Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 42:1-22

42  Kutani varhangeri hinkwavo va mavandla ya nyimpi na Yohanani+ n’wana wa Kariya na Yezaniya+ n’wana wa Hoxaya+ ni vanhu hinkwavo, ku suka eka lontsongo ku ya eka lonkulu, va tshinela  va byela Yeremiya lowa muprofeta, va ku: “Hi kombela leswaku xikombelo xa hina xa tintswalo xi fika emahlweni ka wena, naswona u hi khongelela eka Yehovha Xikwembu+ xa wena ni masalela lawa hinkwawo, hikuva hi siyiwile hi nga ri vangani eka vo tala,+ hilaha mahlo ya wena ma hi vonaka hakona.  Onge Yehovha Xikwembu xa wena a nga hi byela ndlela leyi hi faneleke ku famba ha yona ni nchumu lowu hi faneleke hi wu endla.”+  Kutani Yeremiya lowa muprofeta a va byela a ku: “Ndzi swi twile. Maswivo, ndzi khongela Yehovha Xikwembu xa n’wina hi ku ya hi marito ya n’wina;+ kunene ndzi ta mi byela rito rin’wana ni rin’wana leri Yehovha a nga ta ri vula loko a hlamula.+ A ndzi nge mi fihleli rito ni rin’we.”+  Kutani vona va byela Yeremiya va ku: “Onge Yehovha a nga va mbhoni ya ntiyiso, yo tshembeka eka hina+ loko ho ka hi nga endli hi ku ya hi rito rin’wana ni rin’wana leri Yehovha Xikwembu xa wena a ku rhumaka eka hina ha rona.+  Hambi ri ri rinene kumbe ri bihile, hi ta yingisa rito ra Yehovha Xikwembu xa hina lexi hi ku rhumaka eka xona, hi xikongomelo xa leswaku swi hi fambela kahle loko hi yingisa rito ra Yehovha Xikwembu xa hina.”+  Kuteloko ku hela masiku ya khume rito ra Yehovha ri fika eka Yeremiya.+  Kutani a vitana Yohanani n’wana wa Kariya ni varhangeri hinkwavo va mavandla ya nyimpi lava a va ri na yena ni vanhu hinkwavo, ku suka eka lontsongo ku ya fika eka lonkulu;+  a ya emahlweni a ku eka vona: “Yehovha Xikwembu xa Israyele, loyi mi ndzi rhumeke leswaku ndzi yisa xikombelo xa n’wina xa tintswalo eka yena,+ u te, 10  ‘Loko kunene mo hambeta mi tshama etikweni leri,+ ndzi ta mi aka, a ndzi nge mi hirimuxi, ndzi ta mi byala, a ndzi nge mi simuli;+ kunene ndzi ta tisola hikwalaho ka khombo leri ndzi mi tiseleke rona.+ 11  Mi nga yi chavi hosi ya Babilona, leyi mi yi chavaka.’+ “‘Mi nga yi chavi,’+ ku vula Yehovha, ‘hikuva ndzi na n’wina, leswaku ndzi mi ponisa ni ku mi kutsula evokweni ra yona.+ 12  Ndzi ta mi komba tintswalo, kunene yi ta va ni tintswalo eka n’wina kutani yi mi tlherisela emisaveni ya n’wina.+ 13  “‘Kambe loko mi ku: “E-e; a hi nge tshami etikweni leri,” leswaku mi nga ri yingisi rito ra Yehovha Xikwembu xa n’wina,+ 14  mi ku: “E-e, kambe hi ta nghena etikweni ra Egipta,+ laha hi nga ta ka hi nga yi voni nyimpi ni laha hi nga ta ka hi nga wu twi mpfumawulo wa nanga naswona a hi nge khomiwi hi ndlala ya xinkwa; hi kona laha hi nga ta tshama kona”;+ 15  hikokwalaho nisweswi twanani rito ra Yehovha, N’wina masalela ya Yuda. Yehovha wa mavuthu, Xikwembu xa Israyele, u te: “Loko mi veka swikandza swa n’wina leswaku mi nghena aEgipta, entiyisweni mi nghena leswaku mi luvela kona,+ 16  banga leri mi ri chavaka ri ta mi kuma etikweni ra Egipta,+ naswona ndlala leyi mi yi chavaka yi ta mi landzelela ku ya fika aEgipta;+ mi ta fela kona.+ 17  Kutani vanhu hinkwavo lava vekeke swikandza swa vona leswaku va ya nghena aEgipta va luvela kona, va ta dlayiwa hi banga, hi ndlala ni hi ntungu;+ a ku nge vi na muponi kumbe mubaleki, hikwalaho ka khombo leri ndzi ri tisaka eka vona.”’+ 18  “Hikuva Yehovha wa mavuthu, Xikwembu xa Israyele, u te, ‘Hilaha ku hlundzuka ka mina ni vukarhi bya mina swi chuluriweke hakona ehenhla ka vaaki va Yerusalema,+ hi ndlela leyi fanaka vukarhi bya mina byi ta chuluriwa ehenhla ka n’wina hikwalaho ka leswi mi nghenaka aEgipta, kunene mi ta va xisandzu ni xihlamariso ni ndzhukano ni xihlekulo,+ mi nga ka mi nga ha yi voni ndhawu leyi.’+ 19  “Yehovha u vulavule ku lwa na n’wina, N’wina masalela ya Yuda. Mi nga ngheni aEgipta.+ Mi fanele mi swi tiva leswaku ndzi nyikele vumbhoni lebyi kanetanaka na n’wina namuntlha,+ 20  leswaku mi hoxele mimoya-xiviri ya n’wina;+ hikuva mi ndzi rhume eka Yehovha Xikwembu xa n’wina, mi ku, ‘Hi khongelele eka Yehovha Xikwembu xa hina; naswona hi byele hinkwaswo leswi Yehovha Xikwembu xa hina a swi vulaka, kunene hi ta swi endla.’+ 21  Ndza mi byela namuntlha, kambe a mi nge ri yingisi hakunene rito ra Yehovha Xikwembu xa n’wina kumbe xin’wana ni xin’wana lexi a ndzi rhumeke eka n’wina ha xona.+ 22  Sweswi mi fanele mi swi tiva hakunene leswaku mi ta dlayiwa hi banga,+ hi ndlala ni ntungu endhawini leyi mi tsakelaka ku nghena mi luvela eka yona.”+

Tinhlamuselo ta le hansi