Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 40:1-16

40  Rito leri fikeke eka Yeremiya ri huma eka Yehovha endzhaku ka loko Nebuzaradani+ murhangeri wa varindzi a n’wi rhumile ku suka eRhama,+ loko a n’wi teka a ha bohiwe hi tinghomondho exikarhi ka hinkwavo lava nga evukhumbini eYerusalema ni le Yuda, lava a va yisiwa evukhumbini eBabilona.+  Kutani murhangeri wa varindzi a teka Yeremiya a n’wi byela a ku: “Yehovha Xikwembu xa wena hi yena la vuleke khombo leri ehenhla ka ndhawu leyi,+  leswaku Yehovha a ri hetisisa, a endla hilaha a vuleke hakona, hikuva mi dyohele Yehovha naswona a mi ri yingisanga rito ra yena. Kutani ku endleke nchumu lowu eka n’wina.+  Kutani waswivo, ndzi ku ntshunxile namuntlha eka tinghomondho leti a ti ri emavokweni ya wena. Loko u vona swi ri swinene ematihlweni ya wena ku famba na mina eBabilona, a hi fambe, ndzi ta ku veka tihlo.+ Kambe loko u vona swi bihile ematihlweni ya wena ku famba na mina eBabilona, sala. Waswivo! Tiko hinkwaro ri le mahlweni ka wena. Kun’wana ni kun’wana laha u vonaka ku ri kunene, ku lulamile ematihlweni ya wena ku ya kona, yana.”+  A a nga si lunghekela ku tlhela loko Nebuzaradani a ku: “Tlhelela eka Gedaliya+ n’wana wa Ahikama+ n’wana wa Xafani,+ loyi hosi ya Babilona yi n’wi vekeke ehenhla ka miti ya Yuda, u tshama na yena exikarhi ka vanhu; kumbe laha u vonaka ku lulamile ematihlweni ya wena ku ya kona, yana.”+ Kutani murhangeri wa varindzi a n’wi nyika swakudya ni nyiko, a n’wi tshika a famba.+  Hikwalaho Yeremiya a ya eka Gedaliya+ n’wana wa Ahikama eMizpa+ kutani a tshama na yena exikarhi ka vanhu lava a va sele etikweni.  Hi ku famba ka nkarhi varhangeri hinkwavo va mavandla ya nyimpi lava a va ri enhoveni,+ vona ni vavanuna lava a va ri na vona, va twa leswaku hosi ya Babilona yi veke Gedaliya n’wana wa Ahikama a lawula tiko ni leswaku yi n’wi veke a lawula vavanuna ni vavasati ni vana ni swisiwana swin’wana swa tiko, lava nga yisiwangiki evukhumbini eBabilona.+  Hiloko va ta eka Gedaliya eMizpa, hambi ku ri Iximayele+ n’wana wa Nethaniya na Yohanani+ na Yonathani, vana va Kariya, na Seraya n’wana wa Tanahumeti ni vana va Efayi lowa Munetofa+ na Yezaniya+ n’wana wa Mukati,+ vona ni vavanuna va vona.+  Kutani Gedaliya+ n’wana wa Ahikama+ n’wana wa Xafani+ a hlambanya+ eka vona ni le ka vavanuna va vona, a ku: “Mi nga chavi ku tirhela Vakalidiya. Tshamani etikweni, mi tirhela hosi ya Babilona, kutani swi ta mi fambela kahle.+ 10  Loko ku ri mina, ndzi tshama eMizpa,+ leswaku ndzi yima emahlweni ka Vakalidiya lava nga ta ta eka hina. Loko ku ri n’wina, hlengeletani vhinyo+ ni mihandzu ya ximumu ni mafurha mi swi nghenisa eswibyeni swa n’wina, mi tshama emitini ya n’wina leyi mi yi tekeke.” 11  Vayuda hinkwavo lava a va ri eka Mowabu ni le xikarhi ka vana va Amone ni le Edomu ni lava a va ri ematikweni laman’wana hinkwawo,+ na vona va twe leswaku hosi ya Babilona yi nyikete masalela eka Yuda ni leswaku ehenhla ka vona yi veke Gedaliya+ n’wana wa Ahikama n’wana wa Xafani. 12  Kutani Vayuda hinkwavo va sungula ku vuya etindhawini hinkwato leti a va hangalaseriwe eka tona, va hambeta va ta etikweni ra Yuda eka Gedaliya eMizpa.+ Va hlengeleta vhinyo ni mihandzu ya ximumu yo tala ngopfu. 13  Loko ku ri Yohanani+ n’wana wa Kariya+ ni varhangeri hinkwavo va mavandla ya nyimpi lava a va ri enhoveni,+ va ta eka Gedaliya eMizpa. 14  Hiloko va ku eka yena: “Xana a wu swi tivi leswaku Balisi, hosi ya vana va Amone,+ u rhume Iximayele+ n’wana wa Nethaniya+ leswaku a ba moya-xiviri wa wena a wu dlaya?” Kambe Gedaliya n’wana wa Ahikama a nga va kholwanga.+ 15  Kutani Yohanani+ n’wana wa Kariya a byela Gedaliya, evutumbelweni eMizpa a ku: “Ndzi lava ku famba sweswi ndzi ya dlaya Iximayele n’wana wa Nethaniya, hikuva a ku na munhu loyi a nga ta swi tiva.+ Ha yini a fanele a ba moya-xiviri wa wena a wu dlaya, naswona ha yini vanhu hinkwavo va Yuda lava hlengeletiwaka va fanele va hangalasiwa ni masalela ya Yuda ma lova?”+ 16  Kambe Gedaliya+ n’wana wa Ahikama+ a byela Yohanani n’wana wa Kariya a ku: “U nga wu endli nchumu lowu, hikuva u vulavula mavunwa malunghana na Iximayele.”+

Tinhlamuselo ta le hansi