Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 18:1-23

18  Rito leri fikeke eka Yeremiya ri huma eka Yehovha, ri ku:  “Suka u yima u rhelela endlwini ya muvumbi,+ loko u fika kona ndzi ta ku twisa marito ya mina.”  Hiloko ndzi rhelela endlwini ya muvumbi, kutani a a tirhela ehenhla ka mavhilwa ya muvumbi.  Kutani xibya lexi a a ri karhi a xi endla, xi onhiwe hi voko ra muvumbi, hiloko a tlhela a sungula ku endla xibya xin’wana hi ku tirhisa xona, hilaha a swi tikomba swi lulamile ematihlweni ya muvumbi leswaku a xi endla hakona.+  Rito ra Yehovha ri ya emahlweni ri fika eka mina, ri ku:  “‘Xana a ndzi swi koti ku endla eka n’wina ku fana ni muvumbi loyi, N’wina yindlu ya Israyele?’ ku vula Yehovha. ‘Maswivo! Evokweni ra mina, n’wina mi kotisa vumba evokweni ra muvumbi, N’wina yindlu ya Israyele.+  Enkarhini wun’wana ni wun’wana lowu ndzi nga ta avanyisa ha wona tiko kumbe mfumo leswaku ndzi wu simula ni ku wu hirimuxa ni ku wu lovisa,+  kutani tiko rero ri tlhela evubihini bya rona lebyi ndzi vulavuleke ha byona,+ ndzi ta tisola hikwalaho ka khombo leri a ndzi ehlekete ku ri tisa eka rona.+  Kambe enkarhini wun’wana ni wun’wana lowu ndzi nga ta vulavula ha wona malunghana ni tiko ni malunghana ni mfumo leswaku ndzi wu aka ni ku wu simeka,+ 10  entiyisweni wu endla leswo biha ematihlweni ya mina hi ku ka wu nga ri yingisi rito ra mina,+ ndzi ta tisola hikwalaho ka vunene lebyi ndzi vuleke leswaku ndzi ta byi endla hikwalaho ka vunene bya wona.’ 11  “Kutani sweswi, ndzi kombela u byela vanhu va Yuda ni vaaki va Yerusalema u ku, ‘Yehovha u te: “Maswivo, ndzi mi vumbela khombo ni ku mi lukela mano.+ Ndzi kombela mi tlhela, un’wana ni un’wana endleleni ya yena yo biha, mi endla tindlela ta n’wina ni swiendlo swa n’wina swi va swinene.”’”+ 12  Hiloko va ku: “A ku na ntshembo!+ Hikuva hi ta landzela miehleketo ya hina, naswona un’wana ni un’wana wa hina u ta hetisisa ku sihalala ka mbilu ya yena yo biha.”+ 13  Hikokwalaho Yehovha u te: “Ndzi kombela mi vutisa exikarhi ka matiko. I mani la tweke swilo swo fana ni leswi? Ku ni nchumu wo chavisa lowu nhwana wa Israyele a wu endleke ku tlula mpimo.+ 14  Xana gamboko ya Lebanoni yi ta suka eribyeni ra nhova? Kumbe, xana mati lama nga tolovelekangiki, yo phyuphya, lama pfelelaka, ma ta phya? 15  Hikuva vanhu va mina va ndzi rivele+ hikwalaho ka leswi va mbulukisaka xitlhavelo eka nchumu lowu nga pfuniki nchumu,+ ni hikwalaho ka leswi va khunguvanyisaka vanhu etindleleni ta vona,+ tindlela ta khale swinene,+ va famba etindleleni, endleleni leyi nga lunghisiwangiki, 16  leswaku va endla tiko ra vona ri va xihlamariso,+ ri beriwa noti hilaha ku nga riki na makumu.+ Un’wana ni un’wana la hundzaka kona u ta languta hi ku hlamala, a hlakahla nhloko.+ 17  Ndzi ta va hangalasa emahlweni ka nala kukota mheho ya le vuxeni.+ Esikwini ra khombo ra vona ndzi ta va komba nhlana, ku nga ri xikandza.”+ 18  Va ya emahlweni va ku: “Tanani, n’wina vavanuna, a hi lukeleni Yeremiya mano,+ hikuva nawu a wu nge heli eka muprista+ kumbe xitsundzuxo eka lowo tlhariha kumbe rito eka muprofeta.+ Tanani, a hi n’wi beni hi ririmi,+ naswona hi nga wu nyikeli nyingiso emaritweni yakwe.” 19  Oho Yehovha, nyikela nyingiso eka mina u yingisa rito ra lava va ndzi mangalelaka.+ 20  Xana leswinene swi fanele swi tlheriseriwa hi leswo biha?+ Hikuva moya-xiviri wa mina va wu celele mugodi.+ Tsundzuka ku yima ka mina emahlweni ka wena ndzi vulavula leswinene malunghana na vona, leswaku ndzi tlherisa vukarhi bya wena eka vona.+ 21  Hikokwalaho nyikela vana va vona endlaleni,+ u va nyiketa ematimbeni ya banga;+ naswona onge vasati va vona va nga va vavasati lava pfumatiwaka vana, va tlhela va va tinoni.+ Ni vavanuna va vona a va dlayiwe hi ntungu lowu dlayaka, majaha ya vona a ma dlayiwe hi banga enyimpini.+ 22  A ku twakale xirilo etindlwini ta vona, loko u tisa vuthu ra vaphangi ehenhla ka vona hi xitshuketa.+ Hikuva va cele mugodi leswaku va ndzi khoma, ni milenge ya mina va yi fihlele swirimbana.+ 23  Kambe wena, Wena Yehovha, u ri tiva kahle kungu ra vona ra ku ndzi dlaya.+ U nga tshuki u funengeta xihoxo xa vona, naswona xidyoho xexo xa vona u nga xi susi emahlweni ka wena; kambe a va khunguvanyisiwe emahlweni ka wena.+ Teka goza u lwa na vona enkarhini wa ku hlundzuka ka wena.+

Tinhlamuselo ta le hansi