Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 20:1-18

20  Kutani Paxahuru n’wana wa Imere,+ lowa muprista, loyi hi tlhelo a a ri mulerisi la rhangelaka endlwini ya Yehovha,+ a hambeta a yingisa Yeremiya loko a profeta marito lawa.  Hiloko Paxahuru a ba Yeremiya lowa muprofeta+ a n’wi nghenisa etingoleni+ leti a ti ri eNyangweni ya le Henhla ya Benjamini, leyi a yi ri endlwini ya Yehovha.  Kambe hi siku leri tlhandlamaka Paxahuru a humesa Yeremiya etingoleni,+ hiloko Yeremiya a n’wi byela a ku: “Yehovha a nga ku thyanga vito+ ra Paxahuru, kambe ku Chava matlhelo hinkwawo.+  Hikuva Yehovha u te, ‘Waswivo, ndzi ku endla u va ku chava eka wena n’wini ni le ka hinkwavo lava ku rhandzaka, kunene va ta wa hi banga ra valala+ va vona mahlo ya wena ma ri karhi ma langutile;+ kutani tiko hinkwaro ra Yuda ndzi ta ri nyikela evokweni ra hosi ya Babilona, kutani yi ta va yisa evukhumbini eBabilona yi va dlaya hi banga.+  Kutani ndzi ta nyikela swilo hinkwaswo leswi hlayisiweke swa muti lowu ni hinkwaswo leswi wu swi humesaka ni swilo swa wona hinkwaswo swa risima; ni xuma hinkwaxo xa tihosi ta Yuda ndzi ta xi nyikela evokweni ra valala va xona.+ Kunene va ta xi phanga, va xi teka, va xi tisa eBabilona.+  Oho Paxahuru, loko ku ri wena ni vaaki hinkwavo va yindlu ya wena, mi ta ya evukhumbini;+ u ta ya eBabilona kutani u ta fela kona, u lahliwa kona ni hinkwavo lava va ku rhandzaka,+ hikuva u va profetele mavunwa.’”+  Oho Yehovha, u ndzi yengile, lerova ndzi yengeka. U tirhise ntamu wa wena ehenhla ka mina, u ndzi hlula.+ Ndzi hundzuke xihlekiso siku hinkwaro; un’wana ni un’wana wa ndzi hlekula.+  Hikuva hakanyingi loko ndzi vulavula, ndza huwelela. Ndzi huwelela madzolonga ni ku phanga.+ Hikuva rito ra Yehovha ri ndzi vangele ku rhukaniwa ni ku sandziwa siku hinkwaro.+  Hiloko ndzi ku: “A ndzi nge vulavuli ha yena, naswona a ndzi nge he tlheli ndzi vulavula hi vito ra yena.”+ Embilwini ya mina swi fane ni ndzilo lowu hisaka lowu pfaleriweke emarhambyini ya mina; ndzi kale ndzi karhala ku kanya mbilu, a ndzi swi kotanga ku wu tiyiselela.+ 10  Hikuva ndzi twe xiviko xo biha xa vo tala.+ A ku ri ni ku chava matlhelo hinkwawo. “Twarisani, leswaku hi ta n’wi twarisa.”+ Munhu un’wana ni un’wana wa nyama la ndzi losaka a ku “Ku Rhula,”—va rindzele ku khwita ka mina:+ “Kumbexana u ta yengeka,+ leswaku hi ta n’wi hlula hi tirihisela eka yena.” 11  Kambe Yehovha a a ri na mina+ kukota loyi a nga ni matimba lamakulu.+ Hi yona mhaka leyi lava va ndzi xanisaka va nga ta khunguvanyeka, va nga ndzi hluli.+ Kunene va ta khomisiwa tingana swinene, hikuva va ta va va nga humelelanga. Ku tsongahatiwa ka vona loku tshamaka hilaha ku nga heriki a ku nge rivariwi.+ 12  Kambe wena, Yehovha wa mavuthu, u kambela la lulameke;+ u vona tinso ni mbilu.+ Onge ndzi nga vona ku rihisela ka wena ehenhla ka vona,+ hikuva mhaka ya mina leyi khumbaka nawu ndzi yi hlavutele wena.+ 13  Yimbelelelani Yehovha! Dzunisani Yehovha! Hikuva u kutsule moya-xiviri wa xisiwana evokweni ra lava va endlaka leswo biha.+ 14  A ku rhukaniwe siku leri ndzi velekiweke ha rona! Onge siku leri manana a ndzi velekeke ha rona ri nga ka ri nga katekisiwi!+ 15  A a rhukaniwe munhu loyi a tiseke mahungu lamanene eka tatana, a ku: “U velekeriwe n’wana waxinuna!” Kunene u n’wi tsakisile.+ 16  Munhu yoloye u fanele a kotisa miti leyi Yehovha a yi wiseke kambe A nga tisoli.+ Naswona u fanele a twa xirilo nimixo, ni mukhosi ninhlikanhi.+ 17  Ha yini a nga ndzi dlayanga hi ku helela ndza ha ri embelekweni, leswaku manana a va xilahlo xa mina ni mbeleko wakwe wu va ni khwiri hilaha ku nga riki na makumu?+ 18  Ha yini ndzi hume embelekweni+ ku ta vona ntirho wa ku tikarhata hi matimba ni gome+ nileswaku masiku ya mina ma hela hi tingana letikulu?+

Tinhlamuselo ta le hansi