Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 35:1-19

35  Rito leri fikeke eka Yeremiya ri huma eka Yehovha emasikwini ya Yoyakimi+ n’wana wa Yosiya, hosi ya Yuda, ri ku:  “Yana endlwini ya Varekabi,+ u ta vulavula na vona kutani u va tisa endlwini ya Yehovha, eka rin’wana ra makamara yo dyela; u va nyika vhinyo va nwa.”  Hiloko ndzi teka Yazaniya n’wana wa Yeremiya n’wana wa Habaziniya ni vamakwavo, ni vana vakwe hinkwavo, ni ndyangu hinkwawo wa Varekabi,  kutani ndzi va tisa endlwini ya Yehovha, ekamareni ro dyela+ ra vana va Hanani n’wana wa Igidaliya, munhu wa Xikwembu xa ntiyiso, leri a ri ri etlhelo ka kamara ro dyela ra tihosana, leri a ri ri ehenhla ka kamara ro dyela ra Maseya n’wana wa Xalumu+ lowa mulanguteri wa nyangwa.  Hiloko ndzi veka emahlweni ka vana va yindlu ya Varekabi swinwelo leswi teleke vhinyo ni majomela, ndzi ku eka vona: “Nwanani vhinyo.”  Kambe vona va ku: “Vhinyo a hi nge yi n’wi, hikuva Yonadaba n’wana wa Rekabi,+ tata wa hina, u hi lerisile, a ku, ‘Mi nga tshuki mi nwa vhinyo, n’wina hambi ku ri vana va n’wina, hilaha ku nga riki na makumu.+  Mi nga tshuki mi aka yindlu, naswona mi nga tshuki mi byala mbewu; mi nga tshuki mi rima nsimu ya vhinya, naswona mi nga tshuki mi va na yona. Kambe mi fanele mi tshama emintsongeni masiku ya n’wina hinkwawo, leswaku mi ta hambeta mi hanya masiku yo tala ehenhla ka vuandlalo bya misava leyi mi luveleke eka yona.’+  Hikwalaho hi hambeta hi yingisa rito ra Yonadabu n’wana wa Rekabi tata wa hina eka xin’wana ni xin’wana lexi a hi leriseke+ xona hi ku ka hi nga nwi vhinyo emasikwini ya hina hinkwawo, hina, vasati va hina, vana va hina va majaha ni va vanhwanyana,+  ni hi ku ka hi nga aki tindlu ta ku tshama eka tona, leswaku hi nga tshuki hi va ni nsimu ya vhinya kumbe nsimu kumbe mbewu. 10  Hi hambeta hi tshama emintsongeni, hi yingisa ni ku endla hi ku landza hinkwaswo leswi Yonadaba+ tata wa hina a hi leriseke swona.+ 11  Kuteloko Nebukadretsara hosi ya Babilona a tela tiko,+ hi sungule ku vula hi ku, ‘Tanani, a hi ngheneni eYerusalema hikwalaho ka vandla ra nyimpi ra Vakalidiya ni hikwalaho ka vandla ra nyimpi ra Vasiriya, a hi tshameni eYerusalema.’”+ 12  Rito ra Yehovha ri ya emahlweni ri fika eka Yeremiya, ri ku: 13  “Yehovha wa mavuthu, Xikwembu xa Israyele, u te, ‘Famba u ya vula leswi eka vanhu va Yuda ni vaaki va Yerusalema u ku: “Xana a mi xi amukelanga xikhongotelo xo yingisa marito ya mina?”+ ku vula Yehovha. 14  “Marito ya Yonadabu n’wana wa Rekabi+ ma hetisisiwile, lawa a ma leriseke vana va yena, leswaku va nga tshuki va nwa vhinyo, naswona a va yi nwanga ku fikela esikwini leri, hikuva va yingise xileriso xa tata wa vona.+ Loko ku ri mina, ndzi vulavule na n’wina, ndzi pfuka ka ha ri mpundzu swinene, ndzi vulavula,+ kambe a mi ndzi yingisanga.+ 15  Naswona ndzi hambeta ndzi rhuma malandza ya mina lama nga vaprofeta+ ma ta eka n’wina, ndzi pfuka ka ha ri mpundzu swinene ndzi ma rhuma, ndzi ku, ‘Ndzi kombela mi tlhela, un’wana ni un’wana endleleni yakwe yo biha,+ mi endla ku tirhisana ka n’wina ku va lokunene,+ naswona mi nga landzeli swikwembu swin’wana mi swi tirhela.+ Hambetani mi tshama emisaveni leyi ndzi mi nyikeke yona n’wina ni vatata wa n’wina.’+ Kambe a mi yi rhiyanga ndleve, naswona a mi ndzi yingisanga.+ 16  Kambe vana va Yonadabu n’wana wa Rekabi+ va hetisise xileriso xa tata wa vona lexi a va leriseke xona;+ kambe vanhu lava, a va ndzi yingisanga.”’”+ 17  “Hikokwalaho Yehovha, Xikwembu xa mavuthu, Xikwembu xa Israyele, u te, ‘Waswivo, ndzi tisela Yuda ni vaaki hinkwavo va Yerusalema khombo hinkwaro leri ndzi ri vuleke ehenhla ka vona,+ hikuva ndzi vulavule na vona kambe a va yingisanga, ndzi hambete ndzi va vitana kambe a va hlamulanga.’”+ 18  Kutani endyangwini wa Varekabi Yeremiya u te: “Yehovha wa mavuthu, Xikwembu xa Israyele, u te, ‘Hikwalaho ka leswi mi yingiseke xileriso xa Yonadabu+ tata wa n’wina kutani mi hambeta mi hlayisa swileriso swa yena hinkwaswo, mi endla hi ku landza hinkwaswo leswi a mi leriseke swona,+ 19  hikokwalaho Yehovha wa mavuthu, Xikwembu xa Israyele, u te: “Eka Yonadaba n’wana wa Rekabi ku nga ka ku nga pfumaleki munhu wo yima+ emahlweni ka mina nkarhi hinkwawo.”’”+

Tinhlamuselo ta le hansi