Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 13:1-27

13  Yehovha a ndzi byela a ku: “Famba, u ya kuma vamba ra ntsembyana u ri boha emasengeni, kambe u nga tshuki u ri nghenisa ematini.”  Hiloko ndzi kuma vamba hi ku landza rito ra Yehovha kutani ndzi ri boha emasengeni.  Rito ra Yehovha ri fika eka mina ra vumbirhi, ri ku:  “Teka vamba leri u ri kumeke, leri nga emasengeni ya wena, u suka u yima, u ya eYufrata,+ kutani u ri fihla kona ebakweni ra ribye.”  Hiloko ndzi famba ndzi ya ri fihla eYufrata, hilaha Yehovha a ndzi leriseke hakona.  Kambe endzhaku ka masiku yo tala Yehovha a ku eka mina: “Pfuka, u ya eYufrata u fika u teka vamba leri ndzi ku leriseke leswaku u ri fihla kona.”  Hikwalaho ndzi ya eYufrata kutani ndzi cela ndzi teka vamba endhawini leyi ndzi ri fihleke eka yona, kutani waswivo, vamba a ri onhakile; a ri nga faneli nchumu.  Hiloko rito ra Yehovha ri fika eka mina, ri ku:  “Yehovha u te, ‘Ku tinyungubyisa ka Yuda+ ni ku tinyungubyisa ka Yerusalema ndzi ta ku onha hi ndlela leyi fanaka. 10  Vanhu lava vo biha lava alaka ku yingisa marito ya mina,+ lava fambaka hi ku sihalala ka mbilu+ ya vona, lava hambetaka va landzelela swikwembu swimbe, va swi tirhela va tlhela va swi nkhinsamela,+ va ta fana ni vamba leri ri nga faneliki nchumu.’ 11  ‘Hikuva tanihi leswi vamba ri namarhelaka emasengeni ya munhu, kutani ndzi endle leswaku yindlu hinkwayo ya Israyele ni yindlu hinkwayo ya Yuda yi ndzi namarhela,’+ ku vula Yehovha, ‘leswaku eka mina va va tiko,+ vito,+ ku dzunisa ni nchumu wo saseka; kambe a va yingisanga.’+ 12  “Kutani u fanele u va byela rito leri, ‘Yehovha Xikwembu xa Israyele u te: “Khuwana rin’wana ni rin’wana ri tatiwa hi vhinyo.”’+ Kunene vona va ta ku eka wena, ‘Kahle-kahle, xana a hi swi tivi leswaku khuwana rin’wana ni rin’wana ri tatiwa hi vhinyo?’ 13  Kutani u fanele u va byela u ku, ‘Yehovha u te: “Waswivo, vaaki hinkwavo va tiko leri ni tihosi leti tekeke xiluvelo xa Davhida+ ni vaprista ni vaprofeta ni vaaki hinkwavo va Yerusalema ndzi va tata hi vudakwa.+ 14  Ndzi ta va endla va gomulana, vatatana ni vana, hi nkarhi wun’we,”+ ku vula Yehovha. “A ndzi nge tsetseleli, kumbe ku va twela vusiwana, naswona a ndzi nge vi na tintswalo ta ku va tshika ndzi nga va lovisi.”’+ 15  “Twanani, mi yingisa. Mi nga titlakusi,+ hikuva Yehovha u vurile.+ 16  Vangamisani Yehovha Xikwembu xa n’wina,+ a nga si tisa munyama+ ni milenge ya n’wina yi nga si banana etintshaveni nimadyambu.+ Kunene mi ta langutela ku vonakala,+ kambe yena u ta endla ku va ni ndzhuti lowukulu;+ u ta ku hundzula ku dzwihala lokukulu.+ 17  Loko mi nga swi twi,+ moya-xiviri wa mina wu ta rila wu ri evutumbelweni hikwalaho ka ku tinyungubyisa, kunene wu ta humesa mihloti; mahlo ya mina ma ta xiririka mihloti,+ hikuva ntlhambi+ wa Yehovha wu ta va wu endliwe khumbi. 18  “Byelani hosi ni wansati la xiximiwaka,+ ‘Tshamani endhawini ya le hansi,+ hikuva kunene harhi ya n’wina ya ku saseka yi ta wa etinhlokweni ta n’wina.’+ 19  Miti ya le dzongeni yi pfariwile, lerova a nga kona loyi a yi pfulaka. Yuda hinkwaro ri yisiwe evukhumbini. Ri yisiwe evukhumbini hi ku helela.+ 20  “Tlakusani mahlo mi vona lava humaka en’walungwini.+ Xana wu kwihi ntlhambi lowu u nyikiweke wona, ntlhambi wa wena wo saseka?+ 21  Xana u ta ku yini loko munhu a hundzuluxela nyingiso eka wena,+ loko wena u va dyondzisile kukota vanghana va le xihundleni etlhelo ka wena ku sukela eku sunguleni?+ Xana ku lun’wa ka ku veleka a ku nge ku khomi, loku fanaka ni ka wansati loyi a velekaka?+ 22  Xana u ta vula rini embilwini+ ya wena u ku, ‘Ha yini ndzi weriwe hi swilo leswi?’+ madziva ya wena ma susiwile,+ a ma ha ku funengeti hikwalaho ka xihoxo xa wena lexikulu; swirhendze swa wena swi vavisiwile. 23  “Xana Mukuxi+ a nga yi hundzula nhlonge yakwe? kumbe yingwe yi nga swi hundzula swivati swa yona?+ Na n’wina mi nga swi kota ku endla leswinene, n’wina vanhu lava dyondzisiweke ku endla leswo biha.+ 24  Kutani ndzi ta va hangalasa+ kukota mahlanga lama hundzaka ni mheho ya le mananga.+ 25  Lexi i xiphemu xa wena, xiavelo lexi ndzi ku pimeleke xona,”+ ku vula Yehovha, “hikuva u ndzi rivele+ naswona u hambeta u tshemba mavunwa.+ 26  Tinguvu ta wena ndzi ti tlakusela exikandzeni xa wena, kunene tingana ta wena ti ta voniwa,+ 27  swiendlo swa wena swa vuoswi+ ni ku rila ka wena,+ ku tikhoma ka wena ko biha ka vunghwavava. Ndzi vone swilo swa wena swo nyenyetsa+ ehenhla ka switsunga ni le nhoveni. Khombo eka wena, Wena Yerusalema! A wu nge basi+—endzhaku ka nkarhi wo lehisa ku yini?”+

Tinhlamuselo ta le hansi