Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 18:1-21

18  Bilidadi lowa Muxuha a ya emahlweni a hlamula a ku:   “Xana mi ta miyela rini? Mi fanele mi twisisa, leswaku endzhaku hi ta vulavula.   Hikwalaho ka yini hi vuriwa swiharhi+ Naswona hi languteka hi nga basanga ematihlweni ya n’wina?   Xi handzulela moya-xiviri wakwe hi ku hlundzuka ka xona. Xana misava yi ta tshikiwa hikwalaho ka n’wina, Kumbe ribye ri susiwa endhawini ya rona?   Ni ku vonakala ka lavo homboloka ku ta timiwa+ Ni nhlahle ya ndzilo wakwe a yi nge voningi.   Kunene ku vonakala ku ta hundzuka munyama entsongeni wakwe,+ Naswona rivoni rakwe ri ta timiwa ri ri eka wona.   Matimba ya milenge yakwe ma ta va matsongo. Ni kungu rakwe ri ta n’wi wisa.+   Entiyisweni milenge yakwe yi ta n’wi yisa erikokeni, U ta famba ehenhla ka rikoka.+   Xirimbana xi ta n’wi khoma exirhendzeni;+ A khomiwa hi ntlhamu.+ 10  Ntambhu leyi nga ta n’wi khoma yi fihleke emisaveni, Ni xirimbana lexi nga ta n’wi phasa xi le ndleleni yakwe. 11  Kunene ku chava ka xitshuketa ku n’wi pfuxa a tshukile,+ Entiyisweni ka n’wi landzelela emilengeni yakwe. 12  Matimba yakwe ma hela, Naswona khombo+ ri tshama ri lunghekele ku n’wi endla a khwita. 13  Ri ta dya swiphemu swa nhlonge yakwe; Mativula ya rifu ma ta dya swirho swakwe. 14  Ntshembo wakwe wu ta susiwa entsongeni wakwe+ Wu n’wi yisa ehosini leyi chavisaka. 15  Entsongeni wakwe ku ta tshama nchumu lowu nga riki wa yena; Xivavula+ xi ta haxiwa ehenhla ka vutshamo bya yena. 16  Timitsu takwe ti ta oma ti ri endzeni ka misava,+ Naswona ehenhla, rhavi rakwe ri ta vuna. 17  Kunene a ku nge he vulavuriwi ha yena emisaveni,+ Naswona a nge vi na vito exitarateni. 18  Va ta n’wi susumeta a suka eku vonakaleni a ya emunyameni, Va ta n’wi hlongola etikweni leri noneke. 19  A nge vi na vana kumbe rixaka exikarhi ka vanhu va ka vona,+ Naswona a nga kona la nga ta pona endhawini yakwe ya vuluveri. 20  Entiyisweni vanhu va le Vupela-dyambu va ta languta hi ku hlamala esikwini rakwe, Kunene ni vanhu va le Vuxeni va ta rhurhumela. 21  Leyi i tabernakela ya la endlaka leswi hoxeke, Leyi i ndhawu ya loyi a nga xi tivangiki Xikwembu.”

Tinhlamuselo ta le hansi