Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 30:1-31

30  “Sweswi va ndzi hlekile,+ Lava nga vatsongo eka mina hi masiku,+ Lava vatata wa vona a ndzi ta va ndzi arile Ku va veka ni timbyana ta ntlhambi wa mina.   Hambi ku ri matimba ya mavoko ya vona—xana a ma ndzi pfuna ha yini? Matimba ya vona ma lovile.+   I timhika hikwalaho ka ku pfumala ni ndlala, Va handza endhawini leyi nga riki na mati,+ Leyi tolo a yi ri ni xidzedze, yi onheteriwa.   A va kha ntsembyani lowu nga ni munyu eswihlahleni, Naswona swakudya swa vona a ku ri rimitsu ra ximudyana.   A va hlongoriwa emutini;+ Vanhu a va va huwelela kukota loko va huwelela khamba.   Va boheka ku tshama erigiyagiyeni ra minkova, Eminkeleni ya misava ni maribye.   A va huwelela va ri exikarhi ka swihlahla; Va vungana swin’we ehansi ka swigatlu.   Vana va xihunguki,+ ni vana va la nga riki na vito, Va xupuriwile etikweni.   Sweswi ndzi hundzuke nhloko-mhaka ya risimu ra vona,+ Ndzi xihlekiso xa vona.+ 10  Va ndzi nyenyile, va tiveke ekule na mina;+ Naswona a va tshikanga ku ndzi tshwutelela+ exikandzeni. 11  Hikuva xi ntshunxe ngoti ya vurha bya mina kutani xi ndzi tsongahata, Kutani va ntshunxe tomu hikwalaho ka mina. 12  Va yime va ri vabihi evokweni ra mina ra xinene; Va susumete milenge ya mina, Kambe va aka swihingakanyo leswi nga ni khombo ku lwa na mina.+ 13  Va hirimuxe tindlela ta mina; A va pfuna ntsena leswaku ndzi va ni maxangu,+ Va nga ri na mupfuni. 14  Va nghena onge hiloko va nghena hi mbhovo lowu anameke; Va vumbuluke exidzedzeni. 15  Ku chava ka xitshuketa ku hundzuluxeriwe ehenhla ka mina; Mahanyelo ya mina ya xiyimo xa le henhla ma hlongoriwile kukota mheho, Ku ponisiwa ka mina ku hundze kukota papa. 16  Sweswi moya-xiviri wa mina wa halaka wu huma endzeni ka mina;+ Masiku ya ku xaniseka+ ma ndzi kumile. 17  Marhambu+ ya mina ma boxiwile nivusiku naswona ma wa eka mina, Naswona switlhavi a swi tshiki ku ndzi karhata.+ 18  Nguvu ya mina ya cinca hikwalaho ka matimba yo tala; Ya ndzi khama kukota kholoro ya nguvu ya mina yo leha. 19  Xi ndzi veke ehansi evumbeni, Lerova ndzi fana ni ntshuri ni minkuma. 20  Ndzi kombela mpfuno eka wena, kambe a wu ndzi hlamuli;+ Ndzi yimile, leswaku u ta rhiya ndleve ya wena eka mina. 21  U tihundzule leswaku u va ni tihanyi eka mina;+ Hi voko ra wena ra matimba u ni vulala eka mina. 22  U ndzi tlakusela emhehweni, u ndzi khandziyisa yona; Kutani u ndzi pfotlosa ndzi hela. 23  Ndzi swi tiva kahle leswaku u ta ndzi vuyisa eku feni,+ Endlwini leyi hinkwavo lava hanyaka va nga ta hlangana eka yona. 24  Ntsena a nga kona la tshambulutaka voko rakwe ku lwa ni marhumbi,+ Malunghana ni swilo sweswo a ku komberiwi mpfuno hi nkarhi wa ku hela matimba. 25  Kunene ndzi n’wi rilerile la nga ni siku ro nonon’hwa;+ Moya-xiviri wa mina wu ve ni ntwela-vusiwana eka la pfumalaka.+ 26  Hambileswi a ndzi rindze leswinene, kambe ku fike swo biha;+ A ndzi tshama ndzi rindze ku vonakala, kambe ku fike ku dzwihala. 27  Marhumbu ya mina a ma vila ma nga miyeli; Masiku ya ku xaniseka ma ndzi fikerile. 28  Ndzi famba-fambe ndzi hlunamile,+ ku voninga ka dyambu ku nga ri kona; Ndzi fike enhlengeletanweni, ndzi hambeta ndzi kombela mpfuno. 29  Ndzi ve makwavo wa timhungubye, Ni nakulobye wa swimbhahana swa yinca.+ 30  Nhlonge ya mina yi hundzuke ya ntima+ ivi yi dzuvuka, Ni marhambu ya mina ma hisa hikwalaho ka ku oma. 31  Ni haripa ya mina yi va ya ku rila ntsena, Ni nanga ya mina yi va rito ra lava rilaka.

Tinhlamuselo ta le hansi