Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 16:1-22

16  Yobo a ya emahlweni a hlamula a ku:   “Ndzi twe swilo swo tala swo fana ni leswi. Hinkwenu ka n’wina mi vachaveleri lava karhataka!+   Xana ma hela marito ya mheho?+ Kumbe, i yini lexi xi mi tlhavaka, leswi mi hlamulaka?   Na mina ndzi nga vulavula kukota n’wina. Ntsena loko mimoya-xiviri ya n’wina yi ve laha moya-xiviri wa mina wu nga kona, Xana ndzi nga mi tlhariheta hi marito,+ Xana ndzi nga mi hlakahlela nhloko?+   A ndzi ta mi tiyisa hi marito ya nomu wa mina,+ Kukondza nchavelelo wa nomu wa mina wu hela—.   Loko ndzi vulavula, xitlhavi xa mina a xi suki,+ Naswona loko ndzi miyela, i yini lexi humaka eka mina?   Hi kona sweswi xi ndzi heteke matimba;+ Xi lovise hinkwavo lava ndzi hlengeletanaka na vona.   Na n’wina mi ndzi khomile. Swi ve vumbhoni,+ Lerova ndzi ondza ngopfu. Swa vonaka exikandzeni xa mina.   Ku hlundzuka ka xona ku ndzi handzulerile, naswona xa ndzi venga.+ Entiyisweni xi ndzi getserisela meno.+ Xirha xa mina xi ndzi tlhava hi mahlo.+ 10  Va ndzi ahlamisele nomu,+ Va ndzi be marhama hi ndzhukano, Va vungana ku lwa na mina va tele ngopfu.+ 11  Xikwembu xi ndzi nyiketa eka vafana, Naswona xi ndzi lahlela hi nhloko emavokweni ya lavo homboloka.+ 12  A ndzi tshamisekile, kambe xi ndzi ninginisa;+ Kutani xi ndzi khoma hi le ndzhaku ka nhamu, xi sungula ku ndzi khembetela, Kutani xi tshama xi lunghekele ku ndzi hlasela. 13  Vacopi+ va xona va ndzi rhendzela; Xi pfula tinso+ ta mina, xi nga ndzi tsetseleli; Xi chulula nkwama wa nyongwa ya mina emisaveni. 14  Xi ndzi boxetela timbhovo; Xi tsutsumela eka mina kukota munhu wa matimba.+ 15  Ndzi rhungelele nguvu yo khwaxa+ ehenhla ka nhlonge ya mina, Naswona ndzi tlhave rimhondzo ra mina entshurini wunene.+ 16  Xikandza xa mina xi tshwukile hi ku rila,+ Naswona ku ni ndzhuti lowukulu ehenhla ka tinxiyi ta mina,+ 17  Hambiloko ku nga ri na madzolonga exandleni xa mina, Ni xikhongelo xa mina xi tengile.+ 18  Wena misava, u nga yi funengeti ngati ya mina!+ Naswona yi nga vi kona ndhawu leyi ndzi nga rilelaka eka yona! 19  Nisweswi, languta ematilweni, ku ni loyi a nyikelaka vumbhoni ha mina, Naswona mbhoni ya mina yi le henhla-henhla.+ 20  Vanakulorhi va mina va ndzi sandza;+ Tihlo ra mina ri langute eka Xikwembu ri xalamukile.+ 21  Naswona ku fanele ku endliwa xiboho exikarhi ka munhu la tiyeke emirini ni Xikwembu, Hilaha ku fanaka exikarhi ka n’wana wa munhu ni munhu-kulobye.+ 22  Hikuva emalembeni ma nga ri mangani lama taka, Ndzi ta famba hi ndlela leyi ndzi nga ta ka ndzi nga ha vuyi ha yona.+

Tinhlamuselo ta le hansi