzi tshama ndzi tumbelerile+ endleleni yo nghena ya nakulorhi, 10  Nsati wa mina a a silele nuna un’wana, Naswona vavanuna van’wana a va nkhinsame ehenhla ka yena.+ 11  Hikuva sweswo ku ta va ku ri ku tikhoma ko biha, Naswona xexo ku ta va ku ri xidyoho lexi lavaka nyingiso wa vululami.+ 12  Sweswo ku ta va ku ri ndzilo lowu nga ta dya wu lovisa,+ Naswona wu ta dya ntshovelo wa mina hinkwawo. 13  Loko ndzi tolovele ku ala ku avanyisiwa hi hlonga ra mina ra xinuna Kumbe hi hlonga ra mina ra xisati loko va ri ni mhaka na mina enawini, 14  Xana ndzi nga endla yini loko Xikwembu xi ndzi pfukela? Loko xi lava nhlamuselo, xana ndzi ta xi hlamula ndzi ku yini?+ 15  Xana xona lexi xi ndzi endleke ekhwirini a hi xona xi n’wi endleke,+ Xana a hi xona xi hi lunghiseleleke embelekweni? 16  Loko swi vula leswaku a ndzi tolovele ku kavanyeta swisiwana entsakweni wa swona,+ Ni mahlo ya noni a ndzi ta ma endla ma nga ha voni,+ 17  Naswona a ndzi dya xiphemu xa mina ndzi ri ndzexe, Kasi n’wana la nga riki na tatana a a nga xi dyi+ 18  (Hikuva u kule na mina evuntshweni bya mina ku fana ni loko a kula na tatana, Hi mpfhuka ndzi huma ekhwirini ra manana a ndzi n’wi rhangela); 19  Loko ndzi tshamele ku vona munhu a lova hikwalaho ko pfumala nguvu,+ Kumbe xisiwana xi nga ri na nguvu; 20  Loko swisuti swakwe swi nga ndzi katekisanga,+ Naswona a nga tinyawuxanga eka voya lebyi tsemetiweke+ eka tinyimpfu ta mina; 21  Loko ndzi ndziwite voko ra mina eka loyi a nga riki na tatana,+ Loko ndzi vona xilaveko xa leswaku ndzi pfuniwa enyangweni,+ 22  Xiphanga xa katla ra mina a xi we ekatleni ra mina, Ni voko ra mina a ri tshoveke erhambyini ra rona. 23  Hikuva khombo leri humaka eka Xikwembu a ri ndzi chavisa, Naswona a ndzi nga ta xi yimela xindzhuti+ xa xona. 24  Loko ndzi veke nsuku leswaku wu va ntshembo wa mina, Kumbe ndzi byele nsuku ndzi ku, ‘U ntshembo wa mina!’+ 25  Loko ndzi tshame ndzi tsaka hikwalaho ka leswi swilo swa mina a swi tele,+ Ni hikwalaho ka leswi voko ra mina a ri kume swilo swo tala;+ 26  Loko ndzi tshame ndzi vona ku vonakala loko ku voninga, Kumbe n’weti wa risima wu famba,+ 27  Ni mbilu ya mina yi yengiwa exihundleni+ Ni voko ra mina ri ntswontswa nomu wa mina, 28  Xexo na xona a ku ta va ku ri xidyoho lexi lavaka nyingiso wa vululami, Hikuva a ndzi ta va ndzi landzule Xikwembu xa ntiyiso lexi nga le henhla. 29  Loko a ndzi tsakisiwa hi ku herisiwa ka munhu la ndzi vengaka swinene,+ Kumbe ndzi tsakisiwa hileswi a kumiweke hi vubihi— 30  A ndzi ma pfumelelanga malaka ya mina leswaku ma dyoha Hi ku kombela xihlambanyo lexi lwisanaka ni moya-xiviri wakwe.+ 31  Loko vanhu lava tshamaka entsongeni wa mina va nga vulanga va ku, ‘I mani la nga humesaka munhu la nga xurhangiki hi swakudya swakwe?’+ 32  A nga kona muluveri la nga tshamaka vusiku hinkwabyo ehandle;+ Ndzi tshama ndzi pfulele mufambi tinyangwa ta mina. 33  Loko ndzi funengeta ku tlula ka mina nawu ku fana ni munhu wa la misaveni+ Hi ku fihla xidyoho xa mina exikhwameni xa hembe ra mina— 34  Hikuva ndzi ta chava entshungwini lowukulu, Kumbexana ku hlekula ka mindyangu ku ta ndzi karhata A ndzi ta va ndzi miyerile, a ndzi nga ta huma hi le nyangweni. 35  Onge loko a ndzi kume munhu la ndzi yingisaka,+ Leswaku Lowa Matimba Hinkwawo a ndzi hlamula hi ku landza ku tiyisekisa ka mina!+ Kumbe loko munhu la nga ni mhaka na mina enawini, a a tsale tsalwa ra vumbhoni! 36  Kunene a ndzi ta swi rhwala emakatleni ya mina; A ndzi ta tiboha ha swona kukota harhi leyikulu. 37  A ndzi ta xi byela nhlayo ya magoza ya mina;+ A ndzi ta xi tshinelela ku fana ni murhangeri. 38  Loko misava ya mina yo ndzi rilela yi lava mpfuno, Ni migerho ya kona yo rila; 39  Loko ndzi dye mihandzu ya kona ndzi nga ri na mali,+ Naswona ndzi endle leswaku moya-xiviri wa vini va swona wu hefemulela ehenhla,+ 40  Ematshan’weni ya koroni a ku mile mfava wa mitwa,+ Ematshan’weni ya maxalana a ku mile mfava wo nun’hwa.” Marito ya Yobo ma herile.

Tinhlamuselo ta le hansi