Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 33:1-26

33  Kutani rito ra Yehovha ri fika eka Yeremiya ra vumbirhi, a ha pfaleriwe eXivaveni xa Murindzi,+ ri ku:  “Yehovha Muendli+ wa misava, Yehovha Muvumbi wa yona,+ la yi simekeke yi tiya,+ loyi vito rakwe a nga Yehovha+, u te,  ‘Ndzi vitane, ndzi ta ku hlamula,+ ndzi ku byela swilo leswikulu ni leswi nga twisisekiki, leswi u nga swi tivangiki.’”+  “Hikuva Yehovha Xikwembu xa Israyele u vurile malunghana ni tindlu ta muti lowu, ni tindlu ta tihosi ta Yuda leti hirimuxiwaka hikwalaho ka marhangu yo anama ni hikwalaho ka banga;+  ni lava va taka ku ta lwa ni Vakalidiya ni ku tata tindhawu hi mintsumbu ya vanhu lava ndzi va dlayeke hi ku hlundzuka ka mina ni hi vukarhi bya mina,+ ni hikwalaho ka hinkwavo lava ndzi tumbeteke xikandza xa mina eka muti lowu hi vubihi bya vona,+ a ku,  ‘Waswivo, ndzi endla leswaku a hola nileswaku a va ni rihanyo;+ ndzi ta va tshungula ni ku va hlavutela ku rhula lokukulu ni ntiyiso.+  Ndzi ta vuyisa lava nga makhumbi ya Yuda ni lava nga makhumbi ya Israyele,+ naswona ndzi ta va aka kukota eku sunguleni.+  Ndzi ta va endla va tenga eka xihoxo xa vona hinkwaxo lexi va ndzi dyoheleke ha xona,+ ndzi ta rivalela swihoxo swa vona hinkwaswo leswi va ndzi dyoheleke ha swona, leswi va tluleke nawu wa mina ha swona.+  Kunene eka mina u ta va vito ra ku khana, ku dzunisa+ ni ku saseka eka matiko hinkwawo ya misava lama nga ta twa hi vunene hinkwabyo lebyi ndzi ma endlelaka byona.+ Kunene va ta chava,+ va rhurhumela+ hikwalaho ka vunene hinkwabyo ni hikwalaho ka ku rhula hinkwako loku ndzi n’wi nyikaka kona.’”+ 10  “Yehovha u te, ‘Endhawini leyi n’wina mi vulaka leswaku yi onhakile a yi na munhu naswona a yi na xifuwo, emitini ya Yuda ni le switarateni swa Yerusalema leswi onhakeke,+ leswi nga riki na munhu, leswi nga riki na muaki ni leswi nga riki na xifuwo, kwalaho na kona ku ta twiwa+ 11  mpfumawulo wa ku khana ni mpfumawulo wa ku tsaka,+ rito ra muteki ni rito ra mutekiwa, rito ra lava va vulaka va ku: “Dzunisani Yehovha wa mavuthu, hikuva Yehovha hi lonene;+ hikuva musa wakwe wa rirhandzu+ i wa hilaha ku nga riki na makumu!”’ “‘Va ta tisa gandzelo ro nkhensa endlwini ya Yehovha,+ hikuva ndzi ta vuyisa makhumbi ya tiko kukota eku sunguleni,’+ Yehovha u vurile.” 12  “Yehovha wa mavuthu u te, ‘Endhawini leyi yi onhakeke leyi nga riki na munhu hambi ku ri xifuwo+ swin’we ni le mitini hinkwayo ya yona ku ta va ni madyelo ya varisi lava va vundzisaka ntlhambi.’+ 13  “‘Emitini ya ndhawu ya tintshava, emitini ya tiko ra le hansi+ ni le mitini ya le dzongeni+ ni le tikweni ra Benjamini+ ni le tindhawini leti rhendzeleke Yerusalema+ ni le mitini ya Yuda+ mintlhambi ya ha ta hundza ehansi ka voko ra loyi a hlayelaka,’+ Yehovha u vurile.” 14  “‘Waswivo! Masiku ma ta,’+ ku vula Yehovha, ‘kunene ndzi ta hetisisa rito lerinene leri ndzi ri vuleke,+ malunghana ni yindlu ya Israyele+ ni yindlu ya Yuda. 15  Emasikwini wolawo ni le nkarhini wolowo ndzi ta hlukisela Davhida xihluke xa ku lulama,+ kunene u ta tirhisa vululami ni ku tshembeka etikweni.+ 16  Emasikwini wolawo Yuda u ta ponisiwa+ naswona Yerusalema u ta tshama a sirhelelekile.+ Kutani u ta vitaniwa hi ndlela leyi, Yehovha I Ku Lulama Ka Hina.’”+ 17  “Hikuva Yehovha u te, ‘Eka Davhida a ku nge pfumaleki munhu loyi a nga ta tshama exiluvelweni xa yindlu ya Israyele.+ 18  Kutani eka vaprista, ku nga Valevhi, a ku nge pfumaleki munhu emahlweni ka mina loyi a nga ta humesa gandzelo ro hisiwa leri heleleke naswona a mbulukisa gandzelo ra mavele ni ku endla xitlhavelo nkarhi hinkwawo.’”+ 19  Rito ra Yehovha ri ya emahlweni ri fika eka Yeremiya, ri ku: 20  “Yehovha u te, ‘Loko n’wina mo tlula ntwanano wa mina wa nhlikanhi ni ntwanano wa mina wa vusiku, leswaku nhlikanhi ni vusiku swi nga humeleli hi nkarhi wa swona,+ 21  hi ku fanana ntwanano wa mina wu nga tluriwa hi Davhida nandza wa mina+ lerova a nga vi na n’wana la nga hosi exiluvelweni xakwe;+ swin’we ni Valevhi, ku nga vaprista, vatirheli va mina.+ 22  Tanihi leswi vuthu ra le matilweni ri nga hlayekiki, nileswi sava ra lwandle ri nga pimekiki,+ hikwalaho ndzi ta andzisa mbewu ya Davhida nandza wa mina ni Valevhi lava va ndzi tirhelaka.’”+ 23  Rito ra Yehovha ri ya emahlweni ri fika eka Yeremiya, ri ku: 24  “Xana a wu swi vonanga leswi vuriwaka hi vanhu lava, va ku, ‘Mindyangu yimbirhi leyi Yehovha a yi hlawuleke,+ u ta tlhela a yi bakanya’? Va hambeta va khoma vanhu va mina hi ndlela leyi nga kombisiki xichavo,+ lerova a va nge he vi tiko emahlweni ka vona. 25  “Yehovha u te, ‘Loko a ku nga ri ntiyiso leswaku ndzi ve-ke ntwanano wa mina wa nhlikanhi ni vusiku,+ milawu ya tilo ni misava,+ 26  kutani a ndzi ta bakanya mbewu ya Yakobe ni ya Davhida nandza wa mina,+ leswaku eka mbewu yakwe ndzi nga teki vafumi lava nga ta va ehenhla ka mbewu ya Abrahama, Isaka na Yakobe. Hikuva ndzi ta hlengeleta makhumbi ya vona,+ ndzi va twela vusiwana.’”+

Tinhlamuselo ta le hansi