Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 2:1-37

2  ‘Kutani rito ra Yehovha ri fika eka mina,+ ri ku:  “Famba, u fanele u huwelela etindleveni ta Yerusalema, u ku, ‘Yehovha u te:+ “Ndzi wu tsundzuka kahle, musa wa rirhandzu wa vuntshwa bya wena,+ rirhandzu enkarhini lowu a wu tshembisiwe ku tekiwa,+ ku ndzi sala ka wena endzhaku emananga, etikweni leri nga byariwangiki mbewu.+  Tiko ra Israyele a ri na nchumu wo kwetsima eka Yehovha,+ swirhangana swa Yena.”’+ ‘Hinkwavo vanhu lava n’wi lovisaka va ta va ni nandzu.+ Va ta weriwa hi khombo,’ ku vule Yehovha.”+  Twana rito ra Yehovha, Wena yindlu ya Yakobe,+ na n’wina hinkwenu mindyangu ya yindlu ya Israyele.+  Yehovha u te: “Xana vatata wa n’wina va kume yini lexi hombolokeke eka mina,+ leswi va yeke ekule na mina,+ va hambete va landzela xifaniso xa hava lexi nga pfuniki nchumu+ naswona vona va va va hava?+  A va vulanga va ku, ‘Yehovha u kwihi, Loyi a hi humesaka etikweni ra Egipta,+ Loyi a hi fambisaka emananga, etikweni ra rivala ra le kwandzasini+ ni mugodi, etikweni leri nga riki na mati+ ni leri nga ni ndzhuti lowukulu,+ etikweni leri ku nga riki na munhu la tshameke a tsemakanya eka rona ni laha ku nga riki na munhu wa la misaveni loyi a a tshama eka rona?’  “Hakatsongo-tsongo ndzi mi tise etikweni ra ntanga wa mihandzu, leswaku mi dya mihandzu ya rona ni swilo leswinene swa rona.+ Kambe n’wina mi fike mi nyamisa tiko ra mina; ndzhaka ya mina mi yi endle yi va xilo lexi nyenyetsaka.+  Vaprista a va vulanga va ku, ‘Yehovha u kwihi?’+ Ni lava tamelaka nawu a va ndzi tivanga;+ kasi varisi va tlule nawu wa mina,+ hambi vaprofeta va profete hi Bali,+ naswona va landzelele lava a va nga ta va pfuna ha nchumu.+  “‘Hikokwalaho ndzi ta tlhela ndzi kanetana na n’wina,’+ ku vula Yehovha, ‘naswona ndzi ta kanetana ni vana va vana va n’wina.’+ 10  “‘Kambe hundzelani etimbuweni ta Kitimi+ mi vona. Ina, rhumelani eKedari+ kutani mi ehleketa khwatsi, mi vona loko swo fana ni leswi swi endlekile.+ 11  Xana tiko ri cince swikwembu,+ ri teka leswi nga riki swikwembu?+ Kambe vanhu va mina va cince ku vangama ka mina va teka leswi nga pfuniki nchumu.+ 12  Langutani leswi hi ku hlamala, N’wina matilo; misisi ya n’wina yi yima hi ku chava lokukulu,’ ku vula Yehovha,+ 13  ‘hikuva ku ni swilo swimbirhi swo biha leswi vanhu va mina va swi endleke: Va ndzi siyile,+ mina xihlovo xa mati lama hanyaka,+ leswaku va ya ticelela swihlovo, swihlovo leswi boxekeke, leswi nga kotiki ku hlayisa mati.’ 14  “‘Xana Israyele i nandza,+ kumbe i hlonga leri tswariweke endyangwini? Ha yini a hundzuke la phangiweke? 15  Swinghalana swa ntshiva swa n’wi vombela;+ swi humese rito+ ra swona. Swi endla tiko ra yena ri va xihlamariso. Miti ya yena yi hisiwile, lerova ku hava muaki.+ 16  Hambi vana va Nofu+ na Tahapenese+ va hambete va dyela eka wena ethavathaveni.+ 17  Xana leswi a hi swona leswi u tiendleke swona hi ku tshika Yehovha Xikwembu+ xa wena hi nkarhi lowu a ku fambiseke ha wona endleleni?+ 18  Xana sweswi u fanele u tikarhatela yini hi ndlela ya Egipta+ leswaku u nwa mati ya Xihoro?+ Naswona u fanele u tikarhatela yini hi ndlela ya Asiriya+ leswaku u nwa mati ya Nambu? 19  Vubihi bya wena byi fanele byi ku lulamisa,+ ni swiendlo swa wena swa ku pfumala vutshembeki swi fanele swi ku tshinya.+ Kutani, swi tive leswaku ku tshika ka wena Yehovha Xikwembu xa wena i nchumu wo biha, lowu bavaka,+ naswona a wu ndzi chavanga,’+ ku vula Hosi leyi Lawulaka,+ Yehovha wa mavuthu. 