Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 27:1-23

27  Yobo a ya emahlweni a vula marito yakwe ya vutlhari+ nakambe, a ku:   “Leswi Xikwembu xi hanyaka,+ i mani la suseke vuavanyisi bya mina,+Leswi Lowa Matimba Hinkwawo a hanyaka, i mani la endleke leswaku moya-xiviri wa mina wu twa ku vava,+   Loko ku hefemula ka mina ka ha helerile endzeni ka mina,Naswona moya wa Xikwembu wa ha ri etinhompfini ta mina,+   Nomu wa mina a wu nge vulavuli leswi nga lulamangikiNaswona ririmi ra mina a ri nge gunguli hi vuxisi!   A ndzi nge pfuki ndzi mi vule lava lulameke!+Ndzi nga ka ndzi nga tshiki vutshembeki+ bya mina kukondza ndzi timeka!   Ndzi ta khomelela vululami bya mina, ndzi nga ka ndzi nga byi tshiki byi famba;+Mbilu ya mina yi nga ka yi nga ndzi tlhontlhi emasikwini hinkwawo ya mina.+   Nala wa mina a a ve munhu wo homboloka hi tindlela hinkwato,+La ndzi pfukelaka a a ve muendli wa leswi hoxeke hakunene.   Hikuva hi wihi ntshembo wa mugwinehi loko xo tshuka xi n’wi dlaya,+Loko Xikwembu xo tshuka xi teka moya-xiviri wakwe?+   Xana Xikwembu xi ta twa xirilo xakweLoko maxangu mo tshuka ma n’wi wela?+ 10  Kumbe, xana a nga kuma ntsako lowu heleleke eka Lowa Matimba Hinkwawo?Xana a nga vitana Xikwembu minkarhi hinkwayo? 11  Ndzi ta mi letela hi voko ra Xikwembu;Leswi swi nga ni Lowa Matimba Hinkwawo a ndzi nge swi fihli.+ 12  Waswivo! N’wina hinkwenu mi vone swivono;Xisweswo, hikwalaho ka yini mi tikomba mi nga ri nchumu hi ku helela?+ 13  Lexi i xiavelo xa munhu wo homboloka lexi humaka eka Xikwembu;+Naswona ndzhaka ya vaxanisi va ta yi amukela yi huma eka Lowa Matimba Hinkwawo. 14  Loko vana vakwe va tala, va ta va va talele banga;+Vatukulu vakwe a va nge vi na swakudya leswi ringaneke. 15  Lava poneke vakwe va ta lahliwa hi nkarhi wa ntungu lowu dlayaka,Ni tinoni ta vona a ti nge rili.+ 16  Loko o hlengeleta silivhere ku fana ni misava,Naswona a lunghiselela tinguvu ku fana niloko a lunghiselela vumba, 17  U ta lunghiselela, kambe lowo lulama hi yena la nga ta tiambexa tona,+Ni la pfumalaka nandzu hi yena la nga ta pambuleriwa silivhere. 18  U ake yindlu yakwe ku fana ni nsumba yinene,Ku fana ni ntsonga+ lowu endliweke hi murindzi. 19  U ta etlela a fuwile, kambe a ku nge hlengeletiwi nchumu;U ta pfula mahlo yakwe, kambe a ku nge vi na nchumu.+ 20  Ku chava ka xitshuketa ku ta n’wi fikela kukota mati;+Kunene mheho yi ta n’wi yiva nivusiku. 21  Mheho ya le vuxeni yi ta n’wi rhwala+ a famba,Yi ta n’wi susa yi n’wi yisa ekule ni ndhawu yakwe.+ 22  Yi ta tilahlela eka yena yi nga ri na ntsetselelo;+Kunene u ta ringeta ku balekela+ matimba ya yona. 23  Munhu u ta n’wi phokotelela mavoko+U ta n’wi bela noti+ a ri endhawini yakwe.

Tinhlamuselo ta le hansi