Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 41:1-18

41  Kutani hi n’hweti ya vunkombo Iximayele+ n’wana wa Nethaniya n’wana wa Elixama+ wa vana va le vuhosini,+ wa vakulukumba va hosi ni vavanuna van’wana va khume lava a va ri na yena+ va ta eka Gedaliya n’wana wa Ahikama eMizpa.+ Hiloko va dya xinkwa swin’we eMizpa.+  Kutani Iximayele n’wana wa Nethaniya ni vavanuna va khume lava a va ri na yena va suka va yima, va dlaya Gedaliya n’wana wa Ahikama n’wana wa Xafani hi banga.+ Hiloko a dlaya loyi hosi ya Babilona yi n’wi vekeke etikweni.+  Vayuda hinkwavo lava a va ri na Gedaliya, eMizpa ni Vakalidiya lava a va ri kwalaho, ku nga vavanuna va nyimpi, Iximayele u va dlayile.  Hi siku ra vumbirhi endzhaku ka ku dlayiwa ka Gedaliya, enkarhini lowu a ku nga ri na munhu loyi a a swi tiva,+  hiloko ku ta vavanuna va le Xikeme,+ va le Xilo+ ni va le Samariya,+ vavanuna va 80 lava tsemeteke malepfu,+ va handzule tinguvu ta vona hi le xikarhi, va tlhela va tixekelela,+ naswona va tamele gandzelo ra mavele ni murhi wa risuna+ va swi tisa endlwini ya Yehovha.  Kutani Iximayele n’wana wa Nethaniya a suka eMizpa a va hlanganisa, a famba a ri karhi a rila.+ Kuteloko a hlangana na vona a va byela a ku: “Tanani eka Gedaliya n’wana wa Ahikama.”  Kambe loko va fika exikarhi ka muti, Iximayele n’wana wa Nethaniya a va dlaya, a va lahlela exihlobyeni, yena ni vavanuna lava a va ri na yena.+  Kambe a ku ri ni vavanuna va khume exikarhi ka vona lava byeleke Iximayele hi ku hatlisa va ku: “U nga hi dlayi, hikuva hi ni xuma lexi fihliweke enhoveni, koroni ni maxalana ni mafurha ni vulombe.”+ Hiloko a va tshika, a nga va dlayanga exikarhi ka vamakwavo.  Xihlovo lexi Iximayele+ a lahleleke mintsumbu hinkwayo ya vavanuna lava a va dlayeke a xi ri xihlovo lexikulu, lexi endliweke hi Hosi Asa, a xi endlela Baxa hosi ya Israyele.+ Hi xona lexi Iximayele n’wana wa Nethaniya a xi tateke hi lava dlayiweke. 10  Kutani Iximayele a teka masalela hinkwawo ya vanhu lava a va ri eMizpa+ a ma endla makhumbi, vana va vanhwanyana va hosi+ ni vanhu hinkwavo lava a va sele eMizpa,+ lava Nebuzaradani murhangeri wa varindzi a va ngheniseke ekhotsweni ra Gedaliya n’wana wa Ahikama.+ Iximayele n’wana wa Nethaniya a va endla makhumbi, a famba a pelela eka vana va Amone.+ 11  Hi ku famba ka nkarhi Yohanani+ n’wana wa Kariya ni varhangeri hinkwavo va mavandla ya nyimpi+ lava a va ri na yena va twa vubihi hinkwabyo lebyi endliweke hi Iximayele n’wana wa Nethaniya. 12  Hikwalaho va teka vavanuna hinkwavo, va ya lwa na Iximayele n’wana wa Nethaniya kutani va n’wi kuma ekusuhi ni mati yo tala lawa a ma ri eGibiyoni.+ 13  Kuteloko vanhu hinkwavo lava a va ri na Iximayele va vona Yohanani n’wana wa Kariya ni varhangeri hinkwavo va mavandla ya nyimpi lava a va ri na yena, va tsaka. 14  Vanhu hinkwavo lava Iximayele a va yiseke evukhumbini ku suka eMizpa+ va hundzuluka, va tlhela, va ya eka Yohanani n’wana wa Kariya. 15  Loko ku ri Iximayele n’wana wa Nethaniya, a baleka+ ni vavanuna va nhungu emahlweni ka Yohanani, a ya eka vana va Amone. 16  Yohanani+ n’wana wa Kariya ni varhangeri hinkwavo va mavandla ya nyimpi lava a va ri na yena va teka masalela hinkwawo ya vanhu lava va va tlheriseke eka Iximayele n’wana wa Nethaniya, ku suka eMizpa, endzhaku ka loko a dlaye Gedaliya+ n’wana wa Ahikama, vanhu lava tiyeke emirini, vavanuna va nyimpi, ni vavasati ni vana ni vatirhi va le hubyeni, lava a va tlheriseke eGibiyoni. 17  Hiloko va famba va ya tshama endhawini yo tshama eka yona eKimihama etlhelo ka Betlehema,+ leswaku va ya emahlweni, va nghena aEgipta,+ 18  hikwalaho ka Vakalidiya;+ hikuva a va va chava,+ tanihi leswi Iximayele n’wana wa Nethaniya a dlayeke Gedaliya n’wana wa Ahikama,+ loyi hosi ya Babilona a yi n’wi vekile leswaku a langutela tiko.+

Tinhlamuselo ta le hansi