Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 15:1-35

15  Elifazi wa Mutemani a ya emahlweni a hlamula a ku:   “Xana munhu wo tlhariha a nga hlamula hi vutivi lebyi nga mheho,+ Kumbe, xana a nga tata khwiri rakwe hi mheho ya le vuxeni?+   Ku tshinya hi rito ntsena a swi nge pfuni nchumu, Naswona marito ntsena a ma nge pfuni nchumu hi woxe.   Hambiswiritano, wena hi wexe u endla leswaku ku chava Xikwembu ku nga vi na matimba, Naswona u endla onge Xikwembu a xi khathali.   Hikuva xidyoho xa wena xi letela nomu wa wena, Naswona u hlawula ririmi ra vanhu va mano.   I nomu wa wena lowu vulaka leswaku wena u hombolokile, a hi mina; Naswona milomu ya wena hi yona yi ku hehlaka.+   Xana hi wena munhu wo sungula ku velekiwa,+ Kumbe, switsunga+ swi nga si va kona u velekiwe hi switlhavi swa ku veleka?   Xana wa swi yingisa swihundla swa Xikwembu,+ Xana u tivona ku ri wena ntsena la tlhariheke?   Entiyisweni, i yini lexi u xi tivaka lexi hina hi nga xi tiviki?+ I yini lexi u xi twisisaka lexi hina hi nga xi twisisiki? 10  Lowa mpunga ni la kuleke hi na vona,+ La nga nkulu hi masiku eka tata wa wena. 11  Xana nchavelelo wa Xikwembu a wu enelanga eka wena, Kumbe rito leri u byeriwaka rona hi ku olova? 12  Hikwalaho ka yini mbilu ya wena yi ku teka, Naswona hikwalaho ka yini mahlo ya wena ma hatima? 13  Hikuva u endla leswaku moya wa wena wu fularhela Xikwembu, Naswona u endle leswaku marito ma huma enon’wini wa wena. 14  Xana munhu wa nyama wo va yini leswaku a nga va la baseke,+ Kumbe munhu un’wana ni un’wana la velekiweke hi wansati leswaku a va la lulameke? 15  Waswivo! A xi na rona ripfumelo eka vakwetsimi va xona,+ Entiyisweni matilo hi woxe a ma basanga ematihlweni ya xona.+ 16  Swi tano ngopfu loko munhu a nyenyetsa naswona a onhakile,+ Munhu la nwaka leswi nga lulamangiki ku fa-na niloko a nwa mati! 17  Ndzi ta ku byela. Ndzi yingise!+ Leswi ndzi swi vonile, kutani inge ndzi swi rungula, 18  Leswi vuriwaka hi lavo tlhariha+ Leswi va nga swi fihlangiki, swi huma eka vatata wa vona. 19  Hi vona ntsena va nyikiweke tiko, Naswona a nga kona mufambi la hundzeke exikarhi ka vona. 20  Lowo homboloka wa xaniseka emasikwini yakwe hinkwawo, Ni malembe hinkwawo lama hlayiseriweke muxanisi. 21  Mpfumawulo wa swilo swo chavisa wu le tindleveni takwe; Hi nkarhi wa ku rhula la phangaka u wela ehenhla ka yena.+ 22  A nga kholwi leswaku u ta huma emunyameni,+ Naswona u hlayiseriwe banga. 23  Wa yingayinga a lava xinkwa—xana xi kwihi?+ U swi tiva kahle leswaku siku ra munyama+ ri n’wi lunghekerile. 24  Maxangu ni ku vaviseka swi tshamela ku n’wi chavisa;+ Swa n’wi hlula kukota hosi leyi lunghekeleke muhlaseri. 25  Hikuva u tshambuluta voko rakwe ku lwa ni Xikwembu, Naswona u ringeta ku tikombisa a tlakukile ehenhla ka Lowa Matimba Hinkwawo;+ 26  Hikuva u tsutsumela ku lwa na xona a sihalarise nhamu, Hi timbilu to tiya ta switlhangu swakwe; 27  Hikuva entiyisweni u funengeta xikandza xakwe hi ku nyuhela kakwe Naswona u chela mafurha exisutini xakwe,+ 28  U tshama emitini leyi nga ta herisiwa; Etindlwini leti vanhu va nga ta ka va nga tshami eka tona hi masiku, Leti entiyisweni ti nga ta va tinhulu ta maribye. 29  A nge fuwi ni rifuwo rakwe a ri nge engeteleki, Ni misava a nge yi tati hi leswi a swi kumeke.+ 30  A nge wu fularheli munyama; Langavi ri ta omisa xirhabyana xa yena, Naswona u ta hambukela etlhelweni hi ku huhuta ka nomu wa xona.+ 31  A nga tshuki a veka ripfumelo eka swilo leswi nga pfuniki nchumu, leswi pepetsekaka, Hikuva u ta kuma leswi nga pfuniki nchumu; 32  Swi ta hetiseka siku rakwe ri nga si fika. Entiyisweni xihluke xakwe a xi nge kuli kahle.+ 33  U ta cukumeta madiriva yakwe lama nga wupfangiki ku fana niloko a cukumeta vhinya, A cukumeta swiluva swakwe ku fana niloko a cukumeta murhi wa mutlhwari. 34  Hikuva ntshungu wa vagwinehi i mhika,+ Ni ndzilo wu fanele wu dya mintsonga ya lava fumbarherisaka.+ 35  Ku tikiwa ku karhateka naswona ku velekiwa swilo swo biha,+ Ni makhwiri ya vona ma lunghiselela vuxisi.”

Tinhlamuselo ta le hansi