Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 46:1-28

46  Rito ra Yehovha leri fikeke eka Yeremiya lowa muprofeta malunghana ni matiko+ hi leri:  Eka Egipta,+ malunghana ni vandla ra nyimpi ra Faro Neko hosi ya Egipta,+ loyi a a ri ekusuhi ni nambu wa Yufrata eKarikemixi,+ loyi Nebukadretsara hosi ya Babilona a n’wi hluleke hi lembe ra vumune ra Yoyakimi+ n’wana wa Yosiya, hosi ya Yuda:  “Lunghisani xitlhangu lexitsongo ni xitlhangu lexikulu, mi tshinela enyimpini.+  Bohelani tihanci, mi gada, N’wina vagadi va tihanci, mi yima mi ri ni xihuku. Vangamisani matlhari yo leha. Ambalani tinguvu ta mahakatimba ya nsimbi.+  “‘Ha yini ndzi va vone va khomiwe hi ku chava? Va tlhelela endzhaku, ni vavanuna va vona va matimba va pfotloseriwile; kunene va balekile, a va hundzulukanga.+ Ku ni ku chava endhawini hinkwayo,’+ ku vula Yehovha.  ‘Lowa rivilo a nga tshuki a ringeta ku baleka,+ ni lowa matimba a nga tshuki a ringeta ku baleka. En’walungwini+ ekusuhi ni ribuwa ra nambu wa Yufrata va khunguvanyekile, va wa.’+  “I mani loyi a taka ku fana ni Nambu wa Nayili, lowu mati ya wona ma hobomulanaka+ kukota milambu?  Egipta u ta ku fana ni Nambu wa Nayili,+ naswona mati ma hobomulana kukota milambu.+ U ri, ‘Ndzi ta tlhandluka. Ndzi ta funengeta misava. Ndzi ta lovisa muti ni lava tshamaka eka wona.’+  Tlhandlukani, N’wina tihanci; mi nga lawuleki, N’wina makalichi! Vavanuna va matimba a va hume, Kuxi+ na Putu,+ lava tamelaka xitlhangu, ni Valudi,+ lava tamelaka ni ku kunga vurha. 10  “Siku rero i ra Hosi leyi Lawulaka, Yehovha wa mavuthu, siku ra ku rihisela, ra ku tirihisela eka swirha swa yena.+ Kunene banga ri ta tlhava, ri eneriseka, ri tala ngati, hikuva Hosi leyi Lawulaka,+ Yehovha wa mavuthu, u kume xitlhavelo+ etikweni ra le n’walungwini ekusuhi ni nambu wa Yufrata.+ 11  “Tlhandlukela eGiliyadi u ya teka balsama,+ Wena nhwana wa Egipta.+ U engetele tindlela ta ku tshungula hi swa hava. Ku tshungula a ku kona eka wena.+ 12  Matiko ma ti twile tingana ta wena+ ni xirilo xa wena xi tate tiko.+ Hikuva va khunguvanyekile, wanuna wa matimba ni wanuna wa matimba.+ Hinkwavo va wile, havambirhi.” 13  Rito leri Yehovha a ri byeleke Yeremiya lowa muprofeta malunghana ni ku ta ka Nebukadretsara hosi ya Babilona a ta dlaya tiko ra Egipta:+ 14  “Swi twariseni aEgipta, N’wina vavanuna, mi swi huwelela eMigidoli,+ mi swi huwelela eNofu+ ni le Tahapenese.+ Vulani mi ku, ‘Yima, tilunghiselele,+ hikuva banga ri ta lovisa ematlhelo ka wena.+ 15  Ha yini vanhu va wena va matimba va khukhuriwile?+ A va yimanga, hikuva Yehovha u va hlongorile.+ 16  Va khunguvanyeka va tele. Entiyisweni va wa. Va hambeta va byelana va ku: “Pfuka, hi tlhelela eka vanhu va ka hina ni le tikweni ra maxaka ya hina hikwalaho ka banga ra tihanyi.”’ 17  Va huwelele kona va ku, ‘Faro hosi ya Egipta i huwa yinene.+ U tshike nkarhi wa ntsako wu hundza.’+ 18  “‘Loko ntsena ndza ha hanya,’ ku vula Hosi, leyi vito ra yona ku nga Yehovha wa mavuthu,+ ‘ku fana na Taboro+ exikarhi ka tintshava na Karimeli+ ekusuhi ni lwandle u ta fika. 19  Tiendlele ndzhwalo wa le vukhumbini,+ Wena muaki wa xisati, nhwanyana+ wa Egipta. Hikuva Nofu+ u ta va xihlamariso ntsena naswona u ta hisiwa hi ndzilo, leswaku a nga vi na muaki.+ 20  Egipta u fana ni thokazi ro saseka. U ta hlaseriwa hi nsuna leyi humaka en’walungwini.+ 21  Ku tlula kwalaho, masocha yakwe lama thoriweke eka yena ma fana ni marhole yo nona.+ Kambe wona ma tlhentlhile;+ ma baleke hinkwawo. A ma yimanga.+ Hikuva siku ra wona ra khombo ri ma fikerile, nkarhi wa ku nyikiwa ka wona nyingiso.’+ 22  “‘Rito ra yena ri fana ni ra nyoka leyi fambaka;+ hikuva vanhu va ta famba hi ntamu lowukulu, naswona va ta ya eka yena va ri ni swihloka, kukota lava rhotelaka tihunyi. 23  Kunene va ta tsema khwati ra yena,’+ ku vula Yehovha, ‘hikuva a ri ngheneki. Hikuva va tele ku tlula tinjiya,+ naswona a va hlayeki. 24  Kunene nhwanyana+ wa Egipta u ta tsongahateka. Entiyisweni u ta nyiketiwa evokweni ra vanhu va le n’walungwini.’+ 25  “Yehovha wa mavuthu, Xikwembu xa Israyele, u te, ‘Waswivo, ndzi hundzuluxela nyingiso eka Amoni+ wa le ndhawini leyi vuriwaka No,+ ni le ka Faro ni le henhla ka Egipta ni le henhla ka swikwembu+ swa yena ni le henhla ka tihosi ta yena,+ ni le henhla ka Faro ni le henhla ka hinkwavo lava va n’wi tshembaka.’+ 26  “‘Naswona ndzi ta va nyiketa evokweni ra lava va lavaka moya-xiviri wa vona ni le vokweni ra Nebukadretsara hosi ya Babilona+ ni le vokweni ra malandza ya yena; endzhaku ka sweswo ku ta tshamiwa eka yena ku fana ni le masikwini ya khale,’+ ku vula Yehovha. 27  “‘Loko ku ri wena, u nga chavi, Wena nandza wa mina Yakobe, u nga khomiwi hi ku chava, Wena Israyele.+ Hikuva ndzi ku ponisa u ri ekule ni vana va wena etikweni ra vona ra vukhumbi.+ Kunene Yakobe u ta vuya, a nga kavanyeteki, a tshamiseka, ku nga vi na munhu loyi a n’wi chavisaka.+ 28  Loko ku ri wena, u nga chavi, Wena nandza wa mina Yakobe,’ ku vula Yehovha, ‘hikuva ndzi na wena.+ Hikuva ndzi ta herisa matiko hinkwawo lawa ndzi ku hangalaseleke eka wona,+ kambe wena a ndzi nge ku herisi.+ Kambe ndzi ta ku ba hilaha ku faneleke,+ a ndzi nge ku tshiki u nga xupuriwi.’”+

Tinhlamuselo ta le hansi