Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 17:1-27

17  “Xidyoho xa Yuda xi tsariwe ehansi hi xitsalo xa nsimbi.+ Xi kovotliwe exiphepherheleni xa mbilu ya vona+ hi rinhi ra dayimani, ni le timhondzweni ta tialitari ta vona,+  loko vana va vona va tsundzuka tialitari ta vona ni timhandzi ta vona to kwetsima etlhelo ka murhi lowukulu, ehenhla ka switsunga swo tlakuka,+  etintshaveni ta le nhoveni. Rifuwo ra wena, ni xuma xa wena hinkwaxo, ndzi ta swi nyikela swi phangiwa+—tindhawu ta wena leti tlakukeke hikwalaho ka xidyoho ematikweni ya wena hinkwawo.+  Naswona hi ku tirhandzela, u tshika ndzhaka leyi ndzi ku nyikeke yona.+ Ndzi ta tlhela ndzi endla leswaku u tirhela valala va wena etikweni leri u nga ri tivangiki;+ hikuva mi lumekiwe ku fana ni ndzilo hi ku hlundzuka ka mina.+ Ku ta pfurha hilaha ku nga riki na makumu.”  Yehovha u te: “A a rhukaniwe munhu la tiyeke emirini loyi a tshembaka munhu wa la misaveni+ kutani entiyisweni a endla nyama yi va voko rakwe,+ loyi mbilu yakwe yi fularhelaka Yehovha.+  Kunene u ta fana ni murhi lowu nga woxe etimbaleni ta le kwandzasini naswona a nge swi voni leswinene loko swi fika;+ kambe u ta tshama etindhawini leti omeke emananga, etikweni ra munyu leri nga riki na vaaki.+  U katekile munhu la tiyeke emirini loyi a tshembaka Yehovha ni loyi ntshembo wakwe ku nga Yehovha.+  Kunene u ta fana ni murhi lowu byariweke ekusuhi ni mati, lowu naviselaka timitsu ta wona laha mati ma khulukaka kona; naswona a nge ku voni ku hisa loko ku fika, kambe switluka swakwe swi ta va swikulu.+ Hi lembe ra dyandza+ a nge vileli, naswona a nge tshiki ku veka mihandzu.  “Mbilu yi kanganyisa ngopfu ku tlula hinkwaswo naswona yi ni khombo.+ I mani la nga yi tivaka? 10  Mina Yehovha, ndzi kambisisa mbilu,+ ndzi kambela tinso,+ leswaku ndzi nyika un’wana ni un’wana hi ku ya hi tindlela ta yena,+ hi ku landza mihandzu ya swiendlo swakwe.+ 11  Loyi a endlaka rifuwo, ku nga ri hi vululami,+ u fana ni n’hwari leyi fukameleke leswi yi nga swi tshikelangiki. U ta ri tshika loko masiku yakwe ma fika exikarhi,+ naswona emakun’wini yakwe u ta va xihunguki.”+ 12  Ku ni xiluvelo xo vangama lexi nga ehenhla ku sukela eku sunguleni;+ i ndhawu ya vukwetsimelo bya hina.+ 13  Oho Yehovha, ntshembo wa Israyele,+ hinkwavo lava va ku siyaka va ta khomiwa hi tingana.+ Lava va ndzi gwinehelaka+ va ta tsariwa ehansi emisaveni, hikuva va siye xihlovo xa mati lama hanyaka, ku nga Yehovha.+ 14  Oho Yehovha, ndzi horise kutani ndzi ta hola.+ Ndzi ponise kutani ndzi ta pona;+ hikuva wena hi wena loyi ndzi ku dzunisaka.+ 15  Waswivo! Ku ni lava va ndzi byelaka va ku: “Ri kwihi rito ra Yehovha?+ Hi kombela ri ta.” 16  Kambe loko ku ri mina a ndzi hatliselanga ku va murisi loyi a ku landzelaka, naswona siku ra khombo a ndzi ri navelanga nikatsongo. Wena u ri tivile rito ra milomu ya mina; ri fike emahlweni ka xikandza xa wena. 17  U nga tshuki u va nchumu lowu chavisaka eka mina.+ U vutumbelo bya mina esikwini ra khombo.+ 18  Lava va ndzi xanisaka a va khomisiwe tingana,+ kambe mina ndzi nga khomisiwi tingana.+ Vona a va khomiwe hi ku chava, kambe mina ndzi nga khomiwi hi ku chava. Va tisele siku ra khombo,+ kutani u va wisa hi ku wa loku phindhiweke kambirhi.+ 19  Yehovha u ndzi byele a ku: “Famba u ya yima enyangweni ya vana va vanhu leyi tihosi ta Yuda ti nghenaka ha yona ti tlhela ti huma ha yona, ni le tinyangweni hinkwato ta Yerusalema.+ 20  U fanele u ti byela u ku, ‘Twanani rito ra Yehovha, n’wina tihosi ta Yuda ni tiko hinkwaro ra Yuda na n’wina hinkwenu vaaki va Yerusalema, lava nghenaka hi tinyangwa leti.+ 21  Yehovha u te: “Langutelani mimoya-xiviri ya n’wina,+ naswona hi siku ra savata mi nga tshuki mi rhwala ndzhwalo wihi ni wihi mi wu nghenisa hi tinyangwa ta Yerusalema.+ 22  Mi nga tshuki mi humesa ndzhwalo emakaya ya n’wina hi siku ra savata; naswona mi nga tshuki mi endla ntirho.+ Kutani mi fanele mi hlawulekisa siku ra savata, hilaha ndzi leriseke vatata wa n’wina hakona;+ 23  kambe a va yingisanga hambi ku ri ku rhiya ndleve ya vona,+ va hambete va nonon’hwisa nhamu+ ya vona leswaku va nga yingisi nileswaku va nga yi amukeli ndzayo.”’+ 24  “‘“Kutaku loko mi ndzi yingisa swinene,”+ ku vula Yehovha, “mi nga wu tisi ndzhwalo hi tinyangwa ta muti hi siku ra savata naswona mi hlawulekisa siku ra savata+ hi ku ka mi nga wu endli ntirho wihi ni wihi,+ 25  kunene ku ta tlhela ku nghena ni tihosi ni tihosana+ hi tinyangwa ta muti lowu, ti tshama exiluvelweni xa Davhida,+ ti khandziya kalichi ni tihanci, tona ni tihosana ta tona, vanhu va Yuda ni vaaki va Yerusalema; kunene muti lowu wu ta va ni vaaki hilaha ku nga riki na makumu. 26  Entiyisweni vanhu va ta ta va huma emitini ya Yuda ni le kusuhi na Yerusalema ni le tikweni ra Benjamini+ ni le tikweni ra le hansi+ ni le ndhawini ya tintshava+ ni le Negebu,+ va tisa gandzelo ro hisiwa+ leri heleleke ni xitlhavelo+ ni gandzelo ra mavele+ ni murhi wa risuna,+ va tisa ni xitlhavelo xo nkhensa endlwini ya Yehovha.+ 27  “‘“Kambe loko mi nga ndzi yingisi hi ku hlawulekisa siku ra savata ni ku ka mi nga wu rhwali ndzhwalo,+ kambe wu nghenisiwa hi tinyangwa ta Yerusalema hi siku ra savata, ndzi ta tshivela ndzilo etinyangweni ta yena,+ kunene wu ta lovisa swihondzo swa Yerusalema+ swo tshama eka swona, a wu nge timiwi.”’”+

Tinhlamuselo ta le hansi