Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 1:1-22

1  A ku ri ni wanuna un’wana etikweni ra Uzha+ loyi vito rakwe a a ri Yobo;+ wanuna loyi a a pfumala xisandzu+ naswona a a lulamile,+ a a chava Xikwembu,+ a a fularhela leswo biha.+  U velekeriwe vana va majaha va nkombo ni va vanhwanyana vanharhu.+  Naswona swifuwo+ swakwe a ku ri tinyimpfu ta 7 000 ni tikamela ta 3 000 ni swipani swa tihomu swa 500 ni timbhongolo ta matswele ta 500, swin’we ni ntlawa lowukulu wa malandza; wanuna loyi a va lonkulu ngopfu eka vanhu hinkwavo va le Vuxeni.+  Kutani vana vakwe va majaha va endla nkhuvo+ endlwini ya un’wana ni un’wana hi siku rakwe; hiloko va humesa rito ku ya rhamba vamakwavo va xisati vanharhu leswaku va dya ni ku nwa na vona.  Loko masiku ya nkhuvo ma rhendzeleke ma helela, Yobo a a va vitana a va hlawulekisa;+ a a pfuka nimpundzu swinene a humesa switlhavelo swo hisiwa+ hi ku ya hi nhlayo ya vona hinkwavo; hikuva, Yobo u te, “kumbexana vana va mina va majaha va dyohile kutani va rhukana+ Xikwembu etimbilwini ta vona.”+ Hi yona ndlela leyi Yobo a a endla ha yona minkarhi hinkwayo.+  Hiloko ku fika siku leri vana va Xikwembu+ xa ntiyiso va nga nghena ha rona va yima emahlweni ka Yehovha,+ kutani na Sathana+ a nghena kwala xikarhi ka vona.+  Kutani Yehovha a ku eka Sathana: “Xana u huma kwihi?” Hiloko Sathana a hlamula Yehovha a ku: “A ndzi famba-famba emisaveni,+ ndzi rhendzeleka eka yona.”+  Hiloko Yehovha a ya emahlweni a ku eka Sathana: “Xana u veke mbilu ya wena ehenhla ka nandza wa mina Yobo, hikuva a ku na munhu la fanaka na yena emisaveni,+ munhu la pfumalaka xisandzu,+ wo lulama,+ la chavaka Xikwembu+ naswona a kendlukaka eka leswo biha?”+  Hiloko Sathana a hlamula Yehovha a ku: “Xana Yobo wo chava Xikwembu swa ntsena-ntsena?+ 10  Xana wena a wu vekanga rihlampfu ku n’wi sirhelela+ ni ku sirhelela yindlu yakwe ni hinkwaswo leswi a nga na swona matlhelo hinkwawo? U katekise+ ntirho wa mavoko yakwe, naswona swifuwo swakwe swi tele hinkwako-nkwako emisaveni. 11  Kambe, ndzi kombela leswaku u cinca u tshambuluta voko ra wena, u khumba hinkwaswo leswi a nga na swona kutani u vona loko a nga ta ka a nga ku rhukani exikandzeni.”+ 12  Hiloko Yehovha a ku eka Sathana: “Waswivo! Hinkwaswo leswi a nga na swona swi le vokweni ra wena. Ntsena u nga tshuki u tshambulutela voko ra wena ehenhla ka yena hi xiviri!” Kutani Sathana a huma a ya ekule ni mombo wa Yehovha.+ 13  Kutani siku rin’wana vana vakwe va majaha ni va vanhwanyana a va dya ni ku nwa vhinyo endlwini ya makwavo wa mativula.+ 14  Hiloko ku fika murhumiwa+ eka Yobo, a ku: “Tihomu a ti rima+ naswona timbhongolo ta matswele a ti dya byanyi etlhelo ka tona 15  loko Vasebiya+ va hlasela hi xitshuketa va ti teka, kutani va dlaya vatirhi hi banga; kutani ndzi baleka, mina ndzi ri ndzexe, ndzi ta ku byela.”+ 16  Loko loyi a ha vulavula hiloko ku fika un’wana a ku: “Ndzilo wa Xikwembu wu we hi le tilweni+ wu hisa tinyimpfu ni vatirhi kutani wu va herisa; kutani ndzi baleka, mina ndzi ri ndzexe, ndzi ta ku byela.” 17  Loko yoloye a ha vulavula, un’wana a fika a ku: “Vakalidiya+ va endle mavuthu manharhu kutani va tsutsumisa tikamela va ti teka, va dlaya vatirhi hi banga; kutani ndzi baleka, mina ndzi ri ndzexe, ndzi ta ku byela.” 18  Loko yoloye a ha vulavula, un’wana na yena a fika a ku: “Vana va wena va majaha ni va vanhwanyana a va dya ni ku nwa vhinyo+ endlwini ya makwavo wa mativula. 19  Kutani waswivo, hiloko ku ta mheho+ leyikulu yi huma hi le mananga, yi ba tinhla ta mune ta yindlu lerova yi wela ehenhla ka vantshwa lava kutani va fa. Kutani ndzi baleka, mina ndzi ri ndzexe, ndzi ta ku byela.” 20  Hiloko Yobo a suka a yima a handzula+ nguvu yakwe yo pfumala mavoko hi le xikarhi a tlhela a tsemeta misisi+ ya nhloko yakwe, a wela ehansi emisaveni+ a korhama+ 21  a ku: Ndzi hume ekhwirini ra manana ndzi nga ambalanga nchumu,+ Naswona ndzi ta tlhelela kona ndzi nga ambalanga nchumu.+ Yehovha hi byakwe u nyikile,+ naswona Yehovha hi byakwe u tekile.+ Vito ra Yehovha a ri ye emahlweni ri dzunisiwa.”+ 22  Eka hinkwaswo leswi, Yobo a nga dyohanga kumbe ku vula leswi nga fanelangiki eka Xikwembu.+

Tinhlamuselo ta le hansi