Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 10:1-22

10  “Kunene moya-xiviri wa mina wu nyenya vutomi bya mina.+ Ndzi ta humesa mhaka leyi yi ndzi karhataka. Ndzi ta vulavula moya-xiviri wa mina wu ri ni mbitsi!   Ndzi ta byela Xikwembu ndzi ku, ‘U nga ndzi vuli lowo homboloka. Ndzi byele xivangelo lexi endlaka leswaku u lwa na mina.   Xana i swinene eka wena leswaku u endla xihoxo,+ Leswaku u bakanya mihandzu ya ku tikarhata hi matimba ka mavoko ya wena,+ Leswaku u vonaka hakunene ehenhla ka xikungu xa lavo homboloka?   Xana u ni mahlo+ ya nyama, Kumbe, xana u vona hilaha munhu wa nyama a vonaka hakona?+   Xana masiku ya wena ma fana ni masiku ya munhu wa nyama,+ Kumbe, xana malembe ya wena ma fana ni masiku ya munhu la tiyeke emirini,   Lerova u nga ringeta ku kuma xihoxo xa mina Naswona u tshamela ku lava xidyoho xa mina?+   U endla leswi hambi u swi tiva leswaku a ndzi endlanga xihoxo,+ Naswona a nga kona la ndzi kutsulaka evokweni ra wena?+   Mavoko ya wena ma ndzi vumbile, hi wona ma ndzi endleke+ Ma ndzi vumbe hi ku helela, kambe se wa ndzi mita.   Ndzi kombela u tsundzuka leswaku u ndzi vumbe hi misava+ Naswona u ta endla leswaku ndzi vuyela entshurini.+ 10  Xana a wu ndzi chululanga kukota ntswamba U ndzi tiyisa kukota chizi?+ 11  U ndzi ambexe dzovo ni nyama U ndzi luke hi marhambu ni minsiha.+ 12  U ndzi endle ndzi va ni vutomi ni musa wa rirhandzu;+ Naswona nkhathalelo wa wena+ wu rindze moya wa mina. 13  Swilo leswi u swi tumbetile embilwini ya wena. Ndzi swi tiva kahle leswaku swilo leswi swi le ka wena. 14  Loko ndzi dyoha a wu ta tshama u ndzi langutile+ Naswona loko ndzi dyoha a wu ndzi languti ndzi ri la nga riki na nandzu;+ 15  Loko entiyisweni ndzi endle xihoxo, ndzi ni khombo swinene!+ Naswona loko entiyisweni ndzi lulamile, a ndzi nge yi tlakusi nhloko ya mina,+ Ndzi tele hi tingana naswona ndza tsakama hi ku xaniseka.+ 16  Loko yi titlakusa,+ u ta ndzi hlota ku fana ni xinghalana,+ Naswona u ta va la hlamarisaka eka mina. 17  U ta tisa timbhoni ta wena letintshwa emahlweni ka mina, Naswona u ta endla leswaku ndzi dyiwa hi mbitsi swinene; Ku nonon’hweriwa ko tlhandlamana eka mina. 18  Hikwalaho ka yini u ndzi humesile embelekweni?+ Loko a ndzi timekile, leswaku ku nga vi na tihlo leri ndzi vonaka, 19  Kona a ndzi ta kotisa loko ndzi nga si tshama ndzi va kona; A ndzi ta va ndzi susiwe ekhwirini ndzi ya exilahlweni.’ 20  Xana masiku ya mina a hi matsongo?+ A xi suke, A xi hundzuluke xi nga ha ndzi honoleli, leswaku ndzi ta tsaka+ katsongo. 21  Ndzi nga si famba—naswona a ndzi nge he vuyi+ Ndzi ya etikweni ra munyama ni ndzhuti lowukulu,+ 22  Etikweni ro phumela ku fana ni munyama, ra ndzhuti lowukulu Tiko ra mpfilumpfilu, laha ku fumaka munyama.”

Tinhlamuselo ta le hansi