Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yakobo 4:1-17

4  Tinyimpi ti huma exihlobyeni xihi naswona ku lwa loku nga exikarhi ka n’wina ku huma exihlobyeni xihi? Xana a ku humi eka xona xihlovo+ lexi, ku nga, eku naveleni ka n’wina ntsako wa swa nyama loku kwetlembetanaka eka swirho+ swa n’wina ke?  Ma navela, kambe ke, ma pfumala. Mi hambeta mi dlaya+ hi vomu ni ku vondzoka,+ kambe, a mi koti ku swi kuma. Mi hambeta mi lwa,+ mi dodombisana. Ma pfumala hi leswi mi nga komberiki.  Ma kombela, kambe ke, a mi nyikiwi, hikuva mi kombela hi xikongomelo+ lexi hoxeke, leswaku mi ta xi tirhisa eku naveleni ka n’wina ntsako wa swa nyama.+  Vavasati va vuoswi,+ xana a mi swi tivi leswaku ku va ni xinakulobye ni misava i vulala ni Xikwembu?+ Hikokwalaho, mani na mani la lavaka ku va nakulobye+ wa misava u tiendla nala wa Xikwembu.+  Kumbe, xana eka n’wina swi vonaka onge tsalwa leri ro vula ntsena loko ri ku: “Moya+ lowu tshameke endzeni ka hina wu tshamela ku navela hikwalaho ka ku taleriwa hi mona”?  Hambiswiritano, musa lowu nga faneriwiki lowu xi wu nyikaka i wukulu.+ Hikwalaho, ri ri: “Xikwembu xi kaneta lava titlakusaka,+ kambe xi nyika lava+ titsongahataka musa lowu nga faneriwiki.”  Hikwalaho, tivekeni+ ehansi ka Xikwembu; kambe mi kaneta Diyavulosi,+ kutani u ta mi balekela.+  Tshinelani eka Xikwembu, kutani xi ta tshinela eka n’wina.+ Basisani mavoko ya n’wina, n’wina vadyohi,+ mi tengisa timbilu+ ta n’wina, n’wina lava nga tiyisekiki.+  Vanani ni maxangu, mi kolola, mi rila.+ Ku hleka ka n’wina a ku hundzuriwe ku kolola, ntsako wa n’wina wu hundzuriwa gome.+ 10  Titsongahateni emahlweni ka Yehovha,+ kutani u ta mi tlakusa.+ 11  Vamakwerhu,+ tshikani ku vulavulana hi ndlela yo biha. Loyi a vulavulaka makwavo hi ndlela yo biha kumbe ku avanyisa+ makwavo, u sola nawu naswona u avanyisa nawu. Kutani loko u avanyisa nawu, a wu muendli wa nawu kambe u muavanyisi.+ 12  I un’we la nga munyiki wa nawu ni muavanyisi,+ loyi a kotaka ku ponisa ni ku lovisa.+ Kambe wena, u mani lerova u nga avanyisa warikwenu?+ 13  Rhiyani ndleve, sweswi, n’wina mi nge: “Namuntlha kumbe mundzuku hi ta endzela muti wo karhi ivi hi heta lembe kona, naswona hi ta endla bindzu hi bindzula,”+ 14  kasi a mi swi tivi leswaku vutomi bya n’wina byi ta va yini mundzuku.+ Hikuva mi hunguva leyi humelelaka nkarhinyana kutani yi nyamalala.+ 15  Ematshan’weni ya sweswo, mi fanele mi ku: “Loko Yehovha a swi rhandza,+ hi ta hanya hi vuya hi endla leswi kumbe leswiya.”+ 16  Kambe sweswi mi tinyungubyisa hi ku tikurisa+ ka n’wina ka manyunyu. Ku tinyungubyisa ko tano hinkwako ku hombolokile. 17  Hikokwalaho, loko munhu a tiva ndlela yo endla leswi lulameke kambe a nga swi endli,+ i xidyoho+ eka yena.

Tinhlamuselo ta le hansi