Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 8:1-22

8  “Enkarhini wolowo,” ku vula Yehovha, “vanhu va ta humesa ni marhambu ya tihosi ta Yuda ni marhambu ya tihosana ta kona ni marhambu ya vaprista ni marhambu ya vaprofeta ni marhambu ya vaaki va Yerusalema emasirheni.+  Entiyisweni va ta ma hangalasa edyambyini ni le n’wetini ni le ka vuthu hinkwaro ra le matilweni leri va ri rhandzeke, leri va ri tirheleke, leri va ri landzeleleke,+ leri va ri lavisiseke, va tlhela va ri nkhinsamela.+ A ma nge hlengeletiwi, hambi ku ri ku yimberiwa. Ma ta va vulongo ehenhla ka xikandza xa misava.”+  “Kunene ma ta hlawula rifu ematshan’weni ya vutomi,+ masalela hinkwawo ya lava seleke endyangwini lowu wo biha etindhawini hinkwato ta lava seleke, laha ndzi nga ta va ndzi va hangalasele kona,”+ ku vula Yehovha wa mavuthu.  “Kutani u fanele u ku eka vona, ‘Yehovha u te: “Xana va ta wa va nga ha pfuki?+ Loko un’wana o tlhela, xana un’wanyana na yena a nge tlheli?+  Ha yini vanhu lava, Yerusalema, va nga tshembeki naswona va ya emahlweni va pfumala ku tshembeka? Va khomelele vukanganyisi;+ va arile ku tlhela.+  Ndzi nyikele nyingiso,+ ndzi hambeta ndzi yingisa.+ Ndlela leyi a va vulavula ha yona a yi nga lulamanga. A a nga ri kona munhu la hundzukaka evubihini byakwe,+ a ku, ‘Ndzi endle yini?’ Un’wana ni un’wana u tlhelele endleleni leyi tolovelekeke,+ ku fana ni hanci leyi tsutsumelaka enyimpini.  Hambi ku ri ntavila ematilweni—yi yi tiva kahle minkarhi ya yona leyi vekiweke;+ gugurhwana+ ni mbewulana ni bokota—swi wu hlayisa khwatsi nkarhi wa ku fika ka swona. Kambe loko ku ri vanhu va mina, a va byi tivi vuavanyisi bya Yehovha.”’+  “‘Xana mi nga vurisa ku yini mi ku: “Hi tlharihile, naswona nawu wa Yehovha wu na hina”?+ Hakunene, sweswi xitsalo xa vunwa+ xa vamatsalana xi tsale mavunwa lamakulu.  Lavo tlhariha va khomiwe hi tingana.+ Va tshukile naswona va ta khomiwa. Waswivo! Rito ra Yehovha va ri bakanyile, xana va ni vutlhari byihi?+ 10  Hikokwalaho vasati va vona ndzi ta va nyika vavanuna van’wana, masimu ya vona ma va ndzhaka ya van’wana;+ hikuva ku suka eka lontsongo ku ya eka lonkulu, un’wana ni un’wana u endla mpindzulo wo biha;+ ku suka eka muprofeta ku ya eka muprista, un’wana ni un’wana u endla hi vunwa.+ 11  Va ringeta ku tshungula ku wa ka nhwanyana wa vanhu va mina hi ndlela yo vevuka,+ va ku: “Ku ni ku rhula! Ku ni ku rhula,” kasi a ku na ku rhula.+ 12  Xana va khomiwe hi tingana hikwalaho ka leswi va endleke swo nyenyetsa?+ Xo sungula, kunene a va nga ta titwa va tsongahatekile; xa vumbirhi, a va si tshama va titwa va tsongahatekile.+ “‘Hikokwalaho va ta wa exikarhi ka lava waka. Va ta khunguvanyeka enkarhini lo-wu va nyikiwaka nyingiso+ ha wona,’ Yehovha u vurile.+ 13  “‘Loko ndzi hlengeleta, ndzi ta va herisa,’ ku vula Yehovha.+ ‘A ku nge vi na madiriva emurhini wa vhinya,+ naswona a ku nge vi na makuwa enkuweni, kunene matluka ma ta vuna. Swilo leswi ndzi va nyikaka swona swi ta va hundza.’” 14  “Ha yini hi tshama hi ku whii? Tihlengeleteni, a hi ngheneni emitini+ leyi tiyeke kutani hi miyela kona. Hikuva Yehovha Xikwembu xa hina u hi miyetile,+ naswona u hi nyika mati lama nga ni vuxungu leswaku hi nwa,+ hikuva hi dyohele Yehovha. 15  A ku languteriwe ku rhula, kambe leswinene a swi tanga;+ a ku languteriwe nkarhi wo horisiwa, kambe, waswivo, ku ve ni ku chava!+ 16  Ku suka eDani+ ku twiwe mpfumawulo wa tinhompfu ta tihanci takwe. Tiko hinkwaro ri sungule ku ninginika+ hikwalaho ka mpfumawulo wa ku rila ka tihanci takwe. Kutani ti fika ti dya tiko ni leswi teleke eka rona, muti swin’we ni vaaki va wona.” 17  “Hikuva maswivo, ndzi mi rhumela tinyoka, tinyoka leti nga ni vuxungu,+ leti nga ta ka ti nga lumberiwi,+ kunene ti ta mi luma,” ku vula Yehovha. 18  Ndzi fikeriwe hi gome leri nga heriki.+ Mbilu ya mina ya vabya. 19  Maswivo, ku ni mpfumawulo wa nhwanyana wa vanhu va mina la kombelaka ku pfuniwa ku suka etikweni ra le kule:+ “Xana Yehovha a nga kona eSiyoni?+ Kumbe, xana hosi yakwe a yi kona eka yena?”+ “Ha yini va ndzi hlundzukisile hi swifaniso swa vona leswi vatliweke, hi swikwembu swa vona swimbe swa hava?”+ 20  “Ntshovelo wu hundzile, ximumu xi herile; kambe loko ku ri hina, a hi ponisiwanga!”+ 21  Ndzi karhatekile+ hikwalaho ka ku wa ka nhwanyana wa vanhu va mina.+ Ndzi hlunamile. Ndzi hlamale ngopfu.+ 22  Xana balsama a yi kona eGiliyadi?+ Kumbe, xana a nga kona la horisaka kona?+ Kutani, ha yini nhwanyana+ wa vanhu va mina a nga holanga?+

Tinhlamuselo ta le hansi