Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 29:1-25

29  Yobo a ya emahlweni a vula marito yakwe ya vutlhari nakambe, a ku:   “Mawaku loko a ndzi fana ni le ka tin’hweti ta khale swinene ta ku rhendzeleka ka n’weti,+ Ku fana ni le masikwini lawa a ndzi rindziwa hi Xikwembu;+   Loko xi voningisa rivoni ra xona ehenhla ka nhloko ya mina, Loko ndza ha famba emunyameni hi ku vonakala ka xona;+   Hilaha a swi ri hakona emasikwini lawa a swi ndzi fambela kahle,+ Loko xinakulobye ni Xikwembu xa ha ri entsongeni wa mina;+   Loko Lowa Matimba Hinkwawo a ha ri na mina, Loko vatirhi va mina va ha ndzi rhendzerile!   Loko ndza ha hlantswa milenge ya mina hi phehlwa, Ni ribye ri hambeta ri ndzi chululela swinambyana swa mafurha;+   Loko ndza ha huma hi tinyangwa ndzi ya emutini,+ Ndza ha veka xitshamo xa mina entsendzeleni!+   Vafana va ndzi vona kutani va tumbela, Ni lava kuleke va suka va yima.+   Tihosana a ti nga ha vulavuli, Naswona a ti veka ni xandla enon’wini+ wa tona. 10  Rito ra varhangeri a ri fihliwile, Ni ririmi ra vona a ri namarhela malaka+ ya vona. 11  Tindleve a ti yingisa kutani ti ndzi vula la tsakeke, Ni tihlo ri swi vona kutani ri nyikela vumbhoni ha mina. 12  Hikuva a ndzi ponisa la xanisekaka, la kombelaka ku pfuniwa,+ Ni n’wana la nga riki na tatana ni hinkwavo lava a va nga ri na mupfuni.+ 13  Nkateko+ wa loyi a nga ekusuhi ni ku lova—a wu ta ehenhla ka mina, Ni mbilu ya noni a ndzi yi tsakisa.+ 14  Ndzi tiambexe hi ku lulama, na kona ku ndzi ambexile.+ Vululami bya mina a byi fana ni nguvu yo pfumala mavoko—ni xifunengeto xa nhloko. 15  Ndzi ve mahlo ya la feke mahlo;+ Ndzi ve milenge ya la khutaka. 16  A ndzi ri tatana wa xiviri eka swisiwana;+ Ni nandzu wa loyi ndzi nga n’wi tiviki—a ndzi wu kambela.+ 17  A ndzi tshova tinhlaya ta la endlaka leswi hoxeke,+ Naswona a ndzi swi wutla emenweni yakwe leswi a swi khomeke. 18  A ndzi tolovele ku vula ndzi ku, ‘Ndzi ta timekela+ exisakeni xa mina, Ndzi ta andzisa masiku ya mina ku fana ni swiribyana swa sava.+ 19  Rimitsu ra mina ri pfulekele mati,+ Ni mberha yi ta heta vusiku hinkwabyo erhavini ra mina. 20  Ku vangama ka mina ka ha ri kuntshwa eka mina, Ni vurha bya mina lebyi nga evokweni ra mina  byi ta copa hi ku phindha-phindha.’ 21  Va ndzi yingisile; naswona va ndzi rindzile, Naswona a va miyela va yingisela xitsundzuxo xa mina.+ 22  Endzhaku ka rito ra mina a va nga ha vulavuli, Naswona rito ra mina a ri wela ehenhla ka vona.+ 23  A va ndzi rindza kukota loko va rindza mpfula,+ A va ahlamisa milomu ya vona va yi ahlamisela mpfula ya ximun’wana.+ 24  A ndzi va n’wayitelela—va nga kholwi— Naswona a va nga ku susi ku vonakala ka xikandza+ xa mina. 25  A ndzi va hlawulela ndlela, a ndzi ri murhangeri wa vona; Ndzi tshame kukota hosi loko yi tshame exikarhi ka ntlawa wa masocha ya yona,+ Ku fana ni munhu la chavelelaka lava rilaka.+

Tinhlamuselo ta le hansi