Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 11:1-20

11  Sofara lowa Munamani+ a hlamula a ku:   “Xana marito layo tala a ma nge hlamuriwi, Kumbe, xana la tibumaka swa ntsena a nga va la lulameke?   Xana marito ya wena ya hava ma nga miyeta vanhu, Xana u ta tshamela ku hlekula ku nga ri na munhu la ku tshinyaka?+   Nakambe u ri, ‘Xiletelo+ xa mina xi tengile, Kunene ndzi tikombise ndzi basile+ ematihlweni ya wena.’   Kambe loko ko vulavula Xikwembu ntsena Xi pfula nomu wa xona xi vulavula na wena!+   Kutani a xi ta ku byela swihundla swa vutlhari, Hikuva swilo swa vutlhari lebyi pfunaka swi tele. Nakambe, u ta swi tiva leswaku Xikwembu xa ku rivalela swidyoho swa wena swin’wana.+   Xana u nga kumisisa swilo swo enta swa Xikwembu,+ Kumbe, xana u nga kumisisa laha Lowa Matimba Hinkwawo a helelaka kona?   Byi tlakuke ku tlula tilo. Xana u nga hetisisa yini? Byi ente ku tlula Sheol.+ Xana u nga tiva yini?   Mpimo wa byona wu lehe ku tlula misava, Naswona byi aname ku tlula lwandle. 10  Loko xi famba kutani xi nyiketa munhu wo karhi Xi vitana huvo, i mani la nga xi sivelaka? 11  Hikuva xona xi va tiva kahle vanhu lava nga riki na ntiyiso.+ Loko xi vona swo biha, xana xi nga ka xi nga swi xalamukeli? 12  Hambi ku ri munhu la nga xiphukuphuku a nga kuma miehleketo leyinene Hi ku hatlisa loko mangwa-mbhongolo yo veleka munhu. 13  Loko kunene wena wo lunghisa mbilu ya wena, Entiyisweni u xi andlalela swandla swa wena,+ 14  Loko swo biha swi ri evokweni ra wena, swi cukumete le kule, Naswona u nga pfumeli leswaku leswi nga lulamangiki swi tshama emintsongeni ya wena. 15  Hikuva u ta tlakusa xikandza xa wena u nga kayeli+ Kunene u ta tiyisiwa, a wu nge chavi. 16  Loko ku ri wena—u ta rivala ku karhateka; U ta ku tsundzuka ku fana niloko u tsundzuka mati lama hundzeke. 17  Naswona ku leha+ ka vutomi bya wena ku ta tlula ku vangama ka nhlikanhi; Munyama wu ta fana ni mixo.+ 18  Naswona u ta boheka ku va ni ntshembo hikuva ntshembo wu kona; Kunene u ta rhalarhala hi vukheta—u ta etlela u sirhelelekile.+ 19  Kunene u ta nava, a nga ri kona la ku chavisaka. Kunene vanhu vo tala va ta rhulisa mbilu ya wena;+ 20  Naswona mahlo ya lavo homboloka a ma nge voni;+ Entiyisweni a va nge vi na yona ndhawu yo balekela eka yona,+ Ntshembo wa vona ku ta va ku timeka ka moya-xiviri.”+

Tinhlamuselo ta le hansi