Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 12:1-25

12  Yobo a ya emahlweni a hlamula a ku:   “Entiyisweni n’wina mi vanhu,Naswona vutlhari byi ta fa na n’wina!+   Na mina ndzi ni mbilu+ ku fana na n’wina.A ndzi ntsongo eka n’wina,+I mani la nga riki na swilo swo fana ni leswi?   Ndzi ve xihlekiso eka munhu-kulorhi,+La vitanaka Xikwembu leswaku xi n’wi hlamula.+Munhu la lulameke, la nga riki na xisandzu, i xihlekiso.   La nga karhatiwiki hi nchumu, u ehleketa leswaku ku herisiwa i xisolo;+Ku lunghekele lava milenge ya vona yi tsekatsekaka.+   Mintsonga ya lava phangaka a yi karhateki,+Ni lava karihisaka Xikwembu va ni ku hlayisekaKa loyi a nga ni xikwembu evokweni rakwe.+   Hambiswiritano, ndzi kombela u vutisa swifuwo, swi ta ku letela;+Ni swivumbiwa swa matilo leswi nga ni timpiko, swi ta ku byela.+   Kumbe yisa nyingiso eka misava, yi ta ku dyondzisa;+Ni tinhlampfi ta lwandle+ ti ta ku byela.   I mani la nga swi tiviki exikarhi ka leswi hinkwaswoLeswaku swilo leswi swi endliwe hi voko ra Yehovha,+ 10  Xana moya-xiviri+ wa un’wana ni un’wana la hanyaka wu le vokweni ra maniNi moya wa nyama hinkwayo ya vanhu?+ 11  Xana ndleve hi yoxe a yi ma ringeti marito+Hilaha malaka+ ma nantswaka swakudya hakona? 12  Xana vutlhari a byi kona eka lava kuleke+Ni ku twisisa eka lava nga ni masiku yo tala? 13  Yena u ni vutlhari ni matimba;+U ni switsundzuxo ni ku twisisa.+ 14  Waswivo! Wa hirimuxa, leswaku ku nga akiwi;+U pfalela munhu, leswaku ku nga pfuriwi.+ 15  Waswivo! U sivela mati kutani ma oma;+Wa ma rhuma, kutani ma hundzula misava.+ 16  U ni ntamu ni vutlhari lebyi pfunaka;+La endlaka xihoxo ni la lahlekaka i va yena;+ 17  U endla leswaku vatsundzuxi va famba va nga ambalanga nchumu emilengeni,+Naswona u endla leswaku vaavanyisi va jamuka. 18  U ntshunxa swiboho swa tihosi,+Naswona u boha vamba emasengeni ya tona. 19  U endla leswaku vaprista va famba va nga ambalanga nchumu emilengeni,+Wa va tsongahata lava tshamisekeke kahle;+ 20  U susa marito eka lavo tshembeka,Naswona u susa ku twisisa ka lava kuleke; 21  U chululela ku hlekula ehenhla ka lava nga ni xiyimo xa le henhla,+Entiyisweni u tsanisa vamba ra lava matimba; 22  U paluxa swilo swo enta leswi nga emunyameni,+Naswona ndzhuti lowukulu u wu tisa laha ku nga ni ku vonakala; 23  U endla leswaku matiko ma kula swinene, leswaku a ta ma lovisa;+U hangalasa matiko, leswaku a ta ma hlongola; 24  U susa timbilu ta varhangeri va tiko,Leswaku a ta ti endla ti tsendzeleka endhawini leyi nga riki na nchumu,+ laha ku nga riki na ndlela. 25  Va gugurhuteka emunyameni,+ laha ku nga riki na ku vonakala,Leswaku a ta va endla va tsendzeleka ku fana ni munhu la dakweke.+

Tinhlamuselo ta le hansi