Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 15:1-21

15  Yehovha a ya emahlweni a ndzi byela a ku: “Loko Muxe+ na Samuwele+ a va yime emahlweni ka mina, moya-xiviri wa mina a wu nga ta va kona eka vanhu lava.+ A va ta susiwa emahlweni ka xikandza xa mina, va huma.+  Loko vo tshuka va ku eka wena, ‘Xana hi ta ya kwihi?’ wena u fanele u va byela u ku, ‘Yehovha u te: “Mani na mani la faneriwaka hi ntungu lowu dlayaka, a a ye eka ntungu lowu dlayaka! Mani na mani la faneriwaka hi banga, a a ye ebangeni! Mani na mani la faneriwaka hi ndlala, a a ye endlaleni!+ Kasi mani na mani la faneriwaka hi vukhumbi, a a ye evukhumbini!”’+  “‘Kutani ndzi ta lerisa mindyangu ya mune+ ehenhla ka vona,’ ku vula Yehovha, ‘banga leswaku ri dlaya nileswaku timbyana ti kokela ekule, ni swivumbiwa leswi hahaka swa matilo+ ni swivandzana swa misava leswaku swi ta dya swi tlhela swi lovisa.  Naswona ndzi ta va tsekatsekisa eka mimfumo hinkwayo ya misava+ hikwalaho ka Manase n’wana wa Hezekiya, hosi ya Yuda, hikwalaho ka leswi a swi endleke eYerusalema.+  Hikuva i mani la nga ta ku tsetselela, Wena Yerusalema, naswona i mani la nga ta ku tshandzisa,+ i mani la nga ta hambuka a vutisa hi ta vutomi bya wena?’  “‘Wena u ndzi tshikile,’+ ku vula Yehovha. ‘U hambeta u tlhelela endzhaku.+ Ndzi ta tshambulutela voko ra mina ehenhla ka wena ndzi ku lovisa.+ Ndzi karhale ku tisola.+  Kutani ndzi ta va peperha hi foroko+ etinyangweni ta tiko. Kunene ndzi ta va pfumata vana.+ Ndzi ta lovisa vanhu va mina, tanihi leswi va nga tlhelangiki etindleleni ta vona.+  Eka mina, tinoni ta vona ti tele ku tlula swiribyana swa sava ra malwandle. Ndzi ta tisa la phangaka ehenhla ka vona ninhlikanhi,+ eka manana ni le ka jaha. Hi xitshuketa ndzi ta va tisela ku chava ni ku pfilunganyeka.+  Wansati la velekaka vana va nkombo u titivarile; moya-xiviri wakwe wu heleriwa hi moya.+ Dyambu rakwe ri pele ka ha ri nhlikanhi;+ ri khomiwe hi tingana, ri titwa ri yisiwe ehansi.’ ‘Naswona masalela ya vona ndzi ta ma nyiketa ebangeni emahlweni ka valala va vona,’+ ku vula Yehovha.” 10  Khombo eka mina,+ Wena manana, hikuva u ndzi velekile, munhu la holovaka ni ku lwa ni misava hinkwayo.+ A ndzi lombisanga, naswona a va ndzi lombanga. Hinkwavo va ndzi rhuketela.+ 11  Yehovha u te: “Hakunene ndzi ta ku tirhela hi vunene.+ Hakunene ndzi ta ku lamulela enkarhini wa khombo+ ni le nkarhini wa maxangu, eka nala.+ 12  Xana munhu a nga yi tshovelela nsimbi, nsimbi ya le n’walungwini ni koporo? 13  Ndzi ta endla leswaku rifuwo ra wena ni xuma xa wena swi tekiwa,+ ku nga ri hi nxavo, kambe hi swidyoho swa wena hinkwaswo, etindhawini ta wena hinkwato.+ 14  Naswona ndzi ta swi hundzisa ni valala va wena swi ya etikweni leri u nga ri tiviki.+ Hikuva ku lumekiwe ndzilo hi ku hlundzuka ka mina.+ Wu tshiveleriwa n’wina.” 15  Wena u swi tivile.+ Oho Yehovha, ndzi tsundzuke+ u hundzuluxela nyingiso eka mina kutani u ndzi rihisela eka vaxanisi va mina.+ U nga ndzi susi hi ku hlwela ka wena ku hlundzuka.+ Lemuka ku byarha ka mina ndzhukano hikwalaho ka wena.+ 16  Marito ya wena ma kumekile, hiloko ndzi ma dya;+ kutani eka mina, rito ra wena ri va ku khana+ ni ku tsaka ka mbilu ya mina;+ hikuva vito ra wena ri vitaniwe ehenhla ka mina,+ Oho Yehovha Xikwembu xa mavuthu.+ 17  A ndzi tshamanga entlaweni wa lava endlaka mafenya,+ va sungula ku khana.+ Ndzi tshame ehansi ndzi ri ndzexe hikwalaho ka voko ra wena,+ hikuva u ndzi tate xigwevo.+ 18  Ha yini xitlhavi xa mina xi nga holi+ ni mbanga ya mina yi nga tshunguleki?+ Yi arile ku horisiwa. Kunene eka mina u fana ni xilo lexi xisaka,+ ku fana ni mati lama nga tshembekiki.+ 19  Hikokwalaho Yehovha u te: “Loko u vuya, ndzi ta ku vuyisa.+ U ta yima emahlweni ka mina.+ Naswona loko wo humesa swa risima eka swilo leswi nga pfuniki nchumu, u ta fana ni nomu wa mina. Vona va ta tlhelela eka wena, kambe wena a wu nge tlheleli eka vona.” 20  “Naswona eka vanhu lava ndzi ku endle rirhangu ra koporo leri tiyisiweke;+ kunene va ta lwa na wena, kambe a va nge ku hluli.+ Hikuva ndzi na wena, leswaku ndzi ku ponisa ni ku ku kutsula,”+ ku vula Yehovha. 21  “Kutani ndzi ta ku kutsula evokweni ra lavo biha,+ ndzi ta ku kutsula exandleni xa lava tihanyi.”

Tinhlamuselo ta le hansi