Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yakobo 5:1-20

5  Rhiyani ndleve, sweswi, n’wina vanhu+ lava fuweke, rilani, mi kolola hikwalaho ka maxangu lama nga ta mi wela.+  Rifuwo ra n’wina ri borile, naswona tinguvu ta n’wina ta le handle ti dyiwe+ hi tinsumba.  Nsuku ni silivhere ya n’wina swi kurhe hi ku helela, naswona nkurhe wa swona wu ta va vumbhoni lebyi mi hehlaka, wu ta dya swirho swa n’wina leswi nga ni nyama. Nchumu wo fana ni ndzilo+ hi lowu mi wu hlayiseke+ emasikwini+ yo hetelela.  Maswivo! Tihakelo leti fanelaka vatirhi lava tshoveleke masimu ya n’wina kambe leti mi va pfumataka tona,+ ti hambeta ti huwelela,+ naswona swirilo swa mpfuno+ swa vatshoveri swi nghene etindleveni+ ta Yehovha wa mavuthu.  Mi hanye hi vulovolovo emisaveni naswona mi hlongorise ntsako+ wa swa nyama. Mi nonise timbilu ta n’wina hi siku ra ku dlawa.+  Mi gweve lowo lulama ni ku n’wi dlaya hi vomu. Xana a nga lwisani na n’wina?+  Hikokwalaho, lehisani mbilu, vamakwerhu, ku fikela enkarhini wa vukona+ bya Hosi. Maswivo! Murimi u tshama a rindza mbhandzu wa misava lowu nga wa nkoka, a wu lehisela mbilu ku fika laha a kumaka mpfula leyo sungula ni mpfula+ leya le ndzhaku.  Na n’wina lehisani mbilu;+ tiyisani timbilu ta n’wina, hikuva vukona bya Hosi byi tshinele.+  Mi nga n’unun’utelani, vamakwerhu, leswaku mi nga avanyisiwi.+ Maswivo! Muavanyisi u yime emahlweni ka tinyangwa.+ 10  Vamakwerhu, tekani vaprofeta+ lava vulavuleke hi vito ra Yehovha+ va ri ntila+ wa ku tiyiselela nhlomulo+ ni ku lehisa mbilu.+ 11  Maswivo! Lava tiyiseleke+ hi va vula lava tsakeke. Mi twile hi ta ku tiyisela ka Yobo+ naswona mi byi vonile vuyelo bya kona lebyi Yehovha a byi nyikeleke,+ leswaku Yehovha u ni xinakulobye lexikulu swinene ni tintswalo.+ 12  Hambiswiritano, ehenhla ka hinkwaswo, vamakwerhu, tshikani ku hlambanya, ina, ku nga ha va hi tilo kumbe hi misava kumbe hi xihlambanyo+ xihi ni xihi. Kambe Ina wa n’wina a a vule Ina, naswona E-e wa n’wina, a va E-e, leswaku mi nga weli ehansi ka vuavanyisi.+ 13  Xana u kona loyi a byarheke nhlomulo exikarhi ka n’wina? A a hambete a khongela.+ Xana u kona la tsakeke swinene? A a yimbelele tipisalema.+ 14  Xana u kona loyi a vabyaka exikarhi ka n’wina?+ A a vitane vakulukumba+ va vandlha, kutani a va n’wi khongelele, va n’wi tota mafurha+ hi vito ra Yehovha. 15  Kutani xikhongelo xa ripfumelo xi ta hanyisa+ la nga pfukiki swinene, naswona Yehovha u ta n’wi pfuxa.+ Nakambe, loko a lo endla swidyoho, u ta rivaleriwa swona.+ 16  Hikokwalaho, byelanani+ swidyoho swa n’wina, mi khongelelana, leswaku mi ta hola.+ Xikombelo xa munhu la lulameke, loko xi endliwa, xi ni matimba+ lamakulu. 17  Eliya a a ri munhu la nga ni mintlhaveko yo fana ni ya hina,+ kambe exikhongelweni u khongelele leswaku mpfula+ yi nga ni; naswona a yi nanga etikweni ku ringana malembe manharhu ni tin’hweti ta tsevu. 18  Naswona u tlhele a khongela, hiloko tilo ri nisa mpfula, kutani misava yi tswala mihandzu+ ya yona. 19  Vamakwerhu, loko mani na mani exikarhi ka n’wina a hambukisiwa entiyisweni kutani un’wanyana a n’wi vuyisa,+ 20  swi tiveni leswaku loyi a vuyisaka mudyohi+ endleleni ya yena leyi hambukeke u ta ponisa moya-xiviri wa yena eku feni+ naswona u ta funengeta swidyoho+ leswinyingi.

Tinhlamuselo ta le hansi