Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 14:1-22

14  “Munhu la velekiweke hi wansati,+ U hanya nkarhi wo koma+ naswona u taleriwe hi ku karhateka.+   U huma kukota xiluva kutani a khatluriwa,+ Naswona u baleka ku fana ni ndzhuti+ kutani a nga ha vi kona.   Ina, u pfule mahlo ya wena ehenhla ka loyi, Naswona u ndzi tisa ehubyeni+ swin’we na wena.   I mani la nga humesaka munhu la baseke eka munhu la nga basangiki?+ A nga kona.   Loko ku endliwa xiboho malunghana ni masiku yakwe,+ Nhlayo ya tin’hweti takwe yi na wena; U n’wi endlele xileriso xa nawu lowu a nga ta ka a nga wu tluli.   U nga n’wi honoleli leswaku a ta wisa,+ Kukondza a kuma ntsako hilaha mutirhi la thoriweke a wu kumaka hakona esikwini rakwe.   Hikuva ni murhi wu ni ntshembo. Loko wu tsemiwa, wu ta hluka nakambe,+ Naswona xirhabyana xa wona xi ta tshama xi ri kona.   Loko rimitsu ra wona ri kula emisaveni Naswona xikundzu xa wona xi fa entshurini,   Loko wu kuma risuna ra mati wu ta hluka+ Kunene wu ta humesa rhavi ku fana ni ximilana lexintshwa.+ 10  Kambe munhu la tiyeke emirini wa fa a etlelela makumu; Munhu wa la misaveni wa timeka, xana u kwihi?+ 11  Mati ma nyamalala elwandle, Ni nambu wa phya, wu oma.+ 12  Munhu na yena u fanele a etlela a nga pfuki.+ A va nge he pfuki ku fikela loko tilo ri nga ha ri kona,+ Naswona a va nge he pfuxiwi evurhongweni.+ 13  Onge u nga ndzi tumbeta eSheol,+ U ndzi hlayisa exihundleni ku fikela loko ku hlundzuka ka wena ku tlhela, Leswaku u ndzi vekela nkarhi+ kutani u ndzi tsundzuka!+ 14  Xana loko munhu la tiyeke emirini a fa a nga tlhela a hanya?+ Ndzi ta rindza emasikwini hinkwawo ya ntirho wa mina wo sindzisiwa,+ Kukondza ku fika ntshunxeko wa mina.+ 15  U ta vitana, mina ndzi ta ku hlamula.+ U ta navela ntirho wa mavoko ya wena. 16  Hikuva sweswi u tshamela ku hlaya magoza ya mina;+ Lexi u xi vonaka i xidyoho xa mina ntsena.+ 17  Ku tlula nawu ka mina ku lemeriwe enkwameni,+ Naswona u tote xidyoho xa mina hi xidamarheti. 18  Hambiswiritano, ntshava leyi waka, yi nge he vi kona, Hambi ku ri ribye ri ta susiwa endhawini ya rona. 19  Mati ma khukhula hambi ku ri maribye; Maboboma ya wona ma khukhula ntshuri wa misava. Xisweswo u herise ntshembo wa munhu wa nyama. 20  Wa n’wi hlula hi masiku leswaku a famba;+ U onha xikandza xakwe u kondza u n’wi hlongola. 21  Vana vakwe va xiximiwa, kambe a nga swi tivi;+ Kutani va va nchumu lowu nga nyawuriki, kambe a nga na mhaka na vona. 22  I nyama yakwe ntsena leyi nga ta tshamela ku twa ku vava loko ya ha ri eka yena, Naswona moya-xiviri wakwe loko wa ha ri endzeni ka yena wu ta tshamela ku rila.”

Tinhlamuselo ta le hansi