Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 17:1-16

17  “Moya wa mina wu tshoviwile,+ masiku ya mina ma timiwile; Xa mina i sirha.+   Kunene ndza vungunyiwa,+ Tihlo ra mina ri tshama exikarhi ka mahanyelo ya vona ya ku xandzuka.   Ndzi kombela u ndzi vekela xitiyisekiso xa wena.+ I mani un’wana la nga kona, loyi hi nga ta qhavulana+ hi endla xitiyisekiso?   Hikuva u pfale mbilu ya vona leswaku yi nga vi na vutlhari.+ Hi swona leswi endlaka leswaku u nga va tlakusi.   A nga ha byela vanakulobye leswaku va teka swiavelo swa vona, Kambe mahlo ya vana vakwe a ma nge voni.+   Naswona u ndzi rhumerile leswaku ndzi va xihlekulo+ eka vanhu, Leswaku ndzi va munhu la nga tshwuteleriwaka+ xikandza.   Naswona tihlo ra mina ra tsana hikwalaho ko dyiwa hi mbitsi+ Naswona swirho swa mina hinkwaswo swi fana ni ndzhuti.   Vanhu vo lulama va languta swilo leswi hi ku hlamala, Ni la pfumalaka nandzu wa tsaka hikwalaho ka mugwinehi.   Lowo lulama u tshama a khomelele swi tiya endleleni yakwe,+ Naswona la nga ni mavoko yo basa+ u ya emahlweni a va ni ntamu.+ 10  Hambiswiritano, hinkwenu yanani emahlweni. Hikwalaho ndzi kombela mi ta, Hikuva a ndzi n’wi kumi wo tlhariha exikarhi ka n’wina.+ 11  Masiku ya mina ma hundzile,+ makungu ya mina ma onhakile,+ Ni ku navela ka mbilu ya mina. 12  Vusiku va byi endla nhlikanhi:+ ‘Ku vonakala ku le kusuhi hikwalaho ka munyama.’ 13  Loko ndzi tshama ndzi rindzile, yindlu ya mina i Sheol;+ A ndzi ta va ndzi andlale xilawu xa mina emunyameni.+ 14  A ndzi ta huwelela mugodi+ ndzi ku, ‘U tatana!’ Eka xivungu+ ndzi ku, ‘U manana ni makwerhu wa xisati!’ 15  Kutani, wu kwihi ntshembo+ wanga? Ni ntshembo wanga—i mani a wu vonaka? 16  Va ta rhelela eswigogweni swa Sheol, Loko hina hinkwerhu, hi ya entshurini.”+

Tinhlamuselo ta le hansi