Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 26:1-14

26  Yobo a ya emahlweni a hlamula a ku:   “Mawaku ndlela leyi u veke mpfuno lowukulu ha yona eka loyi a nga riki na matimba! Mawaku ndlela leyi u poniseke ha yona voko leri nga riki na ntamu!+   Mawaku ndlela leyi u n’wi tsundzuxeke ha yona la nga riki na vutlhari,+ Naswona u endle leswaku vutlhari lebyi pfunaka byi tiviwa hi lavanyingi!   Xana marito u ma byele mani, Naswona i ku hefemula ka mani loku humeke eka wena?   Lava hluriweke hi rifu va tshama va ri karhi va rhurhumela Lava nga ehansi ka mati ni lava tshamaka eka wona.+   Sheol a yi ambalanga nchumu emahlweni ka xona,+ Ni ndhawu ya ndzoviso a yi na nguvu.   Xi tshambuluta n’walungu ehenhla ka ndhawu leyi nga riki na nchumu,+ Xi hayeka misava ehenhla ka hava;   Xi tsondzela mati emapapeni ya xona,+ Lerova papa a ri handzuki ehansi ka wona;   Xi biyelela xikandza xa xiluvelo, Xi xi funengeta hi papa.+ 10  Xi be xirhendzevutana ehenhla ka xikandza xa mati,+ Laha ku vonakala ku hetelelaka ku ri munyama. 11  Tiphuphu ta tilo ta tsekatseka, Naswona ta hlamala hikwalaho ka ku tshinya ka xona. 12  Hi matimba ya xona xi dunge lwandle,+ Hi ku twisisa ka xona xi tshovelele+ la hlaselaka.+ 13  Xi basise tilo hi mheho ya xona,+ Voko ra xona ri tlhave nyoka leyi kokovaka.+ 14  Waswivo! Leswi ko va swiphemunyana swa tindlela ta xona,+ Phela i mhaka leyi hleveteriwaka malunghana na xona! I mani la nga twisisaka ku dzindza ka xona ka matimba?”+

Tinhlamuselo ta le hansi