Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 19:1-29

19  Yobo a ya emahlweni a hlamula a ku:   “Xana mi ta hambeta mi karhata moya-xiviri wa mina ku fikela rini+ Naswona mi hambeta mi ndzi pfotlosa hi marito?+   Mi ndzi tshinye ka khume; A mi khomiwi hi tingana leswi mi ndzi karhataka ngopfu.+   Hambiloko ndzi endle xihoxo hakunene,+ Xihoxo xa mina xi ta tshama eka mina.   Entiyisweni loko mi ri ni xivangelo xa ku tikukumuxa eka mina,+ Naswona mi kombisa leswaku ndzhukano wa mina wu ndzi fanerile,+   Swi tiveni leswaku Xikwembu xi ndzi hambukisile, Naswona xi ndzi funengete hi rikoka ra xona ro hlota.+   Waswivo! Ndzi hambeta ndzi huwelela ndzi ku, ‘Madzolonga,’ kambe a ndzi kumi nhlamulo;+ Ndzi hambeta ndzi kombela ku pfuniwa, kambe vululami a byi kona.+   Ndlela ya mina xi yi sive hi khumbi ra maribye,+ naswona a ndzi nge hundzi; Xi veka munyama etindleleni ta mina.+   Xi ndzi hluvule ku vangama ka mina,+ Naswona xi susa harhi ya nhloko ya mina. 10  Xa ndzi hirimuxa ematlhelweni hinkwawo, kutani ndzi famba; Naswona xi susa ntshembo wa mina ku fana ni loko xi susa murhi. 11  Ku hlundzuka ka xona na kona ka ndzi hisa,+ Naswona xi hambeta xi ndzi languta kukota xirha xa xona. 12  Masocha ya xona ma ta hi vun’we ma ta aka tindlela ta wona ku lwa na mina,+ Naswona ma aka mixaxa ma rhendzela ntsonga wa mina. 13  Vamakwerhu xi va veke ekule na mina,+ Ni lava va ndzi tivaka va ndzi fularhelile. 14  Vanghana va mina lavakulu a va ha ri kona,+ Ni lava ndzi va tivaka va ndzi rivele, 15  Lava tshamaka va ri valuveri endlwini ya mina;+ ni mahlonga ya mina ya xisati ma ndzi languta ndzi ri mufambi; Hakunene ndzi ve munhu wumbe ematihlweni ya vona. 16  Ndzi vitane nandza wa mina, kambe a nga hlamuli. Ndzi tshamela ku n’wi kombela hi nomu wa mina leswaku a ndzi komba tintswalo. 17  Ku hefemula ka mina ku nyenyetsa nsati+ wa mina, Naswona ndzi ni risema eka vana lava humeke ekhwirini ra manana. 18  Ni vafana va ndzi bakanyile;+ Loko ndzi yima, va sungula ku vulavula swo biha ha mina. 19  Vanhu hinkwavo lava nga entlaweni wa mina va ndzi nyenya,+ Ni lava a ndzi va rhandza va ndzi hundzukerile.+ 20  Entiyisweni marhambu ya mina ma namarhela nhlonge ya mina ni nyama ya mina,+ Kutani ndzi pona ni nhlonge ya meno ya mina. 21  Kombisani ku ndzi tsakela, kombisani ku ndzi tsakela, n’wina vanakulorhi,+ Hikuva voko ra Xikwembu ri ndzi khumbile.+ 22  Hikwalaho ka yini mi tshamela ku ndzi xanisa ku fana nileswi Xikwembu xi ndzi xanisisaka xiswona,+ Naswona mi nga eneriseki hi nyama ya mina? 23  Onge loko marito ya mina a ma tsariwe ehansi! Onge loko a ma tsariwe ebukwini! 24  Hi xitsalo xa nsimbi+ ni ntsopfu, Onge loko a ma kovotliwe eribyeni, ma tshama hi masiku! 25  Mina ndza swi tiva leswaku mukutsuri+ wa mina wa hanya, Nileswaku u ta pfuka+ entshurini, a ta endzhaku ka mina. 26  Endzhaku ka loko va yevule nhlonge ya mina—exiyin’weni lexi! Niloko ndzi herile enyameni, ndzi ta vona Xikwembu, 27  Ndzi ta xi vona hi ndzexe,+ Kunene mahlo ya mina ma ta xi vona, a ma nge voni mufambi. Tinso ta mina a ti tirhi endzeni ka mina. 28  Hikuva n’wina mi ri, ‘Hikwalaho ka yini hi tshamela ku n’wi xanisa?’+ Loko rimitsu ra mhaka ya kona ri kumeka eka mina. 29  Chavani banga,+ Hikuva banga ri vula vukarhi lebyi lwaka ni swidyoho, Leswaku mi ta swi tiva leswaku ku ni muavanyisi.”+

Tinhlamuselo ta le hansi