Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 23:1-40

23  “Khombo eka varisi lava lovisaka ni ku hangalasa tinyimpfu ta madyelo ya mina,”+ ku vula Yehovha.  Hikokwalaho ku lwisana ni varisi lava risaka vanhu va mina, Yehovha Xikwembu xa Israyele u te: “N’wina mi hangalase tinyimpfu ta mina; mi tshamela ku ti hlongola, naswona a mi ti nyikanga nyingiso.”+ “Maswivo, ndzi hundzuluxela nyingiso eka n’wina hikwalaho ka vubihi bya swiendlo swa n’wina,”+ ku vula Yehovha.  “Mina ndzi ta hlengeleta masalela ya tinyimpfu ta mi-na ematikweni hinkwawo lawa ndzi ti hangalaseleke eka wona,+ ndzi ta ti tlherisela emadyelweni ya tona,+ kunene ti ta tswalana ti andza.+  Kutani ndzi ta veka varisi lava va nga ta ti risa;+ a ti nge he chavi, hambi ku ri ku chavisiwa hi xo karhi,+ ni yin’we a yi nge lahleki,” ku vula Yehovha.  “Waswivo! Masiku ma ta,” ku vula Yehovha, “kutani ndzi ta humesela Davhida hluke ro lulama.+ Kunene hosi yi ta fuma+ kutani yi endla hi vutlhari ni ku tirhisa vululami ni ku tshembeka etikweni.+  Emasikwini ya yena Yuda u ta ponisiwa,+ kutani Israyele u ta tshama a sirhelelekile.+ Kutani vito ra yena leri a nga ta vitaniwa ha rona hi leri, Yehovha I Ku Lulama Ka Hina.”+  “Hikokwalaho, waswivo, masiku ma ta,” ku vula Yehovha, “a va nge he vuli va ku, ‘Yehovha wa hanya loyi a humeseke vana va Israyele etikweni ra Egipta,’+  kambe va ta ku, ‘Yehovha wa hanya loyi a humeseke, a tlhela a tisa vana va yindlu ya Israyele va huma etikweni ra le n’walungwini ni le matikweni hinkwawo lawa ndzi va hangalaseleke eka wona,’ kunene va ta tshama emisaveni ya vona.”+  Malunghana ni vaprofeta, mbilu ya mina yi tshovekile endzeni ka mina. Marhambu ya mina hinkwawo ma sungule ku tsekatseka. Ndzi kotisa munhu la dakweke,+ naswona ndzi kotisa munhu la tiyeke emirini loyi a hluriweke hi vhinyo, hikwalaho ka Yehovha ni hikwalaho ka marito yakwe yo kwetsima. 10  Hikuva tiko ri tele+ vaoswi.+ Hikuva tiko ra rila+ hikwalaho ka ndzhukano, madyelo ya le mananga ma omile;+ naswona maendlelo ya vona ma bihile, ni matimba ya vona a ma lulamanga. 11  “Hikuva muprofeta ni muprista va nyamisiwile.+ Naswona endlwini ya mina ndzi kume vubihi bya vona,”+ ku vula Yehovha. 12  “Hikokwalaho ndlela ya vona yi ta fana ni tindhawu+ leti rhetaka laha ku dzwihaleke, laha va nga ta susumeteriwa kona, va wa.”+ “Hikuva ndzi ta va tisela khombo, lembe ra ku nyikiwa ka vona nyingiso,”+ ku vula Yehovha. 13  “Eka vaprofeta va Samariya+ ndzi vone xiendlo lexi nga fanelangiki. Va endle kukota vaprofeta lava hlohloteriwaka hi Bali,+ naswona va tshamela ku tsendzelekisa vanhu va mina,+ ku nga Israyele. 14  Kutani eka vaprofeta va Yerusalema ndzi vone swilo leswi chavisaka,+ ku oswa+ ni ku famba hi mavunwa;+ naswona va tiyise mavoko ya vaendli va leswo biha leswaku un’wana ni un’wana wa vona a nga tlheli+ evubihini bya yena. Eka mina hinkwavo va fana na Sodoma,+ ni vaaki va yena va fana na Gomora.”+ 15  Hikokwalaho Yehovha wa mavuthu u vulavule ku lwa ni vaprofeta a ku: “Waswivo, ndzi va dyisa xibaha, naswona ndzi ta va nwisa mati lama nga ni vuxungu.+ Hikuva eka vaprofeta va Yerusalema ku hume vugwinehi+ byi ya etikweni hinkwaro.” 16  Yehovha wa mavuthu u te: “Mi nga ma yingisi marito ya vaprofeta lava va mi profetelaka wona.+ Va mi endla mi va va hava.+ Va vulavula xivono xa mbilu ya vona+—ku nga ri lexi humaka enon’wini wa Yehovha.+ 17  Hi ku phindha-phindha va byela lava va nga riki na xichavo eka mina va ku, ‘Yehovha u te: “N’wina mi ta va ni ku rhula.”’+ Kutani va byele un’wana ni un’wana loyi a fambaka hi ku sihalala ka mbilu+ yakwe va ku, ‘Ku hava khombo leri nga ta mi wela.’+ 18  Hikuva i mani loyi a yimeke entlaweni+ lowukulu wa Yehovha leswaku a vona ni ku twa rito ra yena?+ I mani loyi a nyikeleke nyingiso eritweni rakwe leswaku a ri twa?