Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 11:1-23

11  Rito leri fikeke eka Yeremiya ri huma eka Yehovha, ri ku:  “Twanani marito ya ntwanano lowu! “Mi fanele mi wa byela+ vanhu va Yuda ni vaaki va Yerusalema,  mi fanele mi ku eka vona, ‘Yehovha Xikwembu xa Israyele u te: “A a rhukaniwe munhu loyi a nga ma yingisiki marito ya ntwanano lowu,+  lawa ndzi ma leriseke vatata wa n’wina esikwini leri ndzi va humeseke ha rona etikweni ra Egipta,+ ekheleni ra ndzilo ra nsimbi,+ ndzi ku, ‘Yingisani rito ra mina, naswona mi fanele mi endla hi ku landza swilo hinkwaswo leswi ndzi mi lerisaka swona;+ kunene mi ta va vanhu va mina kutani mina ndzi ta va Xikwembu xa n’wina,+  hi xikongomelo xo hetisisa xihlambanyo lexi ndzi xi hlambanyeleke vatata wa n’wina,+ ku va nyika tiko leri khulukaka ntswamba ni vulombe,+ ku fana ni le sikwini leri.’”’” Hiloko ndzi ya emahlweni ndzi hlamula ndzi ku: “Amen, Wena Yehovha.”  Yehovha a ya emahlweni a ku eka mina: “Huwelela marito lawa hinkwawo emitini ya Yuda ni le switarateni swa Yerusalema,+ u ku, ‘Twanani marito ya ntwanano lowu, naswona mi fanele mi wa endla.+  Hikuva ndzi tsundzuxe vatata wa n’wina esikwini leri ndzi va humeseke ha rona etikweni ra Egipta,+ ku ta fika esikwini leri, ndzi pfuka ka ha ri mpundzu swinene ndzi tsundzuxa ndzi ku: “Yingisani rito ra mina.”+  Kambe a va yingisanga kumbe ku rhiya ndleve,+ kambe un’wana ni un’wana u hambete a famba hi ku sihalala ka mbilu+ ya vona yo biha; kutani ndzi va nyike marito hinkwawo ya ntwanano lowu lawa ndzi va leriseke leswaku va ma endla, kambe a va ma endlanga.’”  Ku tlula kwalaho, Yehovha a ndzi byela a ku: “Ku kumeke xikhiri exikarhi ka vanhu va Yuda ni le xikarhi ka vaaki va Yerusalema.+ 10  Va tlhelele eka swihoxo swa vatata wa vona,+ lavo sungula, lava aleke ku yingisa marito ya mina, kambe vona va landzelele swikwembu swimbe leswaku va swi tirhela.+ Yindlu ya Israyele ni yindlu ya Yuda ti tlule ntwanano wa mina lowu ndzi wu endleke ni vatata wa vona.+ 11  Hikokwalaho Yehovha u te, ‘Waswivo, ndzi ta va tisela khombo+ leri va nga ta ka va nga swi koti ku huma eka rona;+ kunene va ta kombela leswaku ndzi va pfuna, kambe a ndzi nge va yingisi.+ 12  Miti ya Yuda ni vaaki va Yerusalema va ta famba, va kombela ku pfuniwa eka swikwembu leswi va swi mbulukiselaka xitlhavelo,+ kambe swona a swi nge va ponisi nikatsongo enkarhini wa khombo ra vona.+ 13  Hikuva swikwembu swa wena swi tele ku fana ni miti ya wena, Wena Yuda;+ naswona nchumu lowu nyumisaka+ mi wu vekele tialitari to tala ku fana ni switarata swa Yerusalema, tialitari to mbulukisela eka tona xitlhavelo xa Bali.’+ 14  “Loko ku ri wena, u nga va khongeleli vanhu lava, u nga tshuki u va vulavulela rito ra xirilo kumbe u va khongelela,+ a ndzi nge yingisi enkarhini lowu va ndzi huwelelaka ha wona malunghana ni khombo ra vona.+ 15  “Xana loyi ndzi n’wi rhandzaka u ni ntirho wihi endlwini ya mina,+ lerova vo tala va vona va endla nchumu lowu,+ kungu ro biha?+ Naswona, xana va ta ri endla ri hundza ehenhla ka wena+ hi nyama yo kwetsima, loko khombo ra wena ri fika? Xana u ta khana enkarhini wolowo?+ 16  ‘Murhi wa mutlhwari lowukulu, wa mihandzu yo saseka ni hi xivumbeko,’ i vito leri Yehovha a ku thyeke rona.+ Hi mpfumawulo wa ku vomba lokukulu, u n’wi lumeke hi ndzilo wu vuvumela, naswona va tshove marhavi ya wona.+ 17  “Yehovha wa mavuthu, Mubyari wa wena,+ u vule khombo ehenhla ka wena hikwalaho ka vubihi bya yindlu ya Israyele+ ni yindlu ya Yuda lebyi va byi endleke, va ndzi hlundzukisa hi ku mbulukisela Bali xitlhavelo.”+ 18  Yehovha u ndzi byerile leswaku ndzi tiva. Hikwalaho u ndzi endle ndzi vona ku tirhisana ka vona.+ 19  Kutani a ndzi fana ni xinyimpfana xa xinuna, lexi rhandzekaka, lexi tisiwaka eku dlayiweni,+ naswona a ndzi nga swi tivi leswaku va ndzi bohele makungu:+ “A hi loviseni murhi ni swakudya swa wona, a hi n’wi suseni etikweni ra lava hanyaka,+ leswaku vito rakwe ri nga ha tlheli ri tsundzukiwa.” 20  Kambe Yehovha wa mavuthu u avanyisa hi ku lulama;+ u kambela tinso ni mbilu.+ Onge ndzi nga vona ku rihisela ka wena eka vona, hikuva mhaka ya mina leyi khumbanaka ni nawu ndzi yi hlavutele wena.+ 21  Hikokwalaho Yehovha u vule leswi ehenhla ka vanhu va Anathoti+ lava lavaka moya-xiviri wa wena, a ku: “U nga tshuki u profeta hi vito ra Yehovha,+ leswaku u nga dlayiwi hi voko ra hina”; 22  hikokwalaho Yehovha wa mavuthu u te: “Waswivo, ndzi hundzuluxela nyingiso wa mina eka vona. Majaha ma ta dlayiwa hi banga.+ Vana va vona va majaha ni va vanhwanyana va ta dlayiwa hi ndlala.+ 23  Hambi ku ri masalela a ma nge vi kona eka vona, hikuva ndzi ta tisa khombo ehenhla ka vanhu va Anathoti,+ lembe ra ku nyikiwa ka vona nyingiso.”+

Tinhlamuselo ta le hansi