Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yeremiya 1:1-19

1  Marito ya Yeremiya+ n’wana wa Hilkiya, un’wana wa vaprista lava a va ri eAnathoti+ etikweni ra Benjamini;+  loyi rito ra Yehovha ri fikeke eka yena emasikwini ya Yosiya+ n’wana wa Amoni,+ hosi ya Yuda, elembeni ra vu-13 ra ku fuma+ ka yena.  Kutani ri hambeta ri fika emasikwini ya Yoyakimi+ n’wana wa Yosiya, hosi ya Yuda, kukondza ku hela lembe ra vu-11 ra Sedekiyasi+ n’wana wa Yosiya, hosi ya Yuda, kukondza Yerusalema a ya evukhumbini hi n’hweti ya vuntlhanu.+  Hiloko rito ra Yehovha ri fika eka mina, ri ku:  “Ndzi ku tivile+ ndzi nga si ku vumba ekhwirini,+ naswona ndzi ku hlawulekisile+ u nga si huma embelekweni. Ndzi ku endle muprofeta wa matiko.”  Kambe ndzi te: “Oho, Wena Yehovha, Hosi leyi Lawulaka! Phela entiyisweni a ndzi swi tivi ku vulavula,+ hikuva ndza ha ri mufana.”+  Yehovha a ya emahlweni a ku eka mina: “U nga vuli u ku, ‘Ndza ha ri mufana.’ Kambe u fanele u ya eka hinkwavo lava ndzi nga ta ku rhuma eka vona; u fanele u vulavula+ xin’wana ni xin’wana lexi ndzi nga ta ku lerisa xona.  U nga chavisiwi hi swikandza swa vona,+ hikuva ‘ndzi na wena leswaku ndzi ku kutsula,’+ ku vula Yehovha.”  Kavaloko Yehovha a tshambuluta voko a ndzi khumba nomu.+ Kutani Yehovha a ku eka mina: “Ndzi veke marito ya mina enon’wini wa wena.+ 10  Waswivo, ndzi ku lerisile esikwini leri leswaku u va ehenhla ka matiko ni le henhla ka mimfumo,+ leswaku u simula, u hlanhla, u lovisa ni ku hirimuxa,+ u aka ni ku byala.”+ 11  Kutani rito ra Yehovha ri ya emahlweni ri fika eka mina, ri ku: “Xana u vona yini Yeremiya?” Hiloko ndzi ku: “Ndzi vona xihluke xa murhi wa almondi.” 12  Yehovha a ya emahlweni a ku eka mina: “U vone kahle, hikuva ndzi tshama ndzi xalamukele rito ra mina leswaku ndzi ri hetisisa.”+ 13  Kutani rito ra Yehovha ri fika eka mina ra vumbirhi, ri ku: “Xana u vona yini?” Hiloko ndzi ku: “Ndzi vona mbita ya nomu lowukulu leyi pfurheteriwaka, nomu wa yona wu le tlhelo ra n’walungu.” 14  Hiloko Yehovha a ku eka mina: “Khombo ri ta ntshunxiwa ri huma en’walungwini, ri wela vaaki hinkwavo va tiko.+ 15  Hikuva ‘ndzi vitana mindyangu hinkwayo ya mimfumo ya le n’walungwini,’ ku vula Yehovha;+ ‘kunene yi ta ta kutani wun’wana ni wun’wana wu ta veka xiluvelo xa wona evunghenweni bya tinyangwa ta Yerusalema,+ ni le ka marhangu ya wona hinkwawo ni le mitini hinkwayo ya Yuda.+ 16  Kutani ndzi ta vulavula na yona hi vuavanyisi bya mina malunghana ni vubihi+ hinkwabyo bya yona, hikuva va ndzi siyile,+ va tshamela ku mbulukisa switlhavelo eka swikwembu+ swin’wana ni ku nkhinsamela mintirho ya mavoko ya vona.’+ 17  “Loko ku ri wena, u fanele u tikhama masenge,+ u suka u yima, u va byela hinkwaswo leswi ndzi ku lerisaka swona. U nga tshuki u va chava,+ leswaku ndzi nga ku endli u va chava. 18  Kambe loko ku ri mina, namuntlha ndzi ku endle muti lowu tiyisiweke ni phuphu ya nsimbi ni marhangu ya koporo+ ku lwisana ni tiko hinkwaro,+ eka tihosi ta Yuda, eka tihosana ta wona, eka vaprista va wona ni le ka vanhu va tiko.+ 19  Kunene va ta lwa na wena, kambe a va nge ku hluli,+ hikuva ‘mina ndzi na wena,’+ ku vula Yehovha, ‘leswaku ndzi ku kutsula.’”+

Tinhlamuselo ta le hansi