Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 13:1-28

13  “Waswivo! Tihlo ra mina ri swi vonile hinkwa swo leswi, Ndleve ya mina yi swi twile, yi swi ehleketisisa.   Leswi n’wina mi swi tivaka na mina ndza swi tiva; A ndzi ntsongo eka n’wina.+   Hambiswiritano, loko ku ri mina, ndzi ta vulavula ni Lowa Matimba Hinkwawo,+ Naswona ndzi ta tsakela ku hlamulana ni Xikwembu.   Hi hala tlhelo, n’wina mi sindza mavunwa;+ Hinkwenu ka n’wina mi tin’anga leti nga pfuniki nchumu.+   Loko ntsena a mo miyela mi ku whii, Leswaku swi ta vonaka swi ri vutlhari eka n’wina!+   Ndzi kombela mi yingisa tinhlamulo ta mina,+ Naswona ndzi kombela mi nyikela nyingiso eka leswi ndzi swi kombelaka hi milomu ya mina.   Xana n’wina mi nga vulavula leswi nga lulamangiki hi Xikwembu, Naswona mi nga vulavula vuxisi ha xona?+   Xana mi nga kombisa ku va ni xihlawuhlawu eka xona,+ Kumbe, xana mi nga xi yimela Xikwembu xa ntiyiso enawini?   Xana swi nga va swinene loko xo mi kambisisa?+ Kumbe, xana mi nga xi langutela ehansi ku fana niloko un’wana a n’wi langutela ehansi munhu wa nyama? 10  Kunene xi ta mi tshinya+ Loko mi ringeta ku va ni xihlawuhlawu exihundleni;+ 11  Xana xindzhuti xa xona a xi nge mi chavisi, Kutani ku chavisa ka xona ku wela ehenhla ka n’wina?+ 12  Marito ya n’wina lawa mi ma tsundzukaka i swivuriso swa minkuma; Timbilu ta switlhangu swa n’wina ti fana ni timbilu ta switlhangu leti nga ta vumba.+ 13  Miyelani emahlweni ka mina, leswaku mina ndzi ta vulavula. Kutani a ku te xin’wana ni xin’wana ehenhla ka mina! 14  Hikwalaho ka yini ndzi rhwala nyama ya mina emenweni yanga Ndzi veka ni moya-xiviri wa mina exandleni xanga?+ 15  Hambiloko xo ndzi dlaya, xana a ndzi nge rindzi?+ Ndzi ta vula ntsena tindlela ta mina exikandzeni xa xona. 16  Xi ta tlhela xi va ku ponisiwa ka mina,+ Hikuva emahlweni ka xona a nga kona mugwinehi la nga nghenaka.+ 17  Ma yingiseni kahle marito ya mina,+ Naswona xitiviso xa mina a xi ve etindleveni ta n’wina. 18  Ndzi kombela mi languta, ndzi nyikele mhaka ya vululami;+ Ndzi swi tiva kahle leswaku mina ndzi lulamile. 19  I mani la nga kanetanaka na mina?+ Hikuva loko ndzo miyela sweswi, ndzi nga timeka! 20  I swilo swimbirhi ntsena leswi u nga fanelangiki u swi endla eka mina; Malunghana na swona a ndzi nge tumbeli hikwalaho ka wena;+ 21  Ri veke ekule na mina voko ra wena, Ni ku chavisa ka wena—ku nga ndzi chavisi.+ 22  U nga ha ndzi vitana leswaku ndzi ta hlamula; Kumbexana ndzi nga vulavula, kutani u ndzi hlamula. 23  Xana ndzi ni swihoxo ni swidyoho hi ndlela yihi? Ndzi tivise ku tlula nawu ka mina ni xidyoho xa mina. 24  Hikwalaho ka yini u tumbeta xikandza xa wena+ U ndzi teka ndzi ri nala wa wena?+ 25  Xana u nga endla leswaku tluka rinene leri hungiwaka hi moya ri tsekatseka, Kumbe, xana u nga landzelela mahlanga manene yo oma? 26  Hikuva u hambeta u tsala swilo swo bava leswi lwisanaka na mina+ Naswona u endla leswaku ndzi kuma vuyelo bya swidyoho swa vuntshwa bya mina.+ 27  Nakambe u tshama u veke milenge ya mina etingoleni,+ Naswona u languta tindlela ta mina hinkwato; Mikondzo ya milenge ya mina u yi vekela mfungho. 28  Naswona yena u fana ni xilo xo bola lexi hlakalaka;+ Ku fana ni nguvu leyi nsumba yi yi dyaka hakunene.+

Tinhlamuselo ta le hansi