Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 2:1-13

2  Endzhaku ka sweswo ku fika siku leri vana va Xikwembu xa ntiyiso va ngheneke ha rona va yima emahlweni ka Yehovha, hiloko na Sathana a nghena kwalaho exikarhi ka vona a yima emahlweni ka Yehovha.+  Kutani Yehovha a ku eka Sathana: “Kahle-kahle u huma kwihi?” Hiloko Sathana a hlamula Yehovha a ku: “A ndzi famba-famba emisaveni ndzi rhendzeleka eka yona.”+  Hiloko Yehovha a ya emahlweni a ku eka Sathana: “Xana u veke mbilu ya wena ehenhla ka nandza wa mina Yobo,+ hikuva a ku na munhu la fanaka na yena emisaveni, munhu la pfumalaka xisandzu, wo lulama,+ la chavaka Xikwembu+ naswona a kendlukaka eka leswo biha?+ Kambe nisweswi wa ha khomelele swi tiya eka vutshembeki byakwe,+ hambileswi u ndzi hlohlotelaka+ leswaku ndzi n’wi mita ku nga ri na xivangelo.”+  Kambe Sathana+ a hlamula Yehovha a ku: “Nhlonge hi nhlonge, hinkwaswo leswi munhu a nga na swona u ta swi humesa leswaku a ponisa moya-xiviri wakwe.+  Ndzi kombela leswaku u cinca u tshambuluta voko ra wena, u khumba marhambu yakwe ni nyama yakwe kutani u vona loko a nga ta ka a nga ku rhukani exikandzeni.”+  Hiloko Yehovha a ku eka Sathana: “Hi yoloye evokweni ra wena! Kambe hlayisa moya-xiviri wakwe ntsena!”  Kutani Sathana a huma a ya ekule ni mombo wa Yehovha,+ hiloko a ba Yobo hi marhumba lama nga ni khombo+ ku sukela enkondzweni wakwe ku ya ethavathaveni.  Hiloko a teka xirhengele leswaku a ti nwaya hi xona; a a tshama enkumeni.+  Emakumu nsati wakwe a ku eka yena: “Xana wa ha khomelele u tiya eka vutshembeki bya wena nisweswi?+ Rhukana Xikwembu u fa!” 10  Kambe a ku eka yena: “U vulavula kukota un’wana wa vavasati vo hunguka.+ Xana hi fanele hi amukela leswi nga swinene ntsena eka Xikwembu xa ntiyiso, hi nga amukeli ni leswo biha?”+ Eka hinkwaswo leswi, Yobo a nga dyohanga hi nomu wakwe.+ 11  Vanakulobye vanharhu va Yobo va twa hi ta makhombo hinkwawo lama n’wi weleke, kutani va ta, un’wana ni un’wana a huma endhawini ya ka vona, Elifazi lowa le Temani,+ Bilidadi lowa le Xuwa+ na Sofara lowa le Namani.+ Kutani va hlangana hilaha va twananeke+ hakona leswaku va ta n’wi tshandzisa ni ku n’wi chavelela.+ 12  Loko va tlakusa mahlo ya vona va ha ri ekule a va nga n’wi tivi hi nkarhi wolowo. Kutani va tlakusa marito ya vona va rila ni ku handzulela+ tinguvu ta vona to pfumala mavoko hi le xikarhi kutani va tsutsuxela ritshuri ehenhla ri wela etinhlokweni ta vona.+ 13  Va hambeta va tshama+ na yena ehansi masiku ya nkombo ni vusiku bya nkombo, naswona a a nga ri kona la vulaka rito eka yena, hikuva a va swi vona leswaku a a twa ku vava+ lokukulu ngopfu.

Tinhlamuselo ta le hansi