20  “‘Hikuva i khale swinene ndzi tshovelele+ joko ra wena; ndzi handzule switsimbo swa wena hi le xikarhi. Kambe u te: “A ndzi nge tirhi,” hikuva ehenhla ka xitsunga xin’wana ni xin’wana xo tlakuka ni le hansi ka murhi wun’wana ni wun’wana lowukulu+ a wu ganamile,+ u tiendla nghwavava.+ 21  Loko ku ri mina, ndzi ku byale u fana ni murhi wa vhinya+ lowu hlawulekeke, hi mbewu ya ntiyiso. Kutani u hundzukise ku yini eka mina u va swihluke leswi kuleke swa murhi wumbe wa vhinya?’+ 22  “‘Hambiloko wo hlamba hi alkali, u tola xisibi xo tala,+ kunene xihoxo xa wena xi ta va xivati emahlweni ka mina,’+ ku vula Yehovha, Hosi leyi Lawulaka. 23  U nga vurisa ku yini u ku, ‘A ndzi tinyamisanga.+ A ndzi va landzelelanga Vabali’?+ Vona ndlela ya wena enkoveni.+ Lemuka leswi u swi endleke. Kamela leyitsongo ya ntswele leyi nga ni rivilo yi tsutsuma yi ya hala ni hala endleleni ya yona; 24  mangwa+ leyi toloveleke mananga, eku naveleni ka moya-xiviri wa yona, yi nun’hwetela mheho;+ enkarhini wa ku khandziyiwa ka yona, i mani loyi a nga yi tlherisaka? Hinkwato leti ti yi lavaka, a ti tikarhati hi ku yi sala endzhaku. Ti ta yi kuma hi n’hweti ya yona. 25  U nga wu tshiki nenge wa wena wu tshama wu nga ambalanga nchumu, ni nkolo wa wena wu va ni torha.+ Kambe u te, ‘A swi tshembisi!+ E-e, kambe ndzi rhandze vafambi,+ naswona ndzi ta va landzela.’+ 26  “Ku fana ni tingana ta khamba loko ri kumiwa, hikwalaho va yindlu ya Israyele va khomiwe hi tingana+ hi ndlela leyi fanaka, vona, tihosi ta vona, tihosana ta vona ni vaprista va vona swin’we ni vaprofeta+ va vona. 27  Va byela murhi va ku, ‘Wena u tatana,’+ eribyeni va ku, ‘Wena u ndzi velekile.’ Kambe va hundzuluke va ndzi komba xikosi, ku nga ri xikandza.+ Hi nkarhi wa khombo ra vona va ta ku, ‘Suka u yima, u hi ponisa!’+ 28  “Kambe swi kwihi swikwembu swa wena leswi u tiendleleke swona?+ A swi suke swi yima loko swi ta kota ku ku ponisa enkarhini wa khombo ra wena.+ Hikuva swikwembu swa wena swi ringana ni nhlayo ya miti ya wena, Wena Yuda.+ 29  “‘Ha yini mi tshamela ku kanetana na mina?+ Ha yini n’wina hinkwenu mi tlula nawu wa mina?’+ ku vula Yehovha. 30  Vana va n’wina ndzi va bile kambe a swi pfunanga nchumu.+ A va yi amukelanga ndzayo.+ Banga ra n’wina ri lovise vaprofeta va n’wina, ku fana ni nghala leyi onhaka.+ 31  N’wina xitukulwana, vonani rito ra Yehovha.+ “Xana ndzi hundzuke mananga eka Israyele+ kumbe tiko ra munyama wa xikhwixi? Ha yini vanhu lava va mina, va te, ‘Hi yingayingile. A hi nge he ti eka wena’?+ 32  Xana nhwana a nga rivala swin’wetsin’wetsi swakwe, mutekiwa a rivala mavamba yakwe ya xifuva? Kambe vanhu va mina—va ndzi rivele hi masiku lama nga hlayekiki.+ 33  “Ha yini, Wena wansati, u antswisa ndlela ya wena leswaku u lava rirhandzu? Hikokwalaho u simeke tindlela ta wena eka swilo swo biha.+ 34  Naswona madziva ya wena ma kumeke ma totiwe hi ngati ya mimoya-xiviri+ ya swisiwana leswi nga riki na nandzu.+ A ndzi swi kumanga swi tshova tindlu, kambe yi le ka wona hinkwawo.+ 35  “Kambe u ri, ‘Ndzi tshame ndzi nga ri na nandzu. Hakunene ku hlundzuka ka yena ku tlherile eka mina.’+ “Ndzi ni njhekanjhekisano na wena hikwalaho ka leswi u nge, ‘A ndzi dyohanga.’+ 36  Ha yini u languta ku cinca ndlela ya wena ku ri nchumu lowu nga nyawuriki?+ Nakambe u ta khomiwa hi tingana hi Egipta,+ hilaha u khomiweke hi tingana hakona hi Asiriya.+ 37  Hikwalaho ka xivangelo lexi u ta tlhela u huma u tlhandleke mavoko enhlokweni,+ hikuva Yehovha u bakanye leswi u tshembelaka eka swona, naswona a wu nge humeleli eka swona.”

Tinhlamuselo ta le hansi