Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 43:1-13

43  Kuteloko Yeremiya a heta ku byela vanhu hinkwavo marito hinkwawo ya Yehovha Xikwembu xa vona, lawa Yehovha Xikwembu xa vona a n’wi rhumeke leswaku a va byela wona, ina, marito lawa hinkwawo,+  Azariya n’wana wa Hoxaya+ na Yohanani+ n’wana wa Kariya ni vanhu hinkwavo lava tikukumuxaka+ va byela Yeremiya, va ku: “Wena u vulavula mavunwa.+ Yehovha Xikwembu xa hina a nga ku rhumanga, a ku, ‘Mi nga ngheni aEgipta mi luvela kona.’+  Kambe u kuceteriwa hi Baruku+ n’wana wa Neriya ku lwa na hina leswaku hi nyiketiwa evokweni ra Vakalidiya, leswaku va hi dlaya kumbe va hi yisa evukhumbini eBabilona.”+  Yohanani n’wana wa Kariya ni varhangeri hinkwavo va mavandla ya nyimpi ni vanhu hinkwavo a va ri yingisanga rito ra Yehovha,+ leswaku va hambeta va tshama etikweni ra Yuda.+  Kutani Yohanani n’wana wa Kariya ni varhangeri hinkwavo va mavandla ya nyimpi va teka masalela hinkwawo ya Yuda lama vuyeke ematikweni hinkwawo lawa a ma hangalakele eka wona, leswaku ma ta tshama nkarhinyana etikweni ra Yuda,+  hambi ku ri vanhu lava tiyeke emirini, vavasati ni swihlangi ni vana va vanhwanyana va hosi+ ni moya-xiviri wun’wana ni wun’wana lowu Nebuzaradani+ murhangeri wa varindzi a wu pfumeleleke wu tshama na Gedaliya+ n’wana wa Ahikama+ n’wana wa Xafani,+ na Yeremiya lowa muprofeta na Baruku+ n’wana wa Neriya.  Eku heteleleni va fike etikweni ra Egipta,+ hikuva a va ri yingisanga rito ra Yehovha; kutani hakatsongo-tsongo va fika eTahapenese.+  Kutani rito ra Yehovha ri fika eka Yeremiya eTahapenese, ri ku:  “Teka maribye lamakulu, u ma fihla endzhopeni wo aka evuandlalweni bya switina lebyi nga enyangweni ya yindlu ya Faro eTahapenese ematihlweni ya Vayuda.+ 10  U fanele u va byela u ku, ‘Yehovha wa mavuthu, Xikwembu xa Israyele, u te: “Maswivo, ndzi rhumela leswaku ku ya tekiwa Nebukadretsara hosi ya Babilona,+ nandza wa mina,+ ndzi ta veka xiluvelo xakwe ehenhla ka maribye lawa ndzi ma fihleke, kunene u ta anamisa ntsonga wakwe lowunene ehenhla ka wona. 11  Kutani u fanele a fika a hlasela tiko ra Egipta.+ Mani na mani la faneriwaka hi ntungu lowu dlayaka u ta kuma ntungu lowu dlayaka, mani na mani la faneriwaka hi vukhumbi u ta kuma vukhumbi, naswona mani na mani la faneriwaka hi banga u ta ku-ma banga.+ 12  Ndzi ta lumeka ndzilo etindlwini ta swikwembu swa Egipta;+ kunene u ta va hisa, a va yisa evukhumbini, a titsondzela etikweni ra Egipta, hilaha murisi a titsondzelaka hakona hi nguvu yakwe,+ entiyisweni u ta huma kona hi ku rhula. 13  Kunene u ta tshovelela tiphuphu ta le Beta-xemexe, leyi nga etikweni ra Egipta; ni tindlu ta swikwembu swa Egipta u ta ti hisa hi ndzilo.”’”

Tinhlamuselo ta le hansi