Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 28:1-17

28  Kutani elembeni rero, eku sunguleni ka mfumo wa Sedekiyasi+ hosi ya Yuda, elembeni ra vumune, hi n’hweti ya vuntlhanu, Hananiya+ n’wana wa Azuri, muprofeta loyi a a huma eGibiyoni,+ a ndzi byela endlwini ya Yehovha ematihlweni ya vaprista ni vanhu hinkwavo a ku:  “Yehovha wa mavuthu, Xikwembu xa Israyele, u te, ‘Ndzi ta tshova joko ra hosi ya Babilona.+  Ku nga si hela malembe mambirhi lama engetelekeke ndzi ta tlherisela endhawini leyi swibya hinkwaswo swa yindlu ya Yehovha leswi Nebukadnetsara hosi ya Babilona+ a swi tekeke endhawini leyi leswaku a swi yisa eBabilona.’”  “‘Yekoniya+ n’wana wa Yoyakimi,+ hosi ya Yuda, ni lava va nga makhumbi hinkwawo ya Yuda lama yeke eBabilona+ ndzi va tlherisela endhawini leyi,’ ku vula Yehovha, ‘hikuva ndzi ta tshova joko+ ra hosi ya Babilona.’”  Muprofeta Yeremiya a ya emahlweni a byela muprofeta Hananiya ematihlweni ya vaprista ni le matihlweni ya vanhu hinkwavo lava a va yime endlwini ya Yehovha;+  ina, muprofeta Yeremiya a ya emahlweni a ku: “Amen!+ Onge Yehovha a nga endlisa xisweswo! Onge Yehovha a nga simeka marito lawa u ma profeteke hi ku tlherisela swibya swa yindlu ya Yehovha ni vanhu hinkwavo lava nga evukhumbini va suka eBabilona va ta endhawini leyi!+  Hambiswiritano, ndzi kombela u yingisa rito leri ndzi ku byelaka rona wena ni vanhu hinkwavo.+  Malunghana ni vaprofeta lava a va ri kona emahlweni ka mina ni le mahlweni ka wena ku sukela khale swinene,+ na vona a va hamba va profeta malunghana ni matiko yo tala ni mimfumo leyikulu, hi nyimpi ni hi khombo ni hi ntungu.+  Malunghana ni muprofeta loyi a profetaka ku rhula,+ loko rito ra muprofeta ri hetiseka u ta tiviwa+ muprofeta loyi a rhumiweke hi Yehovha hi ntiyiso.” 10  Hiloko muprofeta Hananiya a susa joko enhan’wini ya muprofeta Yeremiya a ri tshova.+ 11  Kutani Hananiya+ a vulavula ematihlweni ya vanhu hinkwavo a ku: “Yehovha u te,+ ‘Ndzi ta ri tshova hi ndlela leyi joko ra Nebukadnetsara hosi ya Babilona ku nga si hela malembe mambirhi enhan’wini ya matiko.’”+ Hiloko muprofeta Yeremiya a khoma ndlela a famba.+ 12  Kutani ku fika rito ra Yehovha eka Yeremiya,+ endzhaku ka loko muprofeta Hananiya a tshove joko enhan’wini ya muprofeta Yeremiya, ri ku: 13  “Famba u ya byela Hananiya u ku, ‘Yehovha u te: “U tshove majoko+ ya mintsandza, ematshan’weni ya wona u ta endla majoko ya nsimbi.”+ 14  Hikuva Yehovha wa mavuthu, Xikwembu xa Israyele, u te: “Ndzi ta veka joko ra nsimbi enhan’wini ya matiko lawa hinkwawo, leswaku ma tirhela Nebukadnetsara hosi ya Babilona;+ ma fanele ma n’wi tirhela.+ Naswona ndzi ta n’wi nyika ni swivandzana swa nhova.”’”+ 15  Muprofeta Yeremiya a ya emahlweni a byela Hananiya+ lowa muprofeta a ku: “Ndzi kombela u yingisa, Wena Hananiya! Yehovha a nga ku rhumanga, kambe wena u endle leswaku vanhu lava va tshemba mavunwa.+ 16  Hikokwalaho Yehovha u te, ‘Waswivo! Ndza ku susa evuandlalweni bya misava. Wena u fanele u fa elembeni leri,+ hikuva u pfukele Yehovha hi ku kongoma.’”+ 17  Kutani muprofeta Hananiya a fa hi lembe rero, en’hwetini ya vunkombo.+

Tinhlamuselo ta le hansi