Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 10:1-25

10  Twanani rito leri Yehovha a ri vuleke ku lwa na n’wina, N’wina yindlu ya Israyele.  Yehovha u te: “Mi nga tshuki mi dyondza ndlela ya matiko nikatsongo,+ naswona mi nga chavisiwi hi swikombiso swa le matilweni, hikuva matiko ma swi chava.+  Hikuva leswi toloveriweke hi vanhu+ i moya ntsena, i murhi+ ntsena wa le khwatini lowu munhu a nga wu tsema, ntirho wa mavoko ya muvatli lowu endliweke hi xiove xo vatla.+  Munhu u xi sasekisa hi silivhere ni nsuku.+ Va swi tiyisa hi swipikiri ni hi tihamula, leswaku ni xin’we xi nga tsekatseki.+  Swi fana ni lexi chavisaka swiharhi ensin’wini ya marhakarhaka, a xi vulavuli.+ Kunene swa rhwariwa hikuva a swi swi koti ku ba magoza.+ Mi nga swi chavi, hikuva a swi nge endli nchumu xa khombo, kasi ku tlula kwalaho, a swi swi koti ku endla nchumu lowunene.”+  Oho Yehovha,+ a nga kona nikatsongo la fanaka na wena. U nkulu, naswona vito ra wena ri ni matimba lamakulu.+  A nga kona loyi a nga ta ka a nga ku chavi,+ Wena Hosi ya matiko,+ swa ku fanela sweswo; hikuva exikarhi ka hinkwavo lavo tlhariha va matiko ni le xikarhi ka vuhosi bya vona a nga kona nikatsongo la fanaka na wena.+  Naswona hi nkarhi lowu fanaka va tikomba va ri lava nga anakanyiki, va ri lava hungukeke.+ Murhi i xikhongotelo xa vuhava ntsena.+  Ku tisiwa silivhere leyi endliweke swiphepherhele yi huma eTaraxixi,+ ni nsuku lowu humaka eUfazi,+ wa la tivaka ntirho wa mavoko ni wa la tirhaka hi nsimbi; swiambalo swa vona i swa ngoti ya wasi ni voya lebyi pendiweke byi va bya xivunguvungu. Hinkwaswo swi endliwe hi vanhu lava nga ni vuswikoti.+ 10  Kambe entiyisweni Yehovha i Xikwembu.+ I Xikwembu+ lexi hanyaka ni Hosi hilaha ku nga riki na makumu.+ Misava yi ta ninginika+ hikwalaho ka ku hlundzuka kakwe, naswona ku hava matiko lama nga ta tiyela xigwevo xakwe.+ 11  N’wina mi ta va byela mi ku: “Swikwembu+ leswi nga ma endlangiki matilo ni misava+ hi swona leswi nga ta lova emisaveni ni le hansi ka matilo lawa.” 12  I Muendli wa misava hi matimba+ yakwe, Loyi a simekaka tiko leri noneke ri tiya hi vutlhari byakwe,+ Loyi a andlaleke matilo hi ku twisisa kakwe.+ 13  Hi rito ra yena u pfilunganya mati ematilweni,+ a tlhela a tlhandlukisa hunguva ku suka emakun’wini ya misava.+ U endle ni migerho ya mpfula,+ naswona u humesa mheho eswitlatini+ swakwe. 14  Vanhu hinkwavo va endle handle ko anakanya onge hiloko va nga tivi.+ Kunene un’wana ni un’wana la tirhaka hi nsimbi u ta titwa a tsongahatekile hikwalaho ka xifaniso lexi vatliweke;+ hikuva xifaniso xa yena lexi endliweke hi ku n’okisiwa i mavunwa,+ naswona a xi na moya.+ 15  I vuhava, i ntirho wa ku vungunya.+ Swi ta lova enkarhini lowu swi nga ta nyikiwa nyingiso ha wona.+ 16  Loyi a nga Xiavelo xa Yakobe+ a nga fani ni swilo leswi, hikuva i Muvumbi wa swilo hinkwaswo,+ naswona Israyele i nhonga ya ndzhaka yakwe.+ Vito ra yena i Yehovha wa mavuthu.+ 17  Hlengeleta emisaveni ndzhwalo+ wa wena lowu bohiweke, Wena wansati la tshamaka a ri emaxangwini.+ 18  Hikuva Yehovha u te: “Waswivo, ndzi cukumeta vaaki va la misaveni enkarhini lowu,+ ndzi ta va vangela ku karhateka leswaku va swi kumisisa.”+ 19  Khombo eka mina hikwalaho ka leswi ndzi weke!+ Nkhavi wa mina wa vabyisa. Mina ndzi te: “Hakunene loku i ku vabya ka mina, ndzi ta ku rhwala.+ 20  Ntsonga wa mina wu phangiwile, ni tintambu ta mina ta ntsonga ti tsemiwe hi le xikarhi.+ Vana va mina va fambe va ndzi siya, a va ha ri kona.+ A nga ha ri kona loyi a anamisaka ntsonga wa mina kumbe la yimisaka malapi ya mina ya ntsonga. 21  Hikuva varisi va endle handle ko anakanya,+ naswona a va n’wi lavanga Yehovha.+ Hi yona mhaka leyi va nga endlangiki hi ku twisisa, ni swifuwo swa vona hinkwaswo leswi nga eku dyeni swi hangalasiwile.”+ 22  Yingisa! Xiviko! Xi fikile, ni swigingi leswikulu leswi humaka etikweni ra le n’walungwini,+ leswaku swi ta endla miti ya Yuda yi va rhumbi, byetlelo bya timhungubye.+ 23  Oho Yehovha, ndzi swi tiva kahle leswaku ndlela ya munhu wa la misaveni a yi le ka yena. Munhu loyi a fambaka a nga ka a nga wu kongomisi nkondzo wa yena.+ 24  Hambiswiritano, ndzi lulamise hi vuavanyisi,+ Wena Yehovha; ku nga ri hi ku hlundzuka ka wena,+ leswaku u nga ndzi herisi.+ 25  Chululela vukarhi bya wena ehenhla ka matiko+ lama ku honiseke,+ ni le henhla ka mindyangu leyi yi nga ri vitanangiki vito ra wena.+ Hikuva va dye Yakobe.+ Ina, va n’wi dyile, naswona va hambeta va n’wi lovisa;+ naswona va lovise ndhawu yakwe yo tshama eka yona.+

Tinhlamuselo ta le hansi