Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 3:1-25

3  Ku ni marito lama nge: “Loko munhu o fambisa nsati wakwe, kunene yena a famba a n’wi siya a ya va nsati wa wanuna un’wana, xana u fanele a tlhelela eka yena?”+ Xana tiko rero a ri nyamisiwanga hakunene?+ “Wena u endle vunghwavava ni vanakuloni vo tala;+ xana u fanele u tlhelela eka mina?”+ ku vula Yehovha.  “Tlakusela mahlo ya wena etindleleni leti rhideriweke, u vona.+ Xana hi kwihi laha u nga pfinyiwangiki kona?+ U va tshamele etlhelo ka tindlela, kukota Muarabiya emananga;+ u tshamela ku nyamisa tiko hi vunghwavava bya wena ni vubihi bya wena.+  Hikwalaho timpfula ti siveriwile,+ hambi timpfula ta ximun’wana a ti nanga.+ Mombo wa wansati la endlaka vunghwavava wu ve wa wena. U arile ku titwa u tsongahatekile.+  Xana u ndzi huwelerile ku sukela sweswi, u ku, ‘Tatana,+ wena u munghana wa mina lonkulu wa vuntshwa bya mina!+  Xana munhu u fanele ku tshama a karihile hilaha ku nga riki na makumu, kumbe a tshama a langute xo karhi hi masiku?’+ Waswivo! U vulavurile, u endle swilo swo biha, u humelela.”+  Kutani emasikwini ya Yosiya lowa hosi,+ Yehovha u vule eka mina a ku: “Xana u swi vonile leswi endliweke hi Israyele la nga tshembekiki?+ U famba ehenhla ka ntshava+ yin’wana ni yin’wana yo tlakuka ni le hansi ka murhi wun’wana ni wun’wana lowukulu,+ leswaku a ya endla vunghwavava kwalaho.+  Endzhaku ka loko a endle swilo leswi hinkwaswo ndzi hambete ndzi vula leswaku a vuya eka mina,+ kambe a nga vuyanga; kasi Yuda u hambete a languta makwavo wa xisati la xengaka.+  Loko ndzi vona sweswo, hikwalaho ka leswi Israyele la nga tshembekiki a endleke vuoswi, ndzi n’wi fambisile+ ndzi n’wi nyika papila ra ku n’wi tshika hi ku helela,+ kambe makwavo wa xisati, Yuda la xengaka, a nga chavanga, kambe na yena u sungule ku famba a endla vunghwavava.+  Vunghwavava byakwe byi ve kona hikwalaho ka vuphunta byakwe, a hambeta a nyamisa tiko,+ a endla vuoswi ni maribye ni mirhi;+ 10  hambi eka leswi hinkwaswo, Yuda makwavo wa xisati la xengaka a nga vuyanga eka mina hi mbilu yakwe hinkwayo,+ kambe hi mavunwa ntsena,’+ ku vula Yehovha.” 11  Yehovha a ya emahlweni a ku eka mina: “Israyele la nga tshembekiki u kombise moya-xiviri wakwe wu ri wo lulama ku tlula Yuda la xengaka.+ 12  Famba u ya huwelela marito lawa en’walungwini+ u ku: “‘“Vuya, Wena Israyele wo xandzuka,” ku vula Yehovha.’+ ‘“A ndzi nge tshiki xikandza xa mina xi mi hlundzukela,+ hikuva ndza tshembeka,”+ ku vula Yehovha.’ ‘“A ndzi nge karihi hilaha ku nga riki na makumu.+ 13  Ntsena lemuka xihoxo xa wena,+ hikuva u tlule nawu wa Yehovha Xikwembu xa wena. U hambete u hangalasela tindlela ta wena eka vafambi+ ehansi ka murhi wun’wana ni wun’wana lowukulu,+ kambe n’wina a mi ri yingisanga rito ra mina,” ku vula Yehovha.’” 14  “Vuyani, N’wina vana vo xandzuka,”+ ku vula Yehovha. “Hikuva mina ndzi wanuna la nga n’wini wa n’wina;+ ndzi ta mi teka, un’we a huma emutini kasi vambirhi va huma endyangwini, kutani ndzi ta mi tisa eSiyoni.+ 15  Ndzi ta mi nyika varisi hi ku pfumelelana ni mbilu ya mina,+ kunene va ta mi wundla hi vutivi ni ku twisisa.+ 16  Kutani mi ta tala, kunene mi veka mihandzu etikweni emasikwini wolawo,” ku vula Yehovha.+ “A va nge he vuli va ku, ‘Areka ya ntwanano wa Yehovha,’+ naswona a swi nge ti embilwini, a va nge swi tsundzuki+ kumbe ku swi navela, a swi nge he tlheli swi endliwa. 17  Enkarhini wolowo va ta vitana Yerusalema va ku i xiluvelo xa Yehovha;+ kutani matiko hinkwawo ma ta hlengeletiwa eka wona+ evitweni ra Yehovha eYerusalema,+ a va nge he tlheli va landzela ku sihalala ka mbilu ya vona yo biha.”+ 18  “Emasikwini wolawo va ta famba, yindlu ya Yuda etlhelo ka yindlu ya Israyele,+ hinkwavo+ va ta huma etikweni ra n’walungu va ya etikweni leri ndzi va nyikeke rona ri va ndzhaka ya vatata wa n’wina.+ 19  Mina ndzi te, ‘Vona ndlela leyi ndzi ku vekeke ha yona exikarhi ka vana, ndzi ku nyika tiko leri navelekaka,+ ndzhaka ya swin’wetsin’wetsi swa mavuthu ya matiko!’ Ku tlula kwalaho ndzi te, ‘“Tatana!”+ N’wina mi ta huwelela eka mina, a mi nge tshiki ku ndzi landzela.’ 20  ‘Entiyisweni ku fana ni wansati loyi a siyeke nakulobye+ hi vuxengi, na n’wina, N’wina yindlu ya Israyele, mi ndzi xengile,’+ ku vula Yehovha.” 21  Etindleleni leti wupfeke ku twale mpfumawulo, ku rila, swikombelo swa vana va Israyele. Hikuva va hombolokise ndlela+ ya vona; va rivale Yehovha Xikwembu.+ 22  “Vuyani, n’wina vana vo xandzuka.+ Ndzi ta herisa ku xandzuka ka n’wina.”+ “Hi hina lava! Hi te eka wena, hikuva wena, Wena Yehovha, u Xikwembu xa hina.+ 23  Entiyisweni switsunga swin’we ni ku pfilunganyeka loku nga etintshaveni+ i ka mavunwa.+ Entiyisweni ku ponisiwa ka Israyele ku le ka Yehovha Xikwembu xa hina.+ 24  Kambe xilo lexi nyumisaka+ xi dye ku tikarhata ka vatatana ku sukela evuntshweni bya hina, mintlhambi ya vona ya tinyimpfu ni mintlhambi ya vona ya tihomu, vana va vona va majaha ni va vanhwanyana. 25  Hi etlela hi ri ni tingana, ku tsongahatiwa+ ka hina ku tshama ku hi funengetile;+ hikuva hi dyohele Yehovha Xikwembu xa hina,+ hina ni vatata wa hina ku sukela evuntshweni bya hina ku ta fikela namuntlha,+ a hi ri yingisanga rito ra Yehovha Xikwembu xa hina.”+

Tinhlamuselo ta le hansi