Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 34:1-22

34  Rito leri fikeke eka Yeremiya ri huma eka Yehovha, loko Nebukadretsara hosi ya Babilona+ ni vandla rakwe ra nyimpi+ hinkwaro ni mimfumo hinkwayo ya misava, vulawuri lebyi nga evokweni rakwe,+ ni vanhu hinkwavo va lwa na Yerusalema ni miti hinkwayo ya yena,+ ri ku:  “Yehovha Xikwembu xa Israyele u te, ‘Famba, u ya byela Sedekiyasi hosi ya Yuda,+ ina, u fanele u n’wi byela u ku: “Yehovha u te, ‘Waswivo, ndzi nyiketa muti lowu evokweni ra hosi ya Babilona,+ yi ta wu hisa hi ndzilo.+  Kutani wena a wu nge baleki evokweni ra yona, hikuva u ta khomiwa hakunene kutani u nyiketiwa evokweni ra yona.+ Mahlo ya wena ma ta vona mahlo ya hosi ya Babilona,+ nomu wa yona wu ta vulavula ni nomu wa wena, u ta ta eBabilona.’  Hambiswiritano, twana rito ra Yehovha, Wena Sedekiyasi hosi ya Yuda,+ ‘Yehovha u vurile malunghana na wena a ku: “U nga ka u nga dlayiwi hi banga.  U ta fa hi ku rhula;+ tihosi to sungula leti a ti ri kona emahlweni ka wena+ ti ta ku hisela mirhi ya risuna,+ ku fana ni leyi hiseriweke vatata wa wena, ti ta ku rilela+ ti ku, ‘Oho, Wena mulawuri,’+ hikuva ‘hi mina ndzi vuleke rito leri,’ ku vula Yehovha.”’”’”  Yeremiya lowa muprofeta a ya emahlweni a byela Sedekiyasi hosi ya Yuda marito+ lawa hinkwawo eYerusalema,  loko mavandla ya nyimpi ya hosi ya Babilona ma lwa na Yerusalema ni miti hinkwayo ya Yuda leyi a yi sele,+ ma lwa na Lakixi+ na Azeka;+ hikuva miti yoleyo leyi tiyisiweke,+ hi yona leyi a yi sele exikarhi ka miti ya Yuda.+  Rito leri fikeke eka Yeremiya ri huma eka Yehovha endzhaku ka loko Hosi Sedekiyasi a endle ntwanano ni vanhu hinkwavo lava a va ri eYerusalema leswaku a huwelela ntshunxeko eka vona,+  leswaku un’wana ni un’wana a ntshunxa nandza wakwe wa xinuna ni wa xisati, wanuna wa Muheveru+ ni wansati wa Muheveru, leswaku va nga va endli malandza ya vona, ku nga Muyuda loyi a nga makwavo.+ 10  Kutani tihosana+ hinkwato ti yingisa, ni vanhu hinkwavo lava a va ri ehansi ka ntwanano leswaku un’wana ni un’wana a ntshunxa nandza wakwe wa xinuna, un’wana ni un’wana a ntshunxa nandza wakwe wa xisati, leswaku va nga ha va endli malandza, hiloko va va yingisa kutani va va tshika va famba.+ 11  Kambe va hundzuluka+ endzhaku ka sweswo, va tlherisa malandza ya xinuna ni ya xisati lawa a va ma ntshunxile, kutani va ma veka ehansi ma va malandza ya xinuna ni ya xisati.+ 12  Hikwalaho rito ra Yehovha ri fika eka Yeremiya ri huma eka Yehovha, ri ku: 13  “Yehovha Xikwembu xa Israyele u te, ‘Mina ndzi endle ntwanano ni vatata+ wa n’wina esikwini leri ndzi va humeseke ha rona etikweni ra Egipta,+ endlwini ya malandza,+ ndzi ku: 14  “Eku heleni ka malembe ya nkombo, un’wana ni un’wana u fanele a ntshunxa munhu-kulobye+ loyi a nga Muheveru,+ loyi a xaviseriweke yena,+ loyi a n’wi tirheleke malembe ya tsevu; u fanele a n’wi ntshunxa.” Kambe vatata wa n’wina a va ndzi yingisanga, a va yi rhiyanga ndleve.+ 15  Kutani n’wina hundzulukani namuntlha mi endla leswi lulameke ematihlweni ya mina hi ku huwelela ntshunxeko,+ un’wana ni un’wana eka nakulobye, naswona mi endla ntwanano emahlweni ka mina endlwini leyi vito ra mina ri vitaniweke eka yona.+ 16  Kutani mi tlhela,+ mi nyamisa vito ra mina,+ un’wana ni un’wana a tlherisa nandza wakwe wa xinuna, un’wana ni un’wana a tlherisa nandza wakwe wa xisati, lawa mi wa ntshunxeke hi ku rhandza ka moya-xiviri wa wona, mi wa veka ehansi ma va malandza ya n’wina ya xinuna ni malandza ya n’wina ya xisati.’+ 17  “Hikokwalaho Yehovha u te, ‘N’wina a mi ndzi yingisanga hi ku ka mi nga hambeti mi huwelela ntshunxeko,+ un’wana ni un’wana eka makwavo, un’wana ni un’wana eka nakulobye. Maswivo, ndzi huwelela ntshunxeko+ eka n’wina,’ ku vula Yehovha, ‘eka banga,+ ntungu+ ni ndlala,+ kunene ndzi ta mi tsekatsekisa eka mimfumo hinkwayo ya misava.+ 18  Kutani ndzi ta nyiketa vanhu lava honisaka ntwanano wa mina,+ hi ku ka va nga ma hetisisanga marito ya ntwanano wa mina lawa va ma boheke emahlweni ka mina hi rhole leri va ri tsemeke ri va swiphemu swimbirhi,+ leswaku va hundza exikarhi ka swiphemu swa rona;+ 19  ku nga, tihosana ta Yuda ni tihosana ta Yerusalema,+ vatirhi va le hubyeni ni vaprista ni vanhu hinkwavo va tiko lava hundzeke exikarhi ka swiphemu swa rhole— 20  ina, ndzi ta va nyiketa evokweni ra valala va vona ni le vokweni ra lava va lavaka moya-xiviri wa vona;+ naswona mintsumbu ya vona yi ta va swakudya swa swivumbiwa leswi hahaka swa matilo ni swa swivandzana swa misava.+ 21  Kutani Sedekiyasi hosi ya Yuda+ ni tihosana ta yena ndzi ta va nyiketa evokweni ra valala va vona ni le vokweni ra lava va lavaka moya-xiviri wa vona ni le vokweni ra mavandla ya nyimpi ya hosi ya Babilona+ lawa ma tshikaka ku mi hlasela.’+ 22  “‘Waswivo, ndzi nyika xileriso,’ ku vula Yehovha, ‘kunene ndzi ta va tlherisela emutini lowu,+ va ta lwa na wona, va wu teka kutani va wu hisa hi ndzilo;+ miti ya Yuda ndzi ta yi endla rhumbi, yi pfumala muaki.’”+

Tinhlamuselo ta le hansi