+ 19  Waswivo! Xidzedze xa Yehovha, vukarhi, kunene byi ta huma, ni xidzedze lexi ndzulukaka.+ Xi ta ndzuluka ehenhla ka nhloko ya lavo homboloka.+ 20  Ku hlundzuka ka Yehovha a ku nge tlheli kukondza a ku hetisisa,+ kukondza a hetisisa mianakanyo ya mbilu ya yena.+ Exiphen’wini xo hetelela xa masiku n’wina mi ta swi xiyisisa hi ku twisisa.+ 21  “Vaprofeta a ndzi va rhumanga, kambe vona va tsutsumile. A ndzi vulavulanga na vona, kambe vona va profetile.+ 22  Kambe loko a va yime entlaweni wa vanghana+ va mina, a va ta va va endle leswaku vanhu va mina va twa marito ya mina, naswona a va ta va va endle leswaku va tlhela endleleni ya vona yo biha ni le vubihini bya swiendlo swa vona.”+ 23  “Xana ndzi Xikwembu lexi nga ekusuhi,” ku vula Yehovha, “ku nga ri Xikwembu lexi nga ekule?”+ 24  “Kumbe, xana u kona munhu loyi a nga tumbetiwaka etindhawini ta vutumbelo kutani mina ndzi nga n’wi voni?”+ ku vula Yehovha. “Xana mina a ndzi ma tati matilo ni misava?”+ ku vula Yehovha. 25  “Ndzi swi twile leswi vuriweke hi vaprofeta lava profetaka mavunwa hi vito ra mina,+ va ku, ‘Ndzi lorhile! Ndzi lorhile!’+ 26  Xana swi ta tshama ku fikela rini embilwini ya vaprofeta lava profetaka mavunwa ni lava va nga vaprofeta va vukanganyisi bya mbilu ya vona?+ 27  Va ehleketa ku rivarisa vanhu va mina vito ranga hi milorho ya vona leyi va tshamelaka ku rungulelana yona,+ hilaha vatata wa vona va ri rivaleke hakona vito ra mina hi mhaka ya Bali.+ 28  Muprofeta loyi a nga ni norho, a a rungule norho; kambe loyi a nga ni rito ra mina, a a vulavule rito ra mina hi ntiyiso.”+ “Xana byanyi byi hlangana njhani ni mavele?”+ ku vula Yehovha. 29  “Xana rito ra mina a ri fani ni ndzilo,”+ ku vula Yehovha, “ni ku fana ni hamula ya ku fula leyi fayaka ribye?”+ 30  “Hikokwalaho ndzi sola vaprofeta,”+ ku vula Yehovha, “lava va yivaka marito ya mina, un’wana ni un’wana eka nakulobye.”+ 31  “Waswivo, ndzi sola vaprofeta,” ku vula Yehovha, “lava va tirhisaka ririmi ra vona leswaku va vula, ‘Rito!’”+ 32  “Waswivo, ndzi sola vaprofeta va milorho ya mavunwa,” ku vula Yehovha, “lava va yi rungulaka va tlhela va tsendzelekisa vanhu va mina hikwalaho ka mavunwa+ ya vona ni hikwalaho ka ku tibuma ka vona.”+ “Kambe mina a ndzi va rhumanga kumbe ku va lerisa. Hikwalaho a va nge va pfuni nikatsongo vanhu lava,”+ ku vula Yehovha. 33  “Kutani loko vanhu lava kumbe muprofeta kumbe muprista, va ku vutisa, va ku, ‘Mpingu wa Yehovha i yini?’+ wena u ta va byela u ku, ‘“Hi n’wina—Oho mpingu wonghasi!+ Kunene ndzi ta mi tshika,”+ ku vula Yehovha.’ 34  Loko ku ri muprofeta kumbe muprista kumbe vanhu lava nge, ‘Mpingu wa Yehovha,’ ndzi ta hundzuluxela nyingiso eka munhu yoloye ni le ka ndyangu wakwe.+ 35  Un’wana ni un’wana u tshamela ku byela nakulobye ni un’wana ni un’wana a byela makwavo a ku, ‘Xana Yehovha u hlamule a ku yini? Xana Yehovha u vule yini?’+ 36  Kambe mi nga ha tlheli+ mi vulavula hi mpingu+ wa Yehovha, hikuva eka un’wana ni un’wana mpingu wu hundzuka rito rakwe,+ naswona mi hundzule marito ya Xikwembu lexi hanyaka,+ Yehovha wa mavuthu, Xikwembu xa hina. 37  “U ta byela muprofeta u ku, ‘Xana Yehovha u ku hlamule a ku yini? Naswona Yehovha u vule yini?+ 38  Naswona loko mi tshamela ku vula mi ku “Mpingu wa Yehovha,” hikokwalaho Yehovha u te: “Hikwalaho ka leswi mi nge, ‘Rito leri i mpingu wa Yehovha,’ kasi a ndzi tshamela ku rhumela rito eka n’wina ndzi ku, ‘Mi nga tshuki mi ku: “Mpingu wa Yehovha,”’ 39  hikokwalaho hi mina loyi! Kutani ndzi ta mi honisa, hi ku helela,+ naswona ndzi ta mi tshika ni muti lowu ndzi mi nyikeke wona ni vatata wa n’wina—emahlweni ka mina.+ 40  Kutani ndzi ta veka ndzhukano ehenhla ka n’wina hilaha ku nga riki na makumu ni ku tsongahatiwa hilaha ku nga riki na makumu, leswi nga ta ka swi nga rivariwi.”’”+

Tinhlamuselo ta le hansi