Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 27:1-22

27  Eku sunguleni ka mfumo wa Yoyakimi n’wana wa Yosiya,+ hosi ya Yuda, ku fike rito leri eka Yeremiya ri huma eka Yehovha, ri ku:  “Yehovha u ndzi byele a ku, ‘Tiendlele switsimbo ni majoko,+ u swi veka enhan’wini ya wena.+  Naswona u fanele u swi rhumela eka hosi ya Edomu+ ni le ka hosi ya Mowabu+ ni le ka hosi ya vana va Amone+ ni le ka hosi ya Tiri+ ni le ka hosi ya Sidoni+ hi voko ra varhumiwa lava taka eYerusalema eka Sedekiyasi hosi ya Yuda.  Kutani u fanele u va nyika xileriso xi ya eka vini va vona, u ku: “‘“Yehovha wa mavuthu, Xikwembu xa Israyele,+ u vurile; mi ta byela vini va n’wina mi ku,  ‘Mina ndzi endle misava,+ vanhu+ ni swivandzana+ leswi nga ehenhla ka vuandlalo bya misava hi matimba ya mina lamakulu+ ni hi voko ra mina leri tshambulutekeke;+ naswona ndzi swi nyike loyi ndzi voneke a lulamile ematihlweni ya mina.+  Kutani sweswi matiko lawa hinkwawo ndzi ma nyikele evokweni ra Nebukadnetsara hosi ya Babilona,+ nandza wa mina;+ naswona ndzi n’wi nyike ni swivandzana swa nhova leswaku swi n’wi tirhela.+  Kutani matiko hinkwawo ma ta tirhela yena,+ n’wana wakwe ni ntukulu wakwe kukondza ku fika nkarhi wa tiko ra yena,+ kutani matiko yo tala ni tihosi letikulu ti ta n’wi tshikilela kukota nandza.’+  “‘“‘Kutani tiko ni mfumo lowu nga ta ka wu nga n’wi tirheli, Nebukadnetsara hosi ya Babilona; ni leri ri nga ta ka ri nga yi nghenisi nhamu ejokweni ra hosi ya Babilona, ndzi hundzuluxela nyingiso eka tiko rero hi banga+ ni hi ndlala+ ni hi ntungu,’+ ku vula Yehovha, ‘kukondza ndzi va heta hi voko ra yena.’+  “‘“‘Loko ku ri n’wina, mi nga yingisi vaprofeta+ va n’wina ni vangoma va n’wina ni valorhi+ va n’wina ni lava endlaka masalamusi ni valoyi,+ lava va mi byelaka va ku: “N’wina a mi nge yi tirheli hosi ya Babilona.”+ 10  Hikuva va mi profetela mavunwa, leswaku va mi susa laha mi nga kona mi ya ekule; kutani ndzi ta mi hangalasa, mi ta lova.+ 11  “‘“‘Loko ku ri tiko leri nga ta nghenisa nhamu ya rona ejokweni ra hosi ya Babilona kutani ri yi tirhela, ndzi ta tlhela ndzi ri wisisa emisaveni ya rona,’ ku vula Yehovha, ‘kunene ri ta yi rima, ri tshama eka yona.’”’”+ 12  Hambi ku ri Sedekiyasi+ hosi ya Yuda ndzi n’wi byele hi ku ya hi marito lawa hinkwawo,+ ndzi ku: “Nghenisani tinhamu ta n’wina ejokweni ra hosi ya Babilona, mi yi tirhela swin’we ni vanhu va yona kutani mi hambeta mi hanya.+ 13  Ha yini wena ni vanhu va wena mi fanele mi dlayiwa hi banga,+ hi ndlala+ ni hi ntungu+ hi ku ya hi leswi Yehovha a swi byeleke tiko leri ri nga yi tirheliki hosi ya Babilona? 14  Naswona mi nga ma yingisi marito ya vaprofeta lava va mi byelaka va ku, ‘A mi nge yi tirheli hosi ya Babilona,’+ hikuva va mi profetela mavunwa.+ 15  “‘Hikuva a va rhumiwanga hi mina,’ ku vula Yehovha, ‘kambe va profeta mavunwa hi vito ra mina, hikwalaho ndzi ta mi hangalasa,+ kutani mi ta lova,+ n’wina ni vaprofeta lava va mi profetelaka.’”+ 16  Ndzi byele vaprista ni vanhu lava hinkwavo, ndzi ku: “Yehovha u te, ‘Mi nga ma yingisi marito ya vaprofeta va n’wina lava va mi profetelaka, va ku: “Maswivo! Swibya swa yindlu ya Yehovha swa tlherisiwa swi suka eBabilona hi ku hatlisa!”+ Hikuva va mi profetela mavunwa.+ 17  Mi nga va yingisi. Tirhelani hosi ya Babilona kutani mi hambeta mi hanya.+ Ha yini muti lowu wu fanele wu va ndhawu leyi onhakeke?+ 18  Kambe loko va ri vaprofeta niloko rito ra Yehovha ri ri kona eka vona, va komberiwa ku khongela Yehovha wa mavuthu,+ leswaku swibya leswi seleke endlwini ya Yehovha ni le ndlwini ya hosi ya Yuda ni le Yerusalema swi nga ti eBabilona.’ 19  “Hikuva Yehovha wa mavuthu u vulavurile malunghana ni tiphuphu+ ni lwandle+ ni makalichi+ ni swibya leswin’wana leswi seleke emutini lowu,+ 20  leswi Nebukadnetsara hosi ya Babilona a nga swi tekangiki loko a teka Yekoniya+ n’wana wa Yoyakimi, hosi ya Yuda, a n’wi yisa evukhumbini ku suka eYerusalema a ya eBabilona, swin’we ni hinkwavo vanhu va xiyimo xa le henhla va Yuda na Yerusalema;+ 21  hikuva Yehovha wa mavuthu, Xikwembu xa Israyele, malunghana ni swibya leswi seleke endlwini ya Yehovha ni yindlu ya hosi ya Yuda na Yerusalema,+ u te, 22  ‘“Va ta tisiwa eBabilona+ naswona va ta tshama kona ku fikela esikwini leri ndzi nga ta hundzuluxela nyingiso wa mina eka vona,”+ ku vula Yehovha. “Ndzi ta va humesa kutani ndzi va tlherisela endhawini leyi.”’”+

Tinhlamuselo ta le hansi