Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 14:1-22

14  Rito ra Yehovha leri fikeke eka Yeremiya malunghana ni timhaka ta dyandza+ hi leri:  Yuda wa rila+ ni tinyangwa ta yena a ta ha ri na matimba.+ Ti ni gome emisaveni,+ ni xirilo xa Yerusalema xi tlhandlukile.+  Vanhu va vona lavakulu va rhume lava nga nyawuriki ematini.+ Va nghene emakheleni. Mati a va ma kumanga.+ Va tlhele ni swibya swa vona swi nga ri na nchumu. Va khomiwe hi tingana+ ni ku tsongahatiwa, naswona va tifunengete nhloko.+  Varimi va khomiwe hi tingana hikwalaho ka misava leyi omeke hikuva maboboma a ma nanga etikweni;+ va tifunengete nhloko.+  Hikuva hambi ku ri mhunti enhoveni yi veleke ximhuntana, kambe yi xi siyile, hikuva a ku nga ri na byanyi.  Timangwa+ tona ti yime ti nga fambi ehenhla ka switsunga leswi nga riki na nchumu; ti nun’hwetele moya kukota timhungubye; mahlo ya tona ma tsanile hikuva a ku na swimila.+  Oho Yehovha, hambiloko swihoxo swa hina swi humesa vumbhoni lebyi byi hi kanetaka, lwela vito ra wena;+ hikuva swiendlo swa hina swo pfumala vutshembeki swi tele;+ hi ku dyoherile.+  Oho wena ntshembo wa Israyele,+ Muponisi wa yena+ enkarhini wa maxangu,+ ha yini u fana ni muluveri etikweni, ku fana ni muendzi la hambukeke a xwa vusiku?+  Ha yini u fana ni munhu la hlamaleke, ku fana ni munhu wa matimba la nga swi kotiki ku ponisa?+ Kambe wena u le xikarhi ka hina,+ Wena Yehovha, naswona vito ra wena ri vitaniwe ehenhla ka hina.+ U nga hi siyi. 10  Malunghana ni vanhu lava Yehovha u te: “Xisweswo va rhandze ku tsendzeleka;+ milenge ya vona a va yi kambelanga.+ Hikwalaho Yehovha a nga va tsakelanga.+ Kutani u ta tsundzuka xihoxo xa vona, a nyikela nyingiso eswidyohweni swa vona.”+ 11  Yehovha a ya emahlweni a ndzi byela a ku: “Vanhu lava u nga va khongeleli leswinene.+ 12  A ndzi xi yingisi xikhongelo xa vona loko va titsona swakudya;+ niloko va humesa gandzelo ro hisiwa leri heleleke ni gandzelo ra mavele, a ndzi va tsakeli;+ hikuva ndzi va herisa hi banga, hi ndlala ni hi ntungu.”+ 13  Hiloko ndzi ku: “Oho, Wena Yehovha, Hosi leyi Lawulaka! Waswivo, vaprofeta va va byela va ku, ‘A mi nge voni banga, naswona a mi nge weriwi hi ndlala, kambe ndzi ta mi nyika ku rhula ka ntiyiso endhawini leyi.’”+ 14  Yehovha a ya emahlweni a ku eka mina: “Vaprofeta, va profeta mavunwa hi vito ra mina.+ A ndzi va rhumanga, hambi ku ri ku va lerisa kumbe ku vulavula na vona.+ Va mi byela xivono xa mavunwa ni ku hlahluva ni xilo lexi nga pfuniki nchumu+ ni ku kanganyisa ka mbilu ya vona, hi ndlela ya vuprofeta.+ 15  Hikokwalaho malunghana ni vaprofeta lava profetaka hi vito ra mina, lava ndzi nga va rhumangiki, lava vulaka leswaku a ku nge vi na banga kumbe ndlala etikweni leri, Yehovha u te, ‘Vaprofeta volavo va ta herisiwa hi banga ni hi ndlala.+ 16  Kutani vanhu lava va va profetelaka va ta va vanhu lava cukumetiwaka eswitarateni swa Yerusalema hikwalaho ka ndlala ni banga, ku ri hava munhu wa ku va lahla—waswivo, vasati va vona ni vana va vona va majaha ni va vanhwanyana.+ Ndzi ta va chululela khombo.’+ 17  “Kutani u fanele u va byela rito leri, ‘Mahlo ya mina a ma xiririke mihloti vusiku ni nhlikanhi, ma nga omi,+ hikuva nhwana wa vanhu va mina u tshovekile,+ hi nkhavi lowu vabyisaka ngopfu.+ 18  Entiyisweni loko ndzi huma ndzi ya enhoveni, waswivo, ku ni lava dlayiweke hi banga!+ Entiyisweni loko ndzi nghena emutini, waswivo, ku ni mavabyi lama vangiwaka hi ndlala!+ Hikuva muprofeta ni muprista va rhendzeleke etikweni leri va nga ri tivangiki.’”+ 19  Xana Yuda+ u n’wi bakanyile hi ku helela, kumbe, xana moya-xiviri wa wena wu nyenye Siyoni?+ Ha yini u hi bile, lerova hi nga horisiwi?+ A ku languteriwe ku rhula, kambe leswinene a swi tanga; ni nkarhi wa ku tshungula, kambe waswivo, ku te ku chava!+ 20  Oho Yehovha, ha byi vona vuhomboloki bya hina, xihoxo xa vatata wa hina,+ hikuva hi ku dyoherile.+ 21  U nga hi languteli ehansi hikwalaho ka vito ra wena;+ u nga xi languteli ehansi xiluvelo xa wena xo vangama.+ Tsundzuka; u nga tluli ntwanano wa wena eka hina.+ 22  Exikarhi ka swifaniso swa hava leswi nga pfuniki nchumu,+ xana xi kona lexi nga nisaka mpfula, kumbe, xana matilo ma nga yi nisa mpfula leyikulu?+ Xana a hi Wena, Wena Yehovha Xikwembu xa hina?+ Naswona hi tshembela eka wena, hikuva hi wena la endleke swilo leswi hinkwaswo.+

Tinhlamuselo ta le hansi