Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 32:1-44

32  Rito leri fikeke eka Yeremiya ri huma eka Yehovha hi lembe ra vukhume ra Sedekiyasi hosi ya Yuda,+ ku nga lembe ra vu-18 ra Nebukadretsara.+  Enkarhini wolowo mavandla ya nyimpi ya hosi ya Babilona a ma rhendzele Yerusalema; loko ku ri Yeremiya+ lowa muprofeta, a a pfaleriwile eXivaveni xa Murindzi+ lexi nga endlwini ya hosi ya Yuda;  hikuva Sedekiyasi hosi ya Yuda a a n’wi pfalerile,+ a ku: “Ha yini u profeta,+ u ku, ‘Yehovha u te: “Waswivo, ndzi nyiketa muti lowu evokweni ra hosi ya Babilona, kunene yi ta wu teka;+  kutani Sedekiyasi, hosi ya Yuda, a nge baleki evokweni ra Vakalidiya, kunene u ta nyiketiwa evokweni ra hosi ya Babilona, entiyisweni nomu wakwe wu ta vulavula hi nomu wa yoloye, ni mahlo yakwe ma ta vona mahlo ya yoloye”’;+  ‘kutani u ta teka Sedekiyasi a n’wi yisa eBabilona, u ta tshama kona kukondza ndzi yisa nyingiso wa mina eka yena,’+ ku vula Yehovha; ‘hambileswi n’wina mi tshamelaka ku lwa ni Vakalidiya, a mi nge humeleli’?”+  Yeremiya a ya emahlweni a ku: “Rito ra Yehovha ri fike eka mina ri ku,  ‘Hi loyi Hanamele n’wana wa Xalumu makwavo wa tata wa wena u ta eka wena, a ku: “Xava nsimu ya mina leyi nga eAnathoti,+ hikuva mfanelo yo kutsula yi na wena leswaku u yi xava.”’”+  Hi ku famba ka nkarhi Hanamele n’wana wa makwavo wa tatana a ta eka mina, hi ku ya hi rito ra Yehovha, eXivaveni xa Murindzi,+ a ya emahlweni a ku eka mina: “Ndzi kombela u xava nsimu ya mina leyi nga eAnathoti,+ etikweni ra Benjamini,+ hikuva mfanelo ya ndzhaka i ya wena, ni matimba yo kutsula i ya wena. Tixavele yona.” Hiloko ndzi swi tiva leswaku a ku ri rito ra Yehovha.+  Kutani ndzi xava nsimu leyi a yi ri eAnathoti+ eka Hanamele+ n’wana wa makwavo wa tatana. Ndzi sungula ku n’wi pimela mali,+ tixikele ta nkombo ni swiphemu swa khume swa silivhere. 10  Hiloko ndzi tsala papila ra mpfumelelano+ ndzi vehela xilemo+ kutani ndzi teka timbhoni+ loko ndzi ri karhi ndzi pima+ mali eswikalweni. 11  Endzhaku ka sweswo ndzi teka papila ra mpfumelelano wa ku xava, leri lemiweke hi ku ya hi nawu ni swileriso,+ ni leri tshikiweke ri pfulekile; 12  hiloko ndzi teka papila ra mpfumelelano wa ku xava ndzi ri nyika Baruku+ n’wana wa Neriya+ n’wana wa Mahaseya emahlweni ka mahlo ya Hanamele n’wana wa makwavo wa tatana ni le mahlweni ka mahlo ya timbhoni leti tsalaka papila ra mpfumelelano wa ku xava,+ ematihlweni ya Vayuda hinkwavo lava a va tshame eXivaveni xa Murindzi.+ 13  Kutani ndzi lerisa Baruku emahlweni ka mahlo ya vona, ndzi ku: 14  “Yehovha wa mavuthu, Xikwembu xa Israyele, u te, ‘Loko u teka mapapila lawa ya mpfumelelano, papila leri ra mpfumelelano wa ku xava, leri lemiweke, ni papila lerin’wana ra mpfumelelano leri tshikiweke ri pfulekile,+ u fanele u ma veka exibyeni xa vumba, leswaku ma ta tshama masiku yo tala.’ 15  Hikuva Yehovha wa mavuthu, Xikwembu xa Israyele, u te, ‘Tindlu ni masimu ni masimu ya vhinya swa ha ta xaviwa etikweni leri.’”