Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 30:1-24

30  Rito leri fikeke eka Yeremiya ri huma eka Yehovha, ri ku:  “Yehovha Xikwembu xa Israyele u te, ‘Titsalele marito hinkwawo lawa ndzi nga ta ku byela wona ebukwini.+  Hikuva, “waswivo, masiku ma ta,” ku vula Yehovha, “kutani ndzi ta hlengeleta vanhu va mina lava nga makhumbi, ku nga Israyele na Yuda,”+ Yehovha u vurile, “ndzi ta va tlherisela etikweni leri ndzi ri nyikeke vatata wa vona, kunene va ta tlhela va ri teka.”’”+  Hi lawa marito lawa Yehovha a ma byeleke Israyele na Yuda.  Yehovha u te: “Hi twe mpfumawulo wa ku rhurhumela,+ ni wa ku chava, ku rhula a ku kona.  Vutisani loko waxinuna a swi kota ku veleka. Ha yini ndzi vone munhu un’wana ni un’wana la tiyeke emirini a tikhome masenge hi mavoko kukota wansati la velekaka,+ naswona swikandza hinkwaswo swi kwalarile?+  Oho! Hikuva siku rero i rikulu,+ lerova a ri kona rin’wana ro fana na rona,+ naswona i nkarhi wa maxangu eka Yakobe.+ Kambe u ta ponisiwa eka rona.”  “Kutani esikwini rero,” ku vula Yehovha wa mavuthu, “ndzi ta tshova joko enhan’wini ya wena, ni switsimbo swa wena ndzi ta swi tsema hi le xikarhi,+ naswona vafambi a va nge he n’wi tshikileli kukota nandza.  Kunene va ta tirhela Yehovha Xikwembu xa vona na Davhida hosi ya vona,+ loyi ndzi nga ta va vekela yena.”+ 10  “Loko ku ri wena, u nga chavi, Wena nandza wa mina Yakobe,” ku vula Yehovha, “u nga chavi, Wena Israyele.+ Hikuva ndzi ku ponisa ku su-ka ekule ni vana va wena ku suka etikweni ra vukhumbi bya vona.+ Kunene Yakobe u ta tlhela, a nge kavanyetiwi, a tshamiseka, naswona a ku nge vi na munhu la vangaka ku chava.”+ 11  “Hikuva ndzi na wena,” ku vula Yehovha, “leswaku ndzi ku ponisa;+ kambe ndzi ta tisa ndzoviso exikarhi ka matiko hinkwawo lawa ndzi ku hangalaseleke eka wona.+ Hambiswiritano, wena a ndzi nge ku lovisi.+ Ndzi ta ku lulamisa hi mpimo lowu faneleke, hikuva a ndzi nge ku tshiki ndzi nga ku xupuli.”+ 12  Hikuva Yehovha u te: “Ku wa ka wena a ku tshunguleki.+ Mbanga ya wena yi tshama yi ri kona.+ 13  A ku na munhu loyi a yimelaka mhaka ya wena, ya xilondza xa wena.+ A ku na tindlela ta ku ku tshungula, ni ku ku bohelela.+ 14  Hinkwavo lava va ku rhandzaka swinene hi vona lava va ku rivaleke.+ A va lavisisi wena. Hikuva ndzi ku be hi nkhavi wa nala,+ hi ku tshinyiwa ka munhu wa tihanyi,+ hikwalaho ka xihoxo xa wena lexikulu;+ swidyoho swa wena swi tele.+ 15  Ha yini u rila hikwalaho ka ku wa ka wena?+ Xitlhavi xa wena a xi tshunguleki hikwalaho ka xihoxo xa wena lexikulu; swidyoho swa wena swi tele.+ Ndzi endle swilo leswi eka wena. 16  Hikokwalaho hinkwavo lava va ku lovisaka, va ta lovisiwa;+ kasi valala va wena hinkwavo, va ta ya evukhumbini hinkwavo ka vona.+ Kutani lava va ku phangelaka, kunene va ta phangeriwa, hinkwavo lava va ku hlaselaka ndzi ta va nyiketa eku hlaseriweni.”+ 17  “Hikuva ndzi ta ku hlakarherisa, naswona ndzi ta ku tshungula etimbangeni ta we-na,”+ ku vula Yehovha. “Hikuva va ku vitane wansati la hlongoriweke:+ ‘I Siyoni, loyi a nga laviwiki hi munhu.’”+ 18  Yehovha u te: “Waswivo, ndzi hlengeleta makhumbi ya mintsonga ya Yakobe,+ naswona titabernakela takwe ndzi ta ti twela vusiwana. Entiyisweni muti wu ta pfuxiwa ehenhla ka tshuka ra yena;+ xihondzo xo tshama eka xona xi ta va ehenhla ka ndhawu leyinene yo aka eka yona.+ 19  Kutani eka vona ku ta huma ku nkhensa, ni mpfumawulo wa lava hlekaka.+ Ndzi ta va andzisa, a va nge vi nhlayo leyitsongo;+ ndzi ta va endla va va nhlayo leyikulu, a va nge vi va le hansi.+ 20  Kutani vana va yena va ta fana ni le minkarhini yo sungula, naswona ntshungu wa yena wu ta yima wu tiya+ emahlweni ka mina. Ndzi ta hundzuluxela nyingiso wa mina eka vatshikileri va yena hinkwavo.+ 21  Kunene nkulukumba wa yena u ta huma exikarhi ka yena,+ naswona exikarhi ka yena ku ta huma mufumi wa yena;+ ndzi ta n’wi tshineta, a tshinela ekusuhi na mina.”+ “Hikuva i mani loyi, sweswi, a endleke xitiyisekiso hi mbilu yakwe leswaku a tshinela eka mina?”+ ku vula Yehovha. 22  “Kunene mi ta va vanhu va mina,+ kutani mina ndzi ta va Xikwembu xa n’wina.”+ 23  Waswivo! Xidzedze xa Yehovha, vukarhi, swi pfukile, i xidzedze lexi kukulaka xi ya emahlweni.+ Xi ta ndzuluka etinhlokweni ta lavo homboloka.+ 24  Ku hlundzuka lokukulu ka Yehovha a ku nge tlheli kukondza a endla ni ku hetisisa mianakanyo ya mbilu ya yena.+ Exiphen’wini xo hetelela xa masiku mi ta swi xiyisisa.+

Tinhlamuselo ta le hansi