Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 12:1-17

12  Oho Yehovha, u lulamile+ loko ndzi tisa xirilo xa mina eka wena, loko hakunene ndzi vulavula na wena hi timhaka ta vuavanyisi. Ha yini ndlela ya lavo homboloka yi humelerile,+ nileswi hinkwavo lava xengaka va nga karhatekiki hi nchumu?  U va byarile; kutani va dzime timitsu. Va hambeta va ya emahlweni; va humese ni mihandzu. U le kusuhi ni nomu wa vona, kambe u le kule swinene ni tinso ta vona.+  Oho Yehovha, wena u ndzi tiva kahle;+ wa ndzi vona, naswona u kambele mbilu ya mina evun’weni na wena.+ Va hlawule kukota tinyimpfu leti yaka eku tlhaviweni,+ u va hlawulela siku ra ku dlayiwa.  Xana tiko ri ta hambeta ri vuna,+ ni swimila swa nhova hinkwayo swi ta oma ku fikela rini?+ Hikwalaho ka vubihi bya lava va tshamaka eka rona, swivandzana ni swivumbiwa leswi hahaka swi herisiwile.+ Hikuva va te: “Vumundzuku bya hina a nga byi voni.”  Hikuva u tsutsume swin’we ni vavanuna lava fambaka hi milenge, kutani va ku karhalisa, xana u nga tsutsumisa ku yini u phikizana ni tihanci?+ Xana u ni ntshembo+ eka tiko leri nga ni ku rhula? Kutani, xana u ta endlisa ku yini emakhwatini lama tikurisaka ya le kusuhi na Yordani?+  Hikuva hambi ku ri vamakwenu ni ndyangu wa tata wa wena, na vona va ku xengile.+ Vona va ku huwelerile va ri endzhaku ka wena. U nga kombisi ripfumelo eka vona, hileswi ntsena va vulavulaka swilo leswinene eka wena.+  “Yindlu ya mina ndzi yi siyile;+ ndzi tshike ndzhaka ya mina;+ loyi a rhandzekaka eka moya-xiviri wa mina ndzi n’wi nyikete exandleni xa valala vakwe.+  Eka mina, ndzhaka ya mina yi kotisa nghala ekhwatini. Yi pfule rito ra yona ku lwa na mina. Hi yona mhaka leyi ndzi yi vengaka.+  Eka mina, ndzhaka ya mina+ yi fana ni nyenyana ya mavalavala, leyi dyaka nyama; tinyenyana leti dyaka nyama ti yi rhendzerile.+ Tanani, hlengeletanani n’wina hinkwenu swivandzana swa nhova; swi tiseni swi ta dya.+ 10  Varisi+ vo tala va lovise+ nsimu ya mina ya vhinya; va kandziyele xiavelo xa mina.+ Xiavelo xa mina lexi navelekaka+ va xi hundzule mananga lama nga rhumbi. 11  Un’wana u xi endle rhumbi;+ xi vunile; xi sale xi ri rhumbi eka mina.+ Tiko hinkwaro ri endliwe rhumbi, hikuva a ku na munhu loyi a ehleketeke hi swona.+ 12  Vaphangi va te hi tindlela hinkwato leti wupfeke ta le mananga. Hikuva banga ra Yehovha ri lovisa ku suka eka makumu man’wana ya tiko ku ya eka makumu man’wana ya tiko.+ Nyama hinkwayo a yi na ku rhula. 13  Va byale koroni, kambe va tshovele mitwa.+ Va tirhe va kala va vabya; a va nge pfuni nchumu.+ Kunene va ta khomiwa hi tingana hikwalaho ka mihandzu ya n’wina, hikwalaho ka ku hlundzuka lokukulu ka Yehovha.” 14  Yehovha u byele vaakelani+ va mina hinkwavo vo biha, lava khumbaka ndzhaka leyi ndzi yi nyikeke vanhu va mina, ku nga Israyele, a ku:+ “Waswivo, ndza va simula emisaveni ya vona;+ naswona yindlu ya Yuda ndzi ta yi simula exikarhi ka vona.+ 15  Kunene endzhaku ka loko ndzi va simurile, ndzi ta tlhela ndzi va komba tintswalo ndzi va vuyisa,+ un’wana ni un’wana endzhakeni ya yena, un’wana ni un’wana etikweni ra yena.”+ 16  “Kunene, loko vo dyondza tindlela ta vanhu va mina, va hlambanya hi vito ra mina,+ va ku, ‘Leswi Yehovha a hanyaka,’ hilaha va va dyondziseke hakona vanhu va mina leswaku va hlambanya eka Bali,+ na vona va ta simekiwa exikarhi ka vanhu va mina.+ 17  Kambe loko va nga yingisi, ndzi ta ri simula tiko rero, ndzi ri simula ndzi tlhela ndzi ri lovisa,”+ ku vula Yehovha.

Tinhlamuselo ta le hansi