+ 16  Kutani ndzi khongela+ Yehovha endzhaku ko nyika Baruku+ n’wana wa Neriya+ papila ra mpfumelelano wa ku xava, ndzi ku: 17  “Oho, Wena Yehovha,+ Hosi leyi Lawulaka! Waswivo, wena u endle matilo ni misava hi matimba ya wena lamakulu+ ni hi voko ra wena leri tshambulutiweke.+ Mhaka leyi hinkwayo a yi hlamarisi ngopfu eka wena,+ 18  Loyi a kombisaka musa wa rirhandzu eka magidi,+ a rihiselaka xihoxo xa vatatana exifuveni xa vana va vona lava nga ta ta endzhaku ka vona,+ Xikwembu xa ntiyiso, Lonkulu,+ Lowa matimba,+ vito ra yena+ i Yehovha wa mavuthu,+ 19  la nga ni xitsundzuxo+ lexikulu ni swiendlo swo tala,+ wena loyi mahlo ya wena ma pfulekelaka tindlela hinkwato ta vana va vanhu,+ leswaku u nyika un’wana ni un’wana hi ku ya hi tindlela ta yena ni hi ku ya hi mihandzu ya swiendlo swa yena;+ 20  wena la vekeke swikombiso ni masingita etikweni ra Egipta ku ta fika esikwini leri ni le Israyele ni le xikarhi ka vanhu,+ leswaku u tiendlela vito, ku fana ni le sikwini leri.+ 21  Kutani u humese vanhu va wena va Israyele etikweni ra Egipta,+ hi swikombiso ni hi masingita+ ni hi voko ra matimba ni hi voko leri tshambulutiweke ni hi ku chaviseka lokukulu.+ 22  “Hi ku famba ka nkarhi u va nyike tiko leri u ri hlambanyeleke ku ri nyika vatata wa vona,+ tiko leri khulukaka ntswamba ni vulombe.+ 23  Kutani va fikile, va dya ndzhaka ya rona,+ kambe a va ri yingisanga rito ra wena, naswona a va fambanga hi nawu wa wena.+ Swilo hinkwaswo leswi u va leriseke leswaku va swi endla a va swi endlanga,+ lerova u endle leswaku va weriwa hi khombo leri hinkwaro.+ 24  Waswivo! Vanhu va nghene emutini hi rirhangu ro anama+ leswaku va wu teka,+ kunene muti wu ta nyikiwa Vakalidiya lava va lwaka na wona,+ hikwalaho ka banga+ ni ndlala+ ni ntungu;+ naswona leswi u swi vuleke swi endlekile, wa swi vona.+ 25  Kambe wena u ndzi byerile, Wena Yehovha, Hosi leyi Lawulaka, ‘Tixavele nsimu hi mali+ kutani u teka timbhoni,’+ hambileswi muti wu nga ta nyikiwa Vakalidiya.”+ 26  Hiloko rito ra Yehovha ri fika eka Yeremiya, ri ku: 27  “Hi mina loyi, Yehovha, Xikwembu xa nyama hinkwayo.+ Xana eka mina yi kona mhaka leyi hlamarisaka ku tlurisa?+ 28  Hikokwalaho Yehovha u te, ‘Waswivo, ndzi nyiketa muti lowu eka Vakalidiya ni le ka Nebukadretsara hosi ya Babilona, u fanele a wu teka.+ 29  Kutani Vakalidiya lava va lwaka ni muti lowu va fanele va fika, va lumeka muti lowu hi ndzilo, va wu hisa+ swin’we ni tindlu leti nga ehenhla ka malwangu lawa va mbulukiseleke Bali gandzelo eka wona va tlhela va chulula magandzelo ya swakunwa eka swikwembu swin’wana hi xikongomelo xa ku ndzi dyohela.’+ 30  “‘Hikuva vana va Israyele ni vana va Yuda va tikombe va ri vaendli ntsena va leswo biha ematihlweni ya mina, ku sukela evuntshweni bya vona;+ hikuva vana va Israyele va ndzi hlundzukisa hi ntirho wa mavoko ya vona,’+ ku vula Yehovha. 