Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 26:1-24

26  Eku sunguleni ka ku fuma ka Yoyakimi+ n’wana wa Yosiya, hosi ya Yuda, ku fike rito leri ri huma eka Yehovha, ri ku:  “Yehovha u te, ‘Yima exivaveni xa yindlu ya Yehovha,+ kutani malunghana ni miti hinkwayo ya Yuda leyi taka ku ta nkhinsama endlwini ya Yehovha u fanele u vulavula marito hinkwawo lawa ndzi nga ta ku lerisa ku ma vulavula eka yona.+ U nga susi rito ni rin’we.+  Kumbexana va ta yingisa kutani va tlhela, un’wana ni un’wana endleleni yakwe yo biha,+ kutani ndzi ta tisola hi khombo leri ndzi ehleketaka ku va tisela rona, hikwalaho ka vubihi bya swiendlo swa vona.+  Kutani u ta va byela u ku: “Yehovha u te, ‘Loko mi nga ndzi yingisi, mi nga fambi enawini+ wa mina lowu ndzi wu vekeke emahlweni ka n’wina,+  hi ku yingisa marito ya malandza ya mina lama nga vaprofeta, lawa ndzi ma rhumaka eka n’wina, ndzi pfuka ka ha ri mpundzu swinene ndzi ma rhuma, lawa mi nga ma yingisangiki,+  hikwalaho, ndzi ta endla yindlu leyi yi fana ni ya le Xilo,+ kutani muti lowu ndzi wu endla wu va ndzhukano eka matiko hinkwawo ya misava.’”’”+  Kutani vaprista ni vaprofeta ni vanhu hinkwavo va sungula ku twa Yeremiya a vulavula marito lawa endlwini ya Yehovha.+  Kuteloko Yeremiya a heta ku vulavula hinkwaswo leswi Yehovha a n’wi leriseke leswaku a swi byela vanhu hinkwavo, vaprista ni vaprofeta ni vanhu hinkwavo va n’wi khoma, va ku: “Entiyisweni u ta fa.+  Ha yini u profete hi vito ra Yehovha, u ku, ‘Yindlu leyi yi ta fana ni ya le Xilo,+ naswona muti lowu wu ta onhiwa wu nga ha vi na vaaki’?” Hiloko vanhu hinkwavo va hambeta va hlengeletana eka Yeremiya endlwini ya Yehovha. 10  Hi ku famba ka nkarhi tihosana ta Yuda ti twa marito lawa, kutani ti huma endlwini ya hosi ti ya endlwini ya Yehovha+ hiloko ti tshama evunghenweni bya nyangwa leyintshwa ya Yehovha.+ 11  Kutani vaprista ni vaprofeta va byela tihosana ni vanhu hinkwavo va ku: “Munhu loyi u faneriwa hi ku avanyiseriwa rifu,+ hikuva u profete malunghana ni muti lowu hilaha mi swi tweke hakona hi tindleve ta n’wina.”+ 12  Hiloko Yeremiya a byela tihosana hinkwato ni vanhu hinkwavo a ku: “Ndzi rhumiwe hi Yehovha leswaku ndzi profeta marito hinkwawo lawa mi ma tweke,+ malunghana ni yindlu leyi ni muti lowu. 13  Sweswi endlani tindlela ta n’wina ni swiendlo swa n’wina swi va swinene,+ yingisani rito ra Yehovha Xikwembu xa n’wina, kutani Yehovha u ta tisola hikwalaho ka khombo leri a ri vuleke eka n’wina.+ 14  Loko ku ri mina, maswivo, ndzi le vokweni ra n’wina.+ Ndzi endleni hi ku ya hi leswinene ni hi ku ya hi leswi lulameke ematihlweni ya n’wina.+ 15  Ntsena mi fanele mi tiva swinene leswaku, loko mi ndzi dlaya, mi veka ngati leyi nga riki na nandzu ehenhla ka n’wina ni le henhla ka muti lowu ni le henhla ka vaaki va wona,+ entiyisweni Yehovha u ndzi rhumele eka n’wina leswaku ndzi vula marito lawa hinkwawo etindleveni ta n’wina.”+ 16  Hiloko tihosana+ ni vanhu hinkwavo va byela vaprista ni vaprofeta va ku: “Munhu loyi a nga faneriwanga hi ku avanyiseriwa rifu,+ hikuva u vulavule na hina hi vito ra Yehovha Xikwembu xa hina.”+ 17  Ku tlula kwalaho, vakulukumba van’wana va tiko va suka va yima kutani va byela nhlengeletano hinkwayo ya vanhu va ku:+ 18  “Mikiya+ wa le Morexeti+ a a ri karhi a profeta emasikwini ya Hezekiya hosi ya Yuda+ kutani a byela vanhu hinkwavo va Yuda a ku, ‘Yehovha wa mavuthu u te: “Siyoni u ta rimiwa kukota nsimu,+ kasi Yerusalema yena u ta va tinhulu ta marhumbi,+ kutani ntshava ya Yindlu yi ta va ya tindhawu leti tlakukeke ta khwati.”’+ 19  Xana Hezekiya hosi ya Yuda ni hinkwavo va le Yuda va n’wi dlayile? Xana a nga n’wi chavanga Yehovha kutani a kombela Yehovha hi matimba,+ lerova Yehovha a tisola hikwalaho ka khombo leri a ri vuleke eka vona?+ Hikwalaho hi tilulamisela khombo lerikulu eka mimoya-xiviri ya hina.+ 20  “Kutani a ku ri ni munhu un’wana loyi a a profeta hi vito ra Yehovha, Yuriya n’wana wa Xemaya wa le Kiriyati-yeyarimi.+ Hiloko a profeta ku lwisana ni muti lowu ni ku lwisana ni tiko leri hi ku ya hi marito hinkwawo ya Yeremiya. 21  Kutani Hosi Yoyakimi+ ni vavanuna vakwe va matimba ni tihosana va twa marito yakwe, hiloko hosi yi lava ku n’wi dlaya.+ Loko Yuriya a swi twa, a khomiwa hi ku chava+ kutani a baleka a ya aEgipta. 22  Kambe Hosi Yoyakimi a rhuma vavanuna aEgipta, Elinathani n’wana wa Akibora+ ni vavanuna lavan’wana va ya aEgipta. 23  Hiloko va humesa Yuriya aEgipta va n’wi yisa eka Hosi Yoyakimi, loyi a nga fika a n’wi dlaya hi banga+ kutani a hoxa ntsumbu wakwe esirheni ra vana va vanhu.” 24  Ku tlula kwalaho, voko ra Ahikama+ n’wana wa Xafani+ ri va na Yeremiya, leswaku a nga nyiketiwi evokweni ra vanhu leswaku va n’wi dlaya.+

Tinhlamuselo ta le hansi