31  ‘Hikuva muti lowu, ku sukela esikwini leri wu akiweke ha rona, ku fikela esikwini leri, wu ve nchumu lowu ndzi hlundzukisaka ni lowu wu ndzi karihisaka,+ leswaku ndzi wu susa emahlweni ka xikandza xa mina,+ 32  hikwalaho ka vubihi hinkwabyo bya vana va Israyele+ ni vana va Yuda+ lebyi va byi endleke leswaku va ndzi hlundzukisa,+ vona, tihosi ta vona,+ tihosana+ ta vona, vaprista+ va vona ni vaprofeta va vona,+ ni vanhu va Yuda ni vaaki va le Yerusalema. 33  Va hambete va ndzi komba nhlana ku nga ri xikandza;+ hambileswi a va dyondzisiwa, va pfuxiwa ka ha ri mpundzu swinene va dyondzisiwa, kambe a a nga ri kona ni un’we wa vona loyi a a yingisa, a amukela ndzayo.+ 34  Kutani va veke swilo swa vona swo nyenyetsa endlwini leyi vito ra mina ri vitaniweke eka yona, leswaku va yi nyamisa.+ 35  Ku tlula kwalaho, va ake tindhawu leti tlakukeke ta Bali+ leti nga enkoveni wa n’wana wa Hinomu,+ leswaku va hundzisa vana va vona va majaha ni va vanhwanyana endzilweni+ wa Moleke,+ nchumu lowu ndzi nga va lerisangiki wona,+ naswona a swi kalanga swi fika embilwini ya mina ku endla nchumu lowu wo nyenyetsa,+ hi xikongomelo xo endla leswaku Yuda a dyoha.’+ 36  “Hikokwalaho, Yehovha Xikwembu xa Israyele u vurile malunghana ni muti lowu n’wina mi vulaka leswaku kunene wu ta nyikiwa hosi ya Babilona hi banga ni hi ndlala ni hi ntungu,+ a ku, 37  ‘Waswivo, ndzi va hlengeleta swin’we ku suka ematikweni hinkwawo lawa ndzi nga ta va hangalasela eka wona hi ku hlundzuka ka mina ni hi vukarhi bya mina ni hi ku hlundzuka lokukulu;+ naswona ndzi ta va tlherisela endhawini leyi ndzi va tshamisa va sirhelelekile.+ 38  Kunene va ta va vanhu va mina,+ mina ndzi ta va Xikwembu xa vona.+ 39  Ndzi ta va nyika mbilu+ yin’we ni ndlela yin’we leswaku va ndzi chava nkarhi hinkwawo, byi va vunene eka vona ni le ka vana lava nga ta ta endzhaku ka vona.+ 40  Kutani ndzi ta endla ntwanano+ lowu tshamaka hilaha ku nga heriki swin’we na vona, leswaku ndzi nga va fularheli, leswaku ndzi va endlela leswinene;+ naswona ndzi ta endla leswaku va ndzi chava embilwini ya vona leswaku va nga hambuki eka mina.+ 41  Naswona ndzi ta khana hikwalaho ka vona leswaku ndzi va endlela leswinene,+ ndzi ta va byala etikweni leri+ hi ntiyiso, hi mbilu ya mina hinkwayo ni hi moya-xiviri wa mina hinkwawo.’” 42  “Hikuva Yehovha u te, ‘Tanihi leswi ndzi tiseleke vanhu lava hinkwavo khombo leri lerikulu, hikwalaho ndzi va tisela hinkwavo vunene hinkwabyo lebyi ndzi byi vulaka malunghana na vona.+ 43  Kunene ku ta xaviwa masimu etikweni leri+ n’wina mi nga ta vula ha rona, mi ku: “I rhumbi leri onhakeke+ leri nga riki na munhu ni xifuwo. Ri nyiketiwe evokweni ra Vakalidiya.”’+ 44  “‘Vanhu va ta xava masimu hi mali, naswona ku ta tsariwa papila ra mpfumelelano,+ ku lemiwa ni ku tekiwa ka timbhoni+ etikweni ra Benjamini+ ni le tindhawini leti rhendzeleke Yerusalema+ ni le mitini ya Yuda+ ni le mitini ya ndhawu ya tintshava ni le mitini ya tiko ra le hansi+ ni le mitini ya le dzongeni,+ hikuva ndzi ta vuyisa lava va nga makhumbi ya vona,’+ ku vula Yehovha.”

Tinhlamuselo ta